इफिसियों 3:16 - सिरमौरी नौवाँ नियम

¹⁶ हांव प्रार्थना कौरु कै, पौरमेशवर आपणी महिमा कै कौलोंई खत्म ना हौणौवाल़ै धन शै तुऔं ऐजा दाण दैंव, कै तुऐं तैसकै आत्मा शै आपणै भीतरै अनौखी शौकतै पायौ मोजबूत हौए जांव।

Sirmouri

¹⁶ के से आप्णी बड़ियाऐ के धन के मुँताबिक तुँओं खे ऐजो दाँण दियों; के तुँऐं तिनके पबित्र-आत्त्मा शे आप्णें भत्ले आछे बिचार दे शक्त्ति पाँऐयों तागतबर बंणदे ज़ाँव,

इफिसियों 3:16 ပူးပေါင်းရင်းမြစ်များ

मत्ती 6:13

‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

रोमियों 2:29

ऐक साचा यहूदी आदमी सैजा औसौ जैसका मन पौरमेशवर कै साथै सोही औसौ। औरौ साचा खतना सिरफ मूसा कै कानून का पालन कौरणा ना आथी; पौरौ, ऐजा मन का बदलाव औसौ, जू पौरमेशवर कै आत्मा कै दवारा हौंव। ऐशणा आदमी लोगौ शै नी, पौरौ पौरमेशवर शै तारीफ पांव।

रोमियों 7:22

जिथुकै हांव आपणै पूरै मन शै तौ पौरमेशवर कै नियम लैई बैजाए खुशी रोऊं।

1 कुरिन्थियों 16:13

चौकश रौया, लगातार बिशवाश दै बौणैयौंदे रौया, हिम्मत वाल़ै बौणौ, पौरमेशवर कै साथै आपणै रिशतै कै मोजबूत राखौ।

2 कुरिन्थियों 12:9

औरौ तैणै मुखै बौल़ौ, “मैरा अनुग्रह तैरै खातिर काफी औसौ, जिथुकै मैरी अनौखी शौकतै कमजोरी दी सिध्द हौंव।” इथकारिए हांव बौड़ै खुशी लैई आपणै कमजोरी पांदी घमण्‍ड कौरदा, कै मसीह कै शौकतै मुं पांदी छाया कौरदै रौंव।

2 कुरिन्थियों 4:16

इथकारिए आमै हिम्मत ना छुडु़; जोबै कै अमारा शोरीर नाश बै हौंदा जांव, तोबै बै अमारै भीतरो का आत्मा हर रौज नौवाँ हौंदा जांव।

इफिसियों 1:18

हांव ऐजै बै प्रार्थना कौरु कै सै तोंवारै मन कि आखी कै खोले दैंव औरौ तुऐं पेयाशै कै दैखी सौकौ ताकि तुऐं तियौं आशा कै सौमझै सौकौ जिथ कारिए तुऔं बौएदै राए; औरौ तुऐं जाणै सौकौ कै सैजी आशीषै कैतरी महान औरौ महिमामय औसौ, जिथका वादा पौरमेशवरे आपणै लोगौ आरी कौरे राए।

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 2:7

पौरमेशवर ऐजौ इथकारिए कौरौ ताकि सै भविष्‍य दै सौबी कै बौताए सौकौ कै अमारै प्रति सै तैसी काम की बौजैह शै जू मसीह यीशुए अमारै खातिर कौरे राए महान अनुग्रह कै साथै पैश ओऊवा,।

इफिसियों 3:15

सै सैजाई औसौ जू बिशवाशियौं कै पूरै परिवार का पिता औसौ जू स्वर्ग दा औसौ औरौ जू धोरती पांदी औसौ।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

इफिसियों 6:10

आखिर दै प्रभु कै शौकतीशाली आत्मिक शौकतै शै मोजबूत बौणौ।

फिलिप्पियों 4:13

मसीह जू मुखै शौकतै दैंव तैसकै मौदद शै हांव सौबै ठुँ कौरे सौकु।

फिलिप्पियों 4:19

औरौ मैरा पौरमेशवर बै आपणै तैसी धन कै हिसाब शै जू महिमा सहित मसीह यीशु दै औसौ, तोंवारै हरेक जौरुरत कै पूरै कौरदा।

कुलुस्सियों 1:11

आमै प्रार्थना कौरु कै पौरमेशवर आपणी अनौखी शौकतै कै हिसाब शै तुऔं जादा ताकतवर बौणादा रौंव ताकि तुऐं सब्र औरौ खुशी शै आपणै दुखो कै सैहन कौरे सौकौ।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

2 तीमुथियुस 4:17

पौरौ प्रभु मैरा मौददगार रौआ, औरौ मुखै शौकतै दै; ताकि हांव इथ लायक बौणै सौकु कै यीशु मसीह कै सुसमाचार तिनु लोगौ खै साफ-साफ शुणाए सौकु जू बैगानै यहूदी लोग अदालत दै मौजूद थिए। औरौ प्रभुए मुखै मौत शै बौचौऊंवा ठीक तैशैखै जैशै भूखै शेर कै मुँह शै बौचाया जांव।

इब्रानियों 11:34

आग तिनु ना जौल़ाई ना सोकी; तलवार तिनु मारी ना सोकी। ऐक बार कमजोर हौणौ कै बाद तिनु औटेयौ मोजबूत बाणै गौवै, सै लौड़ाई दै वीर साबित हौवे; तिनुऐ आपणै दुशमनो कै सैनाओं खै दूर भगाए दियै।

1 पतरस 3:4

पौरौ तुऔं भीतरो शै आणौवाल़ै नम्र औरौ शान्त बर्ताव कै सुन्दरता लैई आपी कै सुन्दर बौणणौ चैंई। ऐजी सुन्दरता कौलोंई ना मिटौ, औरौ पौरमेशवर कै नज़र दै बैजाए कीमती औसौ।