इफिसियों 4:2 - सिरमौरी नौवाँ नियम

² औरौ पूरै दीनता, औरौ नम्रता कै साथै, औरौ धीरज धोरेयौ ओकी कै बर्ताव कै सैहन कौरौ,

Sirmouri

² मतल्व पुरी गरबाई आरी, अरह् नंरमाँऐं आरी, सबैर थईयों प्यार शे ओका ओकी की ऊदी सुऐ;

इफिसियों 4:2 ပူးပေါင်းရင်းမြစ်များ

मत्ती 11:29

मैरै जोवांऐ आपी पांदी टैपै पांव; औरौ मुं कैईंदु शिखौ; जिथुखै हांव नम्र औरौ मन दा दीन औसौ: औरौ तुऐं आपणै मन दा विशांव पांदै।

मरकुस 9:19

ऐजौ शौणैबा यीशुए तिनुखै जोवाब देएबा बौल़ौ, “ओए रै बिशवाश ना कौरणौवाल़ै लोगौ, हांव कोलो तौड़ी तोंवारै साथै रौंदा? औरौ कोलो तौड़ी तुऔं झैलदा? तैसी भैईया खै मैरै धोरे लियांव।”

प्रेरितो कै काम 20:19

औरौ बौड़ी दीनता शै औरौ आशु बोवाय-बोवायो, औरौ तिनु परीक्षाओं मुंजी जू यहूदी नेता कै चालबाजी कै बौजैह शै मुं पांदी आए गोई; हांव प्रभु कै सेवा कौरदा ही रौआ।

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

1 कुरिन्थियों 13:7

सै सौबै ठुँ सैय पांव, प्यार आमु हर हालत दै बिशवाश राखणौ कारिए काबिल बाणौ, प्यार आमु पौरमेशवर दै आपणै आशा बाणैयौंदे राखणौ दै मौदद कौरौ, ऐजौ पौरैशानी औरौ पीड़ो कै सौमय सब्र राखणा शिखांव।

गलातियौं 6:2

तुऐं ऐकी-दूजै कै भार खै साझा कौरौ। ऐशैखैई तुऐं सैजौई कौरदै, जू मसीह चांव कै तुऐं कौरौ।

इफिसियों 1:4

पौरमेशवरे दुनिया कै बाणणौ दै औगौड़ियौ ही आमु आपणै पवित्र लोग हौणौ कारिए चोणे राए जिथुकै आमै मसीह कै साथै ऐक औसौ; ताकि आमै तैसकै सामणै पवित्र औरौ निर्दोष बौणै सौकु।

कुलुस्सियों 1:11

आमै प्रार्थना कौरु कै पौरमेशवर आपणी अनौखी शौकतै कै हिसाब शै तुऔं जादा ताकतवर बौणादा रौंव ताकि तुऐं सब्र औरौ खुशी शै आपणै दुखो कै सैहन कौरे सौकौ।

1 तीमुथियुस 6:11

पौरौ ओए रै तीमुथियुस, तू पौरमेशवर कै सेवा कौरणौवाल़ा आदमी औसौ, ताखै इनु सौबी चीज़ौ कै कौरणौ शै बौचणौ चैंई जू सोही औसौ सिरफ सैजौ कौरणौ कारिए हर तरह शै कौचिश कौरेयौ ऐक ऐशणा जीवन जी जू पौरमेशवर कै आदर दैंव। मसीह पांदी भोरोशा राख, ओकी लोगौआरी प्यार औरौ शराफत शै रौया औरौ कौलोंई बै हार नी मानैया।

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

याकूब 1:21

इथकारिए सारै गंदगी औरौ बैरभाव कि बोढ़ोतरी खै दूर कौरेयौ पौरमेशवरे कै वचन कै नम्रता शै मानै पाव, जैसी तुऐं दिल दा राखै राए थिया, औरौ जू तोंवारै जिन्दगी कै बौचाए सौकौ।

1 पतरस 3:15

पौरौ आपणै मनो दा मसीह कारिए डौर राखौ, औरौ प्रभु कै रुप दै तैसी इज्जत दैव औरौ जै कुणिए तियौं आशा कै बारै मुंजी पूछौ जू बिशवाशी हौणौ कै नातै आमै सौबै साझा कौरु, तौ हमैशा तैसी सौमझाणौ कारिए तैयार रौव। पौरौ नम्र औरौ आदर कै साथै कौरौ। हमैशा सैजौई कौरौ जू सोही औसौ। तोबै बै जै लोग तोंवारै खिलाफ बुरु बौल़ौ, तौ सैजै ही शर्मिंदा हौंदै जोबै सै मसीह कै साथै तोंवारै आछै सौमबंध कै बौजैह शै तोंवारै आछै बर्ताव खै दैखलै।

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।