इफिसियों 4:31 - सिरमौरी नौवाँ नियम

³¹ सौबै भान्त खै कड़वाहट औरौ प्रकोप औरौ गुस्सा औरौ कलह, औरौ सौबै बैरभाव औरौ नेंदैया तक आपणै जीवन शै दूर कौरौ।

Sirmouri

³¹ साँत्त-भाँत्ती कड़वाट, कुरूध, घीप, अरह् कल़ेष अरह् निदिया अरह् बादे बईर भाव समेत तुँओं शे दुर्के हों।

इफिसियों 4:31 ပူးပေါင်းရင်းမြစ်များ

प्रेरितो कै काम 21:30

तोबै सौबी नोगर दै हलचल मोचै गौए, औरौ लोग दौड़ैयौ कौठै हुवे, औरौ पौलुसो खै थाम्बैयौ मन्दिर कै बायरै लोशयो लियोऊवा, औरौ तौलोंई दवार बोन्‍द कौरे दियै।

रोमियों 3:14

औरौ तिनकी बातौ शराप औरौ कड़वाहट लैई भोरेयौंदे औसौ।

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

1 कुरिन्थियों 5:8

इथकारिए हांव बुलू, कै आमु सौदा पौरमेशवर कै पवित्र लोगौ खै जैशणौ रौणौ चैंई। आमु बुरै तरीको शै नी जीणु चैंई इथकै बजाय, आमु पौरमेशवर कै आज्ञाओं का पालन कौरणा चैंई औरौ कुणजैई बै बुरै औरौ दुष्टता कै काम नी कौरणै चैंई, यानी आमु सौदा ईमानदार औरौ भरोसेमंद रौणौ चैंई।

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

गलातियौं 5:20

मूर्तिपूजा, जादू टोना, बैर झोगड़ा, तिनु चीज़ौ खै पाणौ कै लालसा जू ओकी लोगौ कैंई औसौ, गुस्सा, विरोध, फूट, गुटबाजी,

इफिसियों 4:22

तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

इफिसियों 4:25

ऐसी बौजैह शै झूठ बौलणौ छोड़ेयौ, हरेक आपणै साथी बिशवाशी शै साचौ बौल़ौ, जिथुकै आमै सौबै ऐकी शोरीर कै अंग औसौ।

इफिसियों 4:26

जै तुऐं गुस्से हौए जांव, तौ ध्यान राखैया कै तुऐं पाप ना कौरौ। बैल़खै हौणौ दै आगै तुऐं गुस्सा कौरणा बंद कौरे दौ।

कुलुस्सियों 3:19

ओए रै घोरवाल़ै, आपणै-आपणै घोरवाल़ी आरी प्यार कौरौ, औरौ तिनु आरी नम्रता शै बर्ताव कौरौ।

कुलुस्सियों 3:8

पौरौ ऐबै तुऔं बै इनु सौबै कामौ कै यानी गुस्सा, रुशणौ, बैरभाव, नेंदैया औरौ गाल़ी दैणी बन्द कौरे दैणी चैंई।

1 तीमुथियुस 3:11

ऐशैखैई तिनकी घोरवाल़ी सौबी कै दवारा आदर पाणौ कै लायक हौणी चैंई। निन्दा कौरणौवाल़ी नी हौणी चैंई, शान्त तरीकै शै बर्ताव कौरणौवाल़ी हौणी चैंई औरौ पूरी तरह शै भरोसेमंद हौणी चैंई।

1 तीमुथियुस 3:3

तैसी सूरवाए औरौ झौगड़वाए नी हौणौ चैंई; पौरौ दयालु औरौ सौब्री औरौ शान्त स्‍वभाव का आदमी हौणौ चैंई, औरौ तैसी धन का लालच ना हौणा चैंई।

1 तीमुथियुस 5:13

औरौ इथकै साथ ही साथ सै घोरे-घोरे फिरैयौ सुस्त बौणै जांव, औरौ सिरफ सुस्त नै पौरौ ओकी लोगौ कै बारै दी बै चुगली कौरौ औरौ ओकी लोगौ कै कामौ दै बै टाँग अढ़ांव औरौ ऐशणी बातौ कौरौ जू तिनु ना कौरणी चैंई।

2 तीमुथियुस 2:23

पौरौ मूर्खता, औरौ अनजानी शिक्षा शै दूर रौव, जिथुकै तू जाणैए, कै इथलैई झोगड़े हौंव।

2 तीमुथियुस 3:3

दया ना कौरणौवाल़ै, माफ नी कौरणौवाल़ै, दोष लाणोवाल़ै, औरौ जिनकी इछाएं आपणै काबू दी ना आथी औरौ ढीठ, औरौ भोलाए शै नफरत कौरणौवाल़ै हौंदै।

तीतुस 1:7

जिथुकै ऐक अगुवे कै पौरमेशवर का भण्‍डारी हौणौ की बौजैह शै निर्दोष हौणौ चैंई; औरौ ना हठीला, ना गुस्से बाज, ना पियक्कड़, ना मारपीट कौरणौवाल़ा औरौ ना नीच कमाई का लालची हौणा चैंई।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

याकूब 1:19

ओए रै मैरै प्यारे भाईटु, ऐजै बात तुऐं जाणै पाव, हरेक आदमै शुणणौ कारिए तैयार, औरौ बौल़ाणौ दा सब्र राखणौ वाल़ा, औरौ गुस्सा कम कौरणौवाल़ा हौंव।

याकूब 3:14

पौरौ जै तुऐं आपणै-आपणै मन दै बैजाए ज़लन औरौ स्वार्थ राखौ, तुऐं ऐजा घमण्‍ड नी कौरणा चैंई कै तुऐं ऐक बुध्दिमान आदमै औसौ। जै तुऐं ऐशै कौरौ तौ तुऐं सौचाई खै झूठ दो बौदलै दैंव।

याकूब 4:11

ओए रै भाईटु ऐकी दूजै कै बोदनामी नै कौरौ, जू आपणै भाई कै बोदनामी कौरौ या तैसी पांदी दोष लांव, सै व्यवस्‍था खै बोदनामी कौरौ औरौ कानून पांदी दोष लांव; औरौ जै तू कानून पांदी दोष लांए, तौ तू कानून कै मानणौ वाल़ा ना आथी पौरौ तिथपांदी न्याय कौरणौवाल़ा बौण जाए।

1 पतरस 2:1

इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।

1 यूहन्ना 3:12

आदम कै बैटै कैन कै जैशणै ना बौणौ जू तैसी दुष्ट शैतान शै थिया, औरौ जैणै आपणै भाई खै मारै दिया। तैणै आपणै भाई कै कियों बौजैह शै मारै दिया? जिथुकै तैसकै काम बुरै थिए, औरौ तैसकै भाई कै काम धार्मिकता कै थिए।

1 यूहन्ना 3:15

जू कुणिए आदमी आपणै बिशवाशी भाईआरी बैर कौरौ, सै हथियारा औसौ; औरौ तुऐं जाणौए कै कोसी हथयारै दै सौदा कै जिन्दगी ना रौंव।

प्रकाशितवाक्य 12:10

तोबै मोऐं स्वर्ग दै कोसी कै जोर शै ऐजौ बौलदै शुणा, “ऐबै अमारा पौरमेशवर आपणै लोगौ कै बौचांदा! औरौ ऐबै सै आपणी शौकतै का इस्तैमाल कौरदा औरौ राजा कै भैष दा राज कौरदा! ऐबै तैसका मसीह दुनिया पांदी आपणै औधिकार का दावा कौरदा! जिथुकै ऐबै शैतान अमारै पौरमेशवर कै सामणै खौड़ै हौयौ अमारै बिशवाशी भाईयों पांदी दूसौ-रातै दोष ना लांदा। तैसी स्वर्ग पौरैशा बायरै फेरकाए राए।