इफिसियों 5:11 - सिरमौरी नौवाँ नियम

¹¹ इथकारिए इनु पाप वाल़ै कामौ कै कौरणौ मुंजी तिनकै साथै शामिल ना हौंव। पौरौ इनु पाप वाल़ै कामौ कै पेयाशै दै लाव।

Sirmouri

¹¹ जुण्जे लोग ईनाँरे के नीषफल़ काँम-काज़ करह्, तुँऐं भे तिनके साथी ने बंणे; परह् तिनखे ऐजो बुलो, के ऐजे बुरे काँम-काज़ तुऐं भे ने करे; अरह् तुँऐं तिनू भे सम्झाऐ,

इफिसियों 5:11 ပူးပေါင်းရင်းမြစ်များ

मत्ती 18:15

“जै तैरा बिशवाशी भाई तैरै खिलाफ पाप कौरौ, तौ जा औरौ इकली बातचीत कौरेयौ तैसीखै सौमझा; जै सै तैरी शुणल़ा औरौ पाप कौरणा छोड़ दैला तौ तुऐं आपणै भाई खै हासिल कौरे पाए।

लूका 3:19

पौरौ जोबै यूहन्नाए गलील जिले कै इलाके कै हेरोदेस राजा खै तैसकै भाई फिलिप्‍पुस कै घोरवाल़ी हेरोदियास कै साथै कुकर्म कौरणौ कै बारै मुंजी ताड़ा।

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

रोमियों 13:12

इयौं बुरै दुनिया दा रौणौ का अमारा सौमय ऐकी राती कै खत्म हौए जाणौ कै जैशणा लमसम खत्म हौए गौआ, औरौ सैजा सौमय बै नेड़िक औसौ जोबै मसीह पाछु आन्दा। आमु तिनु बुरी चीज़ौ कै बंद कौरे दैणै चैंई जू लोग इनारै दै कौरौ। आमु तिनु हथियारों कै इस्तैमाल कौरणै चैंई जू इनारै दै इस्तैमाल कौरे जांव।

रोमियों 16:17

ऐबै ओए रै बिशवाशी भाईयों, हांव तुऔं कैईंदै बिन्ती कौरु, कै सैजै लोग जिनकै बौजैह शै ओकी लोगौ कै बिशवाश खत्म हौए जांव, सै ऐशणै काम कौरौ जू बटंवारै कै बौजैह बौणौ कै तुऐं तिनु लोगौ शै चौकश औरौ दूर रौव।

रोमियों 6:21

आपणै पुराणै जीवन शै तुऔं का फायदा भैटौ? तुऐं इथकी बौजैह शै सिरफ शर्मिंदा हौंव, जिथुकै तिनु कामौ का नतीजा मौत औसौ।

गलातियौं 6:8

जिथुकै जू आदमी सैजौ कौरौए जू तैसका पापी स्‍वभाव चांव, सै दैखदा कै ऐजौ तैसी कारिए मौत लोयो आन्दौ। पौरौ जू आदमी पौरमेशवर कै आत्मा कै इछा खै पूरी कौरौ सै दैखदा कै आत्मा तैसी सौदा कै जिन्दगी दैंदा।

इफिसियों 4:22

तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

इफिसियों 5:12

जिथुकै अबिशवाशी लोगौ कै छिपैयौंदे कामौ कै चौर्चा बै शर्म कै बात औसौ।

इफिसियों 5:7

इथकारिए इनु पाप वाल़ै काम कौरणौ कारिए दुनिया कै लोगौ कै साथै शामिल ना हौंव।

कुलुस्सियों 1:12

औरौ पिता पौरमेशवर का धन्यवाद कौरदै रौंव जैणै तुऔं ऐसी लायक बाणै राए कै तुऐं तैसी विरासत दै शामिल हौंव जू तैणै पेयाशै कै राज्य दै आपणै पवित्र लोगौ कारिए तैयार कौरे राए।

1 थिस्सलुनीकियों 5:7

जिथुकै जू सोतै जांव सै राती ही खै सुतौ, औरौ जू लापरवाह हौंव सै राती ही कै लापरवाह हौंव।

2 थिस्सलुनीकियों 3:14

जै कुणिए अमारी इयौं चिट्ठी कै सौंदेश खै ना मानौ तौ सौबी कै बौतांव कै सै कुण औसौ ताकि सौब लोग जाणौ। औरौ तैसीआरी संगति नी राखैया, ताकि सै शर्म महसूस कौरौ।

2 थिस्सलुनीकियों 3:6

ओए रै बिशवाशी भाईयों, तैसी औधिकार शै जू प्रभु यीशु मसीहे आमु दैय राए, कै ऐशणै कोसी बै बिशवाशी भाई औरौ बोईणी आरी मिली-जोलैयौ नी रौया, जू सुस्त रौंव, औरौ तिनु नियमौ खै ना मानौ जू आमुए तुऔं शिखाए राए।

1 तीमुथियुस 5:20

जू लोग पाप कौरौ, ताखै तिनु लोगौ कै सौबी बिशवाशियौं कै सामणै डांटणै चैंई, ताकि औकै बिशवाशी बै पाप कौरणौ शै डौरौ।

1 तीमुथियुस 5:22

जांव तौड़ी सै आपी कै मसीह कै प्रति बिशवाश लायक साबित ना कौरे दैंव तांव तौड़ी तैसीकै अगुवा नी बाण औरौ जै तू ऐशै कौरे, तौ तू तैसकै पापौ कारिए बै जुमैवार औसौ, ठाणै पा कै तू आपी पाप ना कौरे।

1 तीमुथियुस 6:5

ऐशणै लोगौ कै बीच मुंजी झोगड़े पौयदा हौं, जिनकै बुध्दि खत्म हौए गौए औरौ सै सौचाई खै ना सौमझै पांव, औरौ सै सुंचौए कै पौरमेशवर कै सेवा कौरणै अमीर हौणौ का तरीका औसौ।

2 तीमुथियुस 3:5

सै पौरमेशवर का आदर कौरणौ कै दिखावा कौरदै, पौरौ सै पौरमेशवर कै अनौखी शौकतै कै बुरै जीवनो शै बौदल़णौ शै इन्कार कौरदै; ऐशणै लोगौआरी सौमबंध नी राख।

2 तीमुथियुस 4:2

कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।

प्रकाशितवाक्य 18:4

तोबै मोऐं स्वर्ग शै ऐक शब्द हौजौ शुणा, “तुऐं, जू मुंआरी सौमबंध राखौ, तिथ शहर कै छोड़े दैव। तिथकै साथै मिलैयौ पाप ना कौरौ, ताकि तुऔं तिथकी साथै सौजा नी दी जांव।”