इफिसियों 4:29 - सिरमौरी नौवाँ नियम

²⁹ कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

Sirmouri

²⁹ किऐ गाँदी बात तुँवाँरे मुँहों शी ने निकल़ो, परह् जरूरत के मुँताबिक सेजी ही बात तुवाँरे मुँहों शी ओकी की भलाई के ताँईऐं तिनकी आत्त्मिक बड़ोत्री खे नीकल़ो, जू तिन्दे शुँण्णों वाल़े गाशी कृपा हों।

इफिसियों 4:29 ပူးပေါင်းရင်းမြစ်များ

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

लूका 4:22

सौबीए तैसकै तारीफ कोरी औरौ जू अनुग्रह की बातौ तैसकै मुँह शै निकल़ौ थी, तिनु शोणेयो सै हैरान हौयौ बौलदै लागै, “का ऐजा यूसुफ का बैटा ना आथी?”

यूहन्ना 1:37

तोबै सैजै दुईनै चैलै तैसी शौणैबा यीशु कै साथै हौटै गौवै।

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

रोमियों 15:2

आमु मुंजीदै हरेक आपणै साथी बिशवाशी कै साथै ऐशै कौरणौ चैंई जू तैसकै मनो कै खुशी कौरौ तैसकै बिशवाश कै मोजबूत कौरणौ दै मौदद कौरौ।

1 कुरिन्थियों 14:19

कलीसिया दो मुं कारिए आछौ औसौ कै तिथै पाँच शब्द ही बुलू जू सौमझै जाए सौकौ औरौ शिखाणौ या ओकी खै सलाह दियु, बजाय मैरै शब्दो कै बौल हज़ारो हौंव पौरौ सौमझै ना जाए सौकौ।

इफिसियों 4:12

तिनकै जुमैवारै ऐजै औसौ कै सै बिशवाशियौं कै पौरमेशवर का काम कौरणौ कारिए तैयार कौरौ औरौ मसीह का शोरीर जू बिशवाशियौं कै मंडली औसौ सै मोजबूती शै बौढ़दै जांव।

इफिसियों 4:16

जैशैखै ऐकी आदमी का शोरीर तैसकै जोड़ो कै दवारा ऐक साथी जोड़ेयौंदा रौंव, तैशैखैई मसीह आमु सौबी कै जू तैसी पांदी बिशवाश कौरो, आपणै शोरीर कै अंगो कै जैशणै जोड़ो। औरौ जोबै शोरीर कै सौबै अंग ठीक तरह शै काम कौरौ तौ शोरीर बौढ़ौ औरौ मोजबूत हौंव; तैशैखैई, जोबै आमु मुंजीदै सौबै तैसी काम कै कौरो जू मसीहे आमु दैय राए तौ आमै मोजबूत बोणदै औरौ पाकै हौंदै औरौ ऐकी दूजै शै हौजौ जादा प्यार कौरदै।

कुलुस्सियों 4:6

तुंआरी बातौ सौदा नम्रता कै साथै औरौ मन कै भाणो वाल़ी हौंव औरौ जै तुऐं ऐशै कौरलै तौ तुऐं शिखै पांदै कै लोगौ कै कैशै बुध्दिमानी कै साथै जोवाब दैणा, जोबै कुणिए तुऔं कैईंदु सुसमाचार कै बारै मुंजी पूछौ।

1 थिस्सलुनीकियों 5:11

इयौं बौजैह शै ऐकी दूजै खै हिम्मत दैव, औरौ पौरमेशवर पांदी हौजौ मोजबूती शै बिशवाश कौरणौ कारिए ऐकी दूजै कै मौदद कौरौ जैशैखै तुऐं कौरौ बै औसौए।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 3:1

ओए रै घोरवाल़ियो, आपणै घोरवाल़ै कै ऐशै अधीन रौव जैशै तुऐं प्रभु कै अधीन रौंव। इथकारिए कै जै इनु मुंजीदै कुणिए ऐशणै हौलै जू वचन खै ना मानौ,

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।