इफिसियों 5:15 - सिरमौरी नौवाँ नियम

¹⁵ इथकारिए ध्यान शै दैखौ, कै आपणै स्‍वभाव कै बारै मुंजी खास कौरेयौ चौकश रौंव; निर्बुध्दि कै जैशणै नी पौरौ बुध्दिमान कै जैशणै हांडो।

Sirmouri

¹⁵ ईदेखे सुओं करियों देखो, के तुँऐं केष्णी चाल-चालो, बैसम्झ के जैष्णें ने, परह् बुद्धी-माँन के सँमान चालो।

इफिसियों 5:15 ပူးပေါင်းရင်းမြစ်များ

मत्ती 10:16

“दैखौ, हांव तुऔं भेड़ो कै जैशणै भेड़ियों कै बीच मुंजी छाड़ै दियु, इथकारिए शोंगोऊं कै जैशणै बुध्दिमान औरौ कबूतरों कै जैशणै भोल़ै बौणैया।

मत्ती 25:2

तिनुमुंजी पाँच मूर्ख औरौ पाँच सौमझदार थी।

मत्ती 27:24

जोबै पिलातुसे दैखौ, कै किछै बै बौणै ना रैई पौरौ इथकै उलटु रोल़ा बोड़दा ही गौआ, तोबै तैणै पाणी लैई भीड़ौ खै सामणै आपणै हाथ धोवे। औरौ बुलू, “हांव ऐसी धरमी खै लोऊ शै निर्दोष औसौ; तुऐंई जाणौ।”

मत्ती 27:4

औरौ बौल़ौ, “मोऐं निर्दोष आदमी खै मारणौ कारिए थोम्बाएबा पाप कौरे राए!” तिनुऐ बौल़ौ, “आमु इथकै बारै मुंजी किछै परवाह ना आथी? तू आपी इथकारिए जुमैवार औसौ।”

मत्ती 8:4

यीशुए तैसीखै बौल़ौ, “दैख कोसी कैई नै बौलेया पौरौ जाऐबा आपी खै यहूदी पुरोहित खै दिखा औरौ जू मूसाए कोढ़ ठीक हौए जाणौ कै बारै मुंजी बौताए राए थियु तिथकै हिसाब शै पौरमेशवर कारिए बलिदान चौढ़ा, ताकि लोगौ कै पौता लागै सौकौ कै तू ठीक हौए गौआ।”

लूका 24:25

तोबै तैणै दु चैलै खै बौल़ौ, “ओए रै मूर्ख नालायक लोगौ! जू किछै पौरमेशवर कै बातौ बौताणौवाल़ै पवित्र शास्त्र दो लैखै राए, तुऔं लोगौ कै तिथ पांदी बिशवाश कौरणा कैतरा मुशकिल लागौ।

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

गलातियौं 3:1

ओए रै नासमझ, गलातिया शहर कै बिशवाशियौं, मोऐं तौ स्पष्ट रुप शै औरौ आछी तरह शै तुऔं सौमझाए राए थिए, कै यीशु मसीह तुऔं कारिए क्रूसो पांदी किथु मौरा, तौ तोबै तुऐं तैसी कैईंदै दूर कैशै हौटै गौवै? कोसीए तुऔं धौखा दैय दिया।

गलातियौं 3:3

का तुऐं इशैक नासमझ औसौ? कि तुऐं जू काम पवित्र आत्मा कै दवारा मसीह कै साथै आपणै नोऐं जिन्दगी कै शुरुआत कौरी, का यौं जिन्दगी ऐबै आदमी कै कामौ कै दवारा खत्म कौरणै चांव?

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

इफिसियों 5:33

पौरौ ऐजौ तुऔं पांदी बै लागू हौंव तुऔं मुंजीदै सौबै आपणी घोरवाल़ी आरी आपणै जैशणा प्यार राखौ, औरौ घोरवाल़ी बै आपणै घोरवाल़ै का आदर कौरौ।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

कुलुस्सियों 1:9

इथकारिए जैसी दूसौ दो ऊबु आमुए ऐजौ शौणै राए आमै बै तुऔं कारिए लगातार प्रार्थना औरौ बिन्ती कौरु; कै पौरमेशवर कै आत्मा तुऔं ज्ञान औरौ सौमझ दैंव ताकि तुऐं तैसकै इछा कै पूरी तरह शै सौमझै सौकौ।

कुलुस्सियों 4:5

हर मोके का आछै शै इस्तैमाल कौरौ ऐजौ दिखाणौ कारिए कै तुऐं बिशवाशी औसौ औरौ जू लोग यीशु पांदी बिशवाश ना कौरौ तिनकै साथै बुध्‍दिमानी शै बर्ताव कौरौ।

1 थिस्सलुनीकियों 5:15

ऐजौ ध्यान राखौ कै कोसी कै बुराई कै बौदलै बुराई नी कौरेया; बल्कि तुऔं ऐकी दूजै कारिए औरौ सौबी कारिए भले काम कौरणौ कै कौचिश कौरणै चैंई।

1 तीमुथियुस 6:9

पौरौ जू अमीर हौणा चांव, सै सौबै भान्त कै पाप कौरणौ कारिए आसानी शै धौखा खांव औरौ ऐक शिकार कै जैशणै जालो दै फोशे जांव। सै तिनु चीज़ौ कै कौरणा चांव जू तिनु कारिए बैकार शी औरौ नुकसानदायक औसौ औरौ ऐजी बुरी इछाएं तिनु बर्र्बादी कै ढौबौ लौए जांव औरौ नाश कौरे दैंव।

इब्रानियों 12:25

चौकश रौव, औरौ तैसी पौरमेशवर कै मानौ जू तुऔंआरी बातौ कौरौ, जिथुकै इस्राएल कै लोग जोबै दुनिया पांदी थिए तौ पौरमेशवर कै सौजा शै ना बौचै सौकी, इथकारिए ऐजौ अमारै खातिर हौजौ बै बुरु हौंदौ जै आमै तैसी पौरमेशवर कै बात शुणणौ शै मौना कौरे दियु जू आमु स्वर्ग शै चैतावणी दैंव।

याकूब 3:13

तुऔं मुंजी ज्ञानी औरौ सौमझदार कुण औसौ? जै तुऐं औसौ तौ तुऔं ऐक आछा जीवन जिणौ कै दवारा औरौ तियौं नम्रता कै साथै जू तोंवारै ज्ञान शै आंव आछै काम कौरेयौ दिखाणै चैंई।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

प्रकाशितवाक्य 19:10

जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”