इफिसियों 5:32 - सिरमौरी नौवाँ नियम

³² ऐजा भैद तौ बौड़ा औसौ; ऐजी ऐक कीमती औरौ गंभीर शिक्षा औसौ पौरौ मोऐं सौथीखै मसीह औरौ कलीसिया कै बीच कै सौमबंध कै बारै मुंजी बात कौरे लौए।

Sirmouri

³² ईदेका भेद् तअ बड़ी बात असो, परह् हाँव ईथे मसीया अरह् कलीसिया के बारे दो बुलू।

इफिसियों 5:32 ပူးပေါင်းရင်းမြစ်များ

यूहन्ना 3:29

दूल्हा दु‌‌ल्हन शै बैयाव कौरे पांव, पौरौ दुल्है का दोस्त खौड़ा हौंव, औरौ तैसकी शुणौ, औरौ दुल्है कै शब्द लैई बैजाए खुश हौंव, इथकारिए मैरा दिल बै खुशी शै भोरै गौआ।

2 कुरिन्थियों 11:2

जिथुकै हांव तुऔंआरी तैशैखैई प्यार कौरु औरौ तोंवारै परवाह कौरु जैशै पौरमेशवर कौरौ, इथकारिए मोऐं तुऔं पवित्र कुंवारी कै जैशणा मसीह खै दैणौ औरौ सिरफ तैसीखै ही सौंपै दैणौ का वादा कौरे राए। जैशै ऐक बापू आपणै बैटी खै बैयाव कै सौमय आपणै घोरवाल़ै खै ऐक पवित्र कुंवारी कै रुप दा सौंपौ।

इफिसियों 5:31

जैशैकै पवित्र शास्त्र बौल़ौ, “कै मर्द माँ-बापू कै छोड़ेयौ आपणै घोरवाल़ी आरी मिलैयौंदा रौंदा, औरौ सै दुईनै ऐक शोरीर हौंदै।”

इफिसियों 5:33

पौरौ ऐजौ तुऔं पांदी बै लागू हौंव तुऔं मुंजीदै सौबै आपणी घोरवाल़ी आरी आपणै जैशणा प्यार राखौ, औरौ घोरवाल़ी बै आपणै घोरवाल़ै का आदर कौरौ।

इफिसियों 6:19

औरौ तुऐं मुं कारिए बै प्रार्थना कौरौ, ताकि बौलदै बैई मुखै शब्द दियै जांव औरौ हांव निडर हौयौ तैसी सुसमाचार का भैद बौताए सौकु।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

1 तीमुथियुस 3:8

तैशैखैई कलीसिया कै सेवको कै ऐशणै आदमी हौणौ चैंई जिनका लोग आदर कौरौ। तिनु दुगल़ै औरौ सूरवाए नी हौणौ चैंई, बैसब्री औरौ धौखा दैयौ धन कमाणौ वाल़ै नी हौणौ चैंई।

प्रकाशितवाक्य 21:2

मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ। तैसी शहर खै ऐक दुल्हन कै जैशणै तैयार कौरे लौए थै जियौं खै लुस्कै बोम्बाए राए औरौ सजाए राए औरौ जू दुल्है शै बैयाव कौरणौ कारिए तैयार औसौ।