इफिसियों 4:10 - सिरमौरी नौवाँ नियम

¹⁰ मसीह जू धैनै ओऊवा, औरौ सै सैजाई औसौ जू सारै गौयण दा ऊबा चौढ़ै गौआ। तैणै ऐशै इथकारिए कौरौ ताकि हर जौगैह मोजूद हौए सौकौ।

Sirmouri

¹⁰ अरह् जिनू ऊदे डेयाल़े गुऐ, से ऐजे ही असो, जुण्जे बादे अस्माँनों शे भे ऊबे हुटे, के सब-कुछ पुरो हों)।

इफिसियों 4:10 ပူးပေါင်းရင်းမြစ်များ

मत्ती 24:34

हांव तुऔं कैंई साचौ बुलू कै किछै जियुंदै लोग तांव तौड़ी बै जियुंदै रोन्दै जोबै ऐजै दुख हौन्दै।

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

यूहन्ना 1:16

जिथुखै तैसकै महान दया की परिपूर्णता शै आमु सौबी खै अनुग्रह पांदी अनुग्रह भैटी रौआ।

यूहन्ना 19:24

इथकारिए सिपाहीए ऐकी दूजै कैंई बौल़ौ, “आमु इथु ना चिरू, पौरौ इथपांदी चिट्ठी पोऊंबे कै ऐजौ कोसको हौंदौ।” ऐजौ इथकारिए हौंव, कै पवित्र शास्त्र दै लिखैयौंदी बातौ सच हौंव, “कै तिनुऐ मैरै खोटणो आपी मुंजी बांडै पाए, औरौ मैरै लोइया पांदी चिट्ठी पैई। इथकारिए सिपाहीए ऐशैकैई कौरौ।”

यूहन्ना 19:28

इथकै बाद यीशुए ऐजौ जाणियौ कै ऐबै मोऐं सौबै काम खत्म कौरे पाए, इथकारिए पवित्र शास्त्र दै लिखैयौंदी बात साची साबित हौंव, यीशुए बौल़ौ, “हांव तिशा औसौ।”

यूहन्ना 19:36

ऐजी बातौ इथकारिए होई कै जू पवित्र शास्त्र दै लैखैयौंदे बात साची हौंव, कै तैसकी कुणजी बै हाड़की ना तौड़दै।

प्रेरितो कै काम 1:11

औरौ तिनुकै बौलदै लागै, “ओए रै गलील जिले कै आदमियों तुऐं काए खौड़ै हौयौ गौयणै ढौबौ दैख लौ? ऐजाई यीशु जैसी पौरमेशवरे तोंवारै धोरे दा स्‍वर्ग कै ढौबौ उठाए दिया, जैशै तुऐं तैसीखै स्‍वर्ग कै ढौबौ जांदै बैई दैख राए, तैशैकैई सै दुजाल़ियो पाछु आन्दा।”

प्रेरितो कै काम 1:9

ऐजौ बौलणौ कै बाद यीशु तिनुकै दैखदै-दैखदै पौरमेशवरे तैसीखै स्वर्ग दा ऊबा निया, औरौ ऐकी बादल़ो की बौजैह शै तैसकै चैलै कै तैसी दैखी ना।

प्रेरितो कै काम 2:33

ऐबै सै स्वर्ग दा पौरमेशवर कै सोऐं हाथौ कै सौबी दै बौड़ै इज्जत वाल़ै ठाँव पांदी बौठेयौंदा औसौ। औरौ पिताए जैशै तैणै वादा कौरे राए थिया, तैसीखै पवित्र आत्मा दै औरौ तैणै पवित्र आत्मा आमु दै, जैसी ऐलो तुऐं दैखौ औरौ शुणौए।

प्रेरितो कै काम 3:18

पौरौ जिनु बातौ कै सौब पौरमेशवर कै बातौ बौताणौवाल़ै कै दवारा औगौड़ियौ ही पौरमेशवरे बौल़ै राए थियु, कै तैसका मसीह दुख झैलदा औरौ मारा जांदा, औरौ तैणै तिनु साचौ कौरेयौ दिखोऊ।

2 कुरिन्थियों 12:2

हांव मसीह दा ऐक आदमी खै जाणु, चौऊदौ सालो हौए गोई, हांव ना जाणु कै सै तिथै आपणै शोरिरौदा थिया या सिरफ आपणै आत्मा दा ही थिया सिरफ पौरमेशवर ही जाणौ ऐशणा आदमै सौबिदा ऊंचे स्वर्ग तौड़ी ऊबा टिपा।

इफिसियों 3:19

हांव प्रार्थना कौरु कै, तुऐं मसीह कै ऐसी प्यार कै जाणै सौकौ, जू आदमी कै सौमझ शै बायरै औसौ, ताकि तोंवारा स्‍वभाव पौरमेशवर कै स्‍वभाव कै जैशणा बौणै जांव।

कुलुस्सियों 1:19

जिथुकै पिता पौरमेशवर कै खुशी इदै औसौ कै तैसकै सारै परिपूर्णता मसीह दै मौजूद रौ।

कुलुस्सियों 2:9

इथकारिए इनु लोगौ कै धौखै दै नी आव जिथुकै जोबै मसीह आदमै बौणा तोबै बै सै पूरी तरह शै पौरमेशवर थिया।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

इब्रानियों 7:26

यीशु तैशणा महायहूदी पुरोहित औसौ जैसकी आमु जौरुरत औसौ। सै पवित्र औसौ, औरौ बिना पापवाल़ा, शुध्द, औरौ पापियों कै प्रभाव शै दूर रौंव, औरौ तैसी स्वर्ग दा बै ऊबा उठाए राए।

इब्रानियों 8:1

ऐबै जू बातौ आमै बौल़ै रैई, तिनुमुंजी दै सौबी दी बौड़ै बात ऐजै औसौ, कै आमुकैंई निशोंक हौयौ ऐशणा महायहूदी पुरोहित औसौ, जू ऐबै बै स्वर्ग पांदी सौबीदै बौड़ै पौरमेशवर कै सिंहासन कै सोऐं ढौबौ बौठेयौंदा औसौ।