इफिसियों 4:28 - सिरमौरी नौवाँ नियम

²⁸ चोरे कौरणौवाल़ा औटेयौ चोरे ना कौरौ; यानी तैसी आपणै हाथौ लैई ईमानदारी शै काम कौरणा चैंई, ताकि गरीब लोगौ कै मौदद कौरणौ कारिए तैसीकैईं काफी मौदद हौंव।

Sirmouri

²⁸ चुरी कर्णो वाल़े हजो चोरी ने करे, परह् ईमानदारी शी आप्णें हाथे मेंहनन्त करे, ईन्देंखे के जैस्के जरूरत्त हों, तेस्खे देणों खे आपु कैई भे किऐ हुओं च़ैई;

इफिसियों 4:28 ပူးပေါင်းရင်းမြစ်များ

लूका 19:8

जक्‍कईए खाणौ कै बाद खौड़ै हौयौ प्रभु यीशु खै बुलो, “ओए रै प्रभु यीशु, दैख, हांव आपणै आधै जायदात गरीबो कै दैय दियु, औरौ जै मामला लोणो मुंजीदै कोसी कौ किछै बै धौखै शै लोए राए तौ हांव तिथु चार गुणा पाछु दैय दैंदा।”

लूका 3:8

आपी खै साबित कौरौ कै तुऐं आपणै पापौ कै छोडे़बा पौरमेशवर कै ढौबौ फैरै गौवै। औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ, हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

यूहन्ना 12:6

तैणै ऐजै बात इथकारिए ना बुली कै तैसीखै कंगालो कै परवाह थी, पौरौ इथकारिए कै सै चोर थिया, औरौ तैसीकैईं तिनकी पौयसै की थोली थी औरौ तिंदु जू किछै पांव थिए, सै तिथु उंडु घाड़ो थिया।

यूहन्ना 13:29

यहूदा इस्‍करियोती कैंई पौयसै कै थोली रौंव थी, इथकारिए कुणिए-कुणिए ऐजौ सौमझौ, कै यीशुए तैसीकै बौल़ै लो, कै जू किछै आमु तैयारो कारिए चैंई सैजौ मोलै लो या ऐजौ कै कंगालो कै किछै दै।

रोमियों 12:13

पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

1 कुरिन्थियों 4:12

औरौ आपणै ही हाथौ कै काम कौरेयौ मैहनत कौरु। लोग आमु बुरु बौल़ौ, आमु तिनु आशीष दियु; सै सतांव औरौ आमु सैहन कौरु।

2 कुरिन्थियों 8:12

जिथुकै जै तोंवारै मन दा ओकी खै दान दैणौ कै विचार औसौ तौ दान तिथकै हिसाब शै स्वीकार बै हौंव जू तैसीकैईं औसौ ना कै तिथकै हिसाब शै जू तैसीकैईं ना आथी।

2 कुरिन्थियों 8:2

कै जोबै बैजाए पौरैशानी लैई तिनकै परीक्षा कौरे गौए, तौ सै बौहितै खुशी हुवे औरौ जोबै कै सै बौहितै गरीब थिए तोबै बै तिनुऐ ओकी बिशवाशियौं कै मौदद कौरणौ कारिए दया शै धन दियु।

गलातियौं 6:10

इथकारिए जिथै तौड़ी मौका भैटौ, आमु सौबी लोगौ खै साथै भोलाए कौरणी चैंई; खास तौर शै साथी बिशवाशी कै साथै।

1 तीमुथियुस 6:18

तिनु जादा शै जादा भले काम कौरणौ कारिए बौल औरौ ओकी कारिए जू बै जौरुरी औसौ तिथु बौड़ी दया कै साथै बांडो।

तीतुस 3:14

सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।