इफिसियों 4:11 - सिरमौरी नौवाँ नियम

¹¹ ऐजा मसीह थिया जैणै ऐजी जुमैवारी कलीसिया कै दी: तैणै कोसी कै चोणेयौंदे चैलै बाणणौ कारिए चुणै औरौ कोसी कै पौरमेशवर का सौंदेश बौताणौ कारिए औरौ कोसी कै सुसमाचार शुणाणौ कारिए, औरौ कोसी कै बिशवाशियौं कै रौखवाल़ै कौरणौ औरौ शिखाणौ कारिए चुणै।

Sirmouri

¹¹ तिन्ऐं कईयों तअ प्रभू यीशू के खास-चैले च़ूणें-छ़ाँटे; अरह् कंऐ लोग ऋषी बंणाँऐ, अरह् किऐ खुषख्बरी शुँणाँणों वाल़े बंणाऐं; अरह् कोसी लोग कलीसिया के रंखवाल़े बाँणें, अरह् कोसी खे शिक्क्षा देणों का बरंदाँण दिता।

इफिसियों 4:11 ပူးပေါင်းရင်းမြစ်များ

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

प्रेरितो कै काम 21:8

दूजै दूसै आमु तिथैदै हांडेयो कैसरिया शहर दै आए, औरौ फिलिप्पुसे सुसमाचार प्रचारक कै घोरे जायौ तैसकै धोरे रौआ, सै तिनु साती मर्दो मुंजीदा ऐक थिया, जैसीखै यरूशलेम शहर दै चोणेयौंदे चैलै विधवाओं कै दैखभाल कारिए चोणे राए थिया।

रोमियों 12:7

जै ओकी कै सेवा कौरणौ का वरदान भैटी रौआ, तौ सेवा दै लागैयौंदा रौंव, जै कुणिए शिखाणौ वाल़ा हौंव, तौ शिखणौ दा लागैयौंदा रौंव;

1 कुरिन्थियों 12:4

ऐबै कैई भान्त कै आत्मिक वरदान औसौ, पौरौ ऐजा सैजाई पवित्र आत्मा औसौ जू तिनु सौबी वरदान कै दैंव,

इफिसियों 2:20

ऐक साथै आमै तैसकै घोरो कै जैशणै औसौ, जू कै चोणेयौंदे चैलै औरौ पौरमेशवर कै बातौ बौताणौवाल़ै की नीयुं पांदी बौणैयौंदो औसौ, जिथकै कुणै का पाथर मसीह यीशु आपी औसौ।

इफिसियों 3:5

पुराणै सौमय दा, पौरमेशवरे लोगौ कै ऐजा भैद ना दिखैई, पौरौ ऐबै तैणै पवित्र आत्मा कै दवारा आपणै पवित्र चोणेयौंदे चैलै औरौ पौरमेशवर कै बातौ बौताणौवाल़ै कैई इथका खुलासा कौरा।

इफिसियों 4:8

इथकारिए मसीह कै बारै मुंजी पवित्र शास्त्र बौल़ौ, “सै ऊंचे पांदी चौढ़ा, औरौ तैणै आपणै साथै कैई दुशमनो कै नियै, औरौ आदमी खै आशीषौ दी।”

2 तीमुथियुस 4:5

पौरौ तू शान्तै शै रो, चाहै ताखै किछै बै हौए जांव औरौ चाहै इथमुंजी कैतरै बै दुख हौलै ताखै सुसमाचार बौताणौ कारिए कड़ी मैहनत कौरणी चैंई। औरौ पौरमेशवर का सेवक हौणै कै नातै ताखै सैजै सौबै काम कौरणै चैंई जू प्रभुए ताखै दैय राए।

इब्रानियों 5:12

तुऐं लाम्बै सौमय शै बिशवाश कौरदै आए रौवै। इबी तौड़ी तौ तुऔं खै शिखाणै वाल़ै हौए जाणौ चैंई थियु। इथकै बजाय, तुऔं इबी बै कोसी कै जौरुरत औसौ जू तुऔं पौरमेशवर कै वचनो की बुनियादी शिक्षा औटेयौ शिखांव। तुऐं तौ ऐशणै हौए गौवै, मानौ नानड़िया ही हौलै। काठौ खाणौं खाणौ कै बजाय, तुऔं खै इबी बै दूध ही चैंई।

यहूदा 1:17

पौरौ ओए रै मैरै साथी बिशवाशी, तुऐं तिनु बातौ खै याद राखौ; जू अमारै प्रभु यीशु मसीह खै चोणेयौंदे चैलै बैजाए औगौड़ियौ बौताए रैई जू बाद मै हौंदी।

प्रकाशितवाक्य 18:20

तुऐं जू स्वर्ग दै रौंव, ओए रै पौरमेशवर कै लोगौ! चोणेयौंदे चैलै औरौ पौरमेशवर कै बातौ बौताणौवाल़ै! इथ बारै मुंजी बैजाए खुशी मौनांव, जिथुकै पौरमेशवरे बाबेल शहर पांदी आपणा न्याय भैजै राए, तिनु बुराई कै बौजैह जू तिनुऐ तोंवारै साथै कौरे राए।

प्रकाशितवाक्य 21:14

तिनुऐ शहर कै दीवार बारौ बौड़ै-बौड़ै पाथरो पांदी बाणै राए थी, औरौ हरेक पाथर पांदी मेम्ने कै बारौ चोणेयौंदे चैलै मुंजीदै ऐक-ऐक कौ नांव लैखयौंदा थियु।