इफिसियों 4:18 - सिरमौरी नौवाँ नियम

¹⁸ जिथुकै सै ना समझ औरौ अज्ञानी औसौ औरौ जू जीवन पौरमेशवर दैंव सै तैसी जीवन कै ना अपनांव औरौ पौरमेशवर कै बारै दो शुणणौ शै इन्कार कौरणौ कै बौजैह शै सैजा जीवन जू पौरमेशवर दैंव, तिनुमुंजी ना आथी।

Sirmouri

¹⁸ किन्देंखे के तिनकी बुद्धी अकल माड़ी हऐ रंऐ, अरह् तियों बैसम्झी के जाँणें; जू तिनदी असो, अरह् तिनके मंन की कुठूरता के जाँणें; से पंण्मिश्वर के जीवन शे ज़ोई करे अंदें असो,

इफिसियों 4:18 ပူးပေါင်းရင်းမြစ်များ

मत्ती 13:15

‘जिथुखै इनु लोगौ का मन सुस्त हौए गौआ, औरौ सै कानो लैई ऊंचु शुणौ औरौ तिनुऐ आपणी आखी बंद कौरे रैई; कोदी ऐशै नी हौं कै सै आखी लैई तौ दैखौ, औरौ कानो लैई शुणौ औरौ मनो दौ सौमझौ, औरौ मैरै ढौबौ फैरै जांव, औरौ हांव तिनुखै ठीक कौरु।’”

मरकुस 3:5

यीशु गुस्सा हौयौ चोऊ ढौबौ लोगौ कै दैखदा लागा, औरौ बौहिता उदास हौआ जिथुकै सै बौहितै जिद्दी थिए। औरौ तैसी आदमी खै बौल़ौ, “आपणा हाथ उंढा कौर।” तैणै आपणा हाथ आगु कौरा, औरौ तैसका हाथ ठीक हौए गौआ।

यूहन्ना 12:40

“तैणै तिनकी आखी आन्धी कौरी दी ताकि सै दैखै नी सौकौ, औरौ तिनकै दिमाक बंद कौरे दिए ताकि सै सौमझी नी सौकौ। नही तौ सै मैरी ढौबौ फिरी जांदै औरौ हांव तिनु ठीक कौरे दैंदा।”

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

प्रेरितो कै काम 3:17

“औरौ ऐबै ओए रै भाईयों हांव जाणुए कै तुऐं औरौ तुंआरै नेताए यीशु कै अणजाणै दा मारै दिया, जिथुकै तुऔं पोता ना थी कै सै मसीह थिया।

रोमियों 1:28

जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

रोमियों 11:25

ओए रै बिशवाशी भाईयों, हांव ना चोऊं कै तुऐं ऐसी भैद शै अणजाण रौंव ऐशै ना हौंव कै तुऐं आपी पांदी घमण्‍ड कौरदै लागौ, ऐजौ साचौ औसौ कै इस्राएल देश कै किछै लोग बिशवाश कौरणौ कै तैयार ना आथी, पौरौ जोबै पौरमेशवर पांदी बिशवाश कौरणौवाल़ै बैगानै यहूदी लोगौ कै गिनती पूरै हौए जालै, तौ इस्राएल कै लोग बिशवाश कौरदै औरौ पौरमेशवर कै धोरे पाछु आए जांदै।

रोमियों 11:7

भलैई इस्राएल देश कै लोग पौरमेशवर कै साथै धरमी बौणणौ कै कौचिश कौरौ पौरौ सै नाकाम रौवै, जोबै कै जिनु लोगौ कै पौरमेशवरे चोणे राए सै तिनकै साथै धरमी बौणणौ कै कौचिश कौरौ, औरौ बाकी लोगौ कै जिद्दी बाणै दियै औरौ पौरमेशवर कै बात शुणणौ शै मोना कौरे दियु।

रोमियों 2:19

तुऔं यकीन औसौ कै तुऐं ऐशणै लोग औसौ, जू आन्धै कै सोही बाट दिखांव, इनारै दै रौणौवाल़ै कारिए पेयाशो औसौ,

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

1 कुरिन्थियों 2:8

इयौं दुनिया कै हाकिमै पौरमेशवर कै योजना खै ना सौमझी, जिथुकै जै सै जाणदै, तौ तेज़ोमय प्रभु खै क्रूसो पांदी नै चौढ़ांदै।

2 कुरिन्थियों 3:14

पौरौ सै नासमझ हौए गौवै, जिथुकै ऐलो तौड़ी पुराणै कौरार पोढ़दै बैई तिनकै दिलो पांदी सैजाई पोरदा पौड़ेयौंदा रौआ; पौरौ सिरफ मसीह पांदी बिशवाश कौरणौ कै दवारा ही पोरदा हौटाया जांव।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

गलातियौं 4:8

जोबै तुऐं पौरमेशवर खै ना जाणौ थिए, तौ तैसी सौमय तुऐं तैसकै दास थिए, जू सौथीखै ईशवर आथी ही ना।

इफिसियों 2:1

आगै तुऔं कैई पौरमेशवर कै ढौबौशा नौवाँ जीवन नी थी; आपणै बुरै काम औरौ पापौ की बौजैह शै तुऐं मौरेयौंदे लोगौ कै जैशणै थिए।

इफिसियों 2:12

तुऐं लोग तैसी सौमय मसीह कै ना जाणौ थिए औरौ तुऐं पौरमेशवर कै चोणेयौंदे लोग इस्राएल देश कै जैशणै नागरिक कै रुप दै शामिल नै थी, पौरमेशवरे आपणै वायदै कै हिसाब शै जू कौरार यदूदी लोगौ आरी कौरे राए थै, तुऐं तिथकै बै भागीदार नै थी। औरौ तुऐं ऐसी दुनिया दै बिना आशा कै औरौ बिना ईशवर कै रौंव थिए।

कुलुस्सियों 1:21

इदै आगै तुऐं पौरमेशवर शै बैजाए दूर थिए। तुऐं पौरमेशवर कै दुशमन थिए जिथुकै तोंवारै सोंच बुरै थै।

1 थिस्सलुनीकियों 4:5

औरौ तुऔं ऐजा काम अभिलाषा शै नी कौरणा चैंई, औरौ ना बैगानै यहूदी लोगौ कै जैशणा, जू पौरमेशवर खै ना जाणौ।

इब्रानियों 5:2

जिथुकै ऐक आदमी हौणौ कै नातै सै आपी बै कमजोरियों खै अधीन औसौ। इथ बौजैह शै सै नासमझ औरौ भोटकैयोंदै लोगौआरी प्यार शै बर्ताव कौरे सौकौ।

इब्रानियों 9:7

पौरौ ओकी कोमरै दा सिरफ महायहूदी पुरोहित पूरै सालो दा सिरफ ऐकै बैई तैसी महापवित्र ठाँव दा जांव थिया। सै हमैशा तिनु जानवरो कौ लोऊ लैयौ जांव थिया जू बल़ि कारिए चौढ़ाए जांव थियु। ऐजौ लोऊ सै आपणै पापौ औरौ लोगौ कै दवारा कौरेयौंदे पापौ की बौजैह शै पौरमेशवर कै चौढ़ांव थिया, जू पाप तिनुऐ अणजाणै दै कौरे राए थिए।

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

1 पतरस 1:14

पौरमेशवर कै आज्ञा कै मानैया कौरौ जिथुकै तुऐं तैसकै नानड़िया औसौ। तिनु बुरै कामौ खै ना कौरौ जिनु तुऐं तोलो कौरणौ कै इछा राखौ थिए, जौल़ौ तुऐं पौरमेशवर कै सौचाई खै ना जाणौ थिए।

1 यूहन्ना 2:11

पौरौ जू कुणिए आपणै बिशवाशी भाईटु आरी बोयर राखौ सै बुराई दा जी रौआ औरौ ना जाणौ कै कुकै जांदा लागै रौआ, जिथुकै बुराईए तैसीखै आन्धा कौरे दिया।