इफिसियों 2:8 - सिरमौरी नौवाँ नियम

⁸ जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

Sirmouri

⁸ पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो;

इफिसियों 2:8 ပူးပေါင်းရင်းမြစ်များ

मत्ती 16:17

यीशुए तैसीखै जोवाब दिया, “ओए रै शमौन योना का बैटा, तू धन्‍य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए।

मत्ती 20:9

जोबै सै आए, जू बैल़खै पाँची बौजै काम कौरणौ लाए राए थिए, तौ तिनुकै पूरै दूसौ कै धियाड़ी भैटी।

मरकुस 16:16

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

लूका 7:50

पौरौ तैणै बैटमाणिश खै बौल़ौ, “पौरमेशवरे ताखै बौचाए दी, जिथुकै तुऐं मुं पांदी बिशवाश कौरे राए। शान्तै शै आगु जा।”

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यूहन्ना 6:35

यीशुए तिनुखै बौल़ौ, “जीवन कै रोटै हांव औसौ, जू मैरै धोरे आला सै कौलोंई भूखा ना हौंदा औरौ जू मुं पांदी बिशवाश कौरला सै कौलोंई तिशा ना हौंदा।

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

यूहन्ना 6:40

जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

यूहन्ना 6:44

कुणिए बै मैरै धोरे तांव तौड़ी ना आए सौकौ जांव तौड़ी मैरै भैजणौवाल़ा पिता पौरमेशवर, तैसी आपणै ढौबौ खैची ना दैंव; औरौ हांव तिनुकै आखरी दूसै हौजौ जियुंदी कौरु।

यूहन्ना 6:65

औरौ तैणै बौल़ौ, “इथकारिए मोऐं तुऔं सै बुलू थियु कै मैरै धोरे तांव तौड़ी कुणिए ना आए सौकौ जौल़ौ तौड़ी पिता पौरमेशवर तैसी मैरै धोरे ना आणौ दैंव।”

प्रेरितो कै काम 13:39

औरौ जिनु बातौ शै तुऐं मूसा कै कानून कै दवारा निर्दोष ना ठौहरै सौकौ, तिनु सौबी बातौ दा हरेक बिशवाश कौरणौवाल़ा यीशु कै दवारा निर्दोष ठौहरौ।”

प्रेरितो कै काम 14:27

अन्‍ताकिया शहर पोंचैयो, तिनुऐ कलीसिया कौठै कौरे औरौ बौतौऊ, कै पौरमेशवरे अमारै साथी हौयौ कैशणै बौड़ै-बौड़ै काम कौरे! औरौ कैशैखै पौरमेशवरे बैगानै यहूदी लोगौ खै यीशु मसीह पांदी बिशवाश कौरणौ कै लायक बाणै।

प्रेरितो कै काम 15:11

ऐशै कौरणौ ठीक ना आथी, पौरौ अमारा बिशवाश तौ ऐजा औसौ कै जैशणै ढंग शै सैजै प्रभु यीशु कै अनुग्रह शै उध्दार पांदै, तैशैखैई आमु बै पांदै, ना कै मूसा कै कानून का पालन कौरेयौ।

प्रेरितो कै काम 16:14

औरौ लुदिया नांव कै थुआतीरा शहर कै मोंगे बैंगनी रंगो कै खोटणो बिकणोवाल़ी ऐक बैटमाणिश जू पौरमेशवर कै भोक्‍ती कौरणौवाल़ै थी, ऐजी बातौ शौणै लोए थी। प्रभुए तियौंका मन खोले दिया, ताकि पौलुस की बातौ पांदी ध्यान लांव।

प्रेरितो कै काम 16:31

तिनुऐ बौल़ौ, “प्रभु यीशु मसीह पांदी बिशवाश कौर, तोबै तू औरौ तैरा कुड़बा उध्दार पांदा।”

रोमियों 10:14

पौरौ बिशवाश कौरणौ शै लोग पौरमेशवर शै मौदद मांगै सौकौ, औरौ प्रभु पांदी बिशवाश कौरणौ कारिए लोगौ खै तैसका वचन शुणणा चैंई, औरौ जिनु लोगै प्रभु कै बारै मुंजी ना शौणै रैई, तौ बिशवाशी लोगौ कै चैंई कै सै यीशु मसीह कै बारै मुंजी तिनुकै बौतांव।

रोमियों 10:17

इथकारिए बिशवाश तोबै आंव जोबै कुणजाई सौंदेश शुणौए औरौ ऐजा सौंदेश मसीह कै बारै मुंजी वचन औसौ।

रोमियों 4:16

इथकारिए लोगै बिशवाश कै दवारा अनुग्रह ही शै पौरमेशवर का वादा पौऊवा। इयौं बौजैह शै अब्राहम कै सौबी संतानो कै ऐजा वादा भैटी सौकौ। जू सिरफ मूसा कै कानून मानणोवाल़ै कै ना आथी, पौरौ ऐजा सौबी आदमी कै औसौ जू अमारै पुराणिया अब्राहम कै जैशणा बिशवाश शै जीवन जियौं।

रोमियों 4:5

पौरौ जू आदमी पौरमेशवर का पक्ष पाणौ कारिए काम ना कौरौ पौरौ जू पापी लोगौ खै धरमी ठोहराणो वाल़ै पौरमेशवर पांदी बिशवाश कौरौ, तैसका बिशवाश तैसी कारिए धार्मिकता गिणा जांव।

रोमियों 9:16

इथकारिए पौरमेशवर सैजा आदमी चुणदा, जैसी पांदी सै दया दिखाणौ का फोयसला लोंव; पौरमेशवर कै पसंद इयौं बातौ कै भरोशै ना रौंव कै लोग का चांव या का कौरणौ कै कौचिश कौरौ।

गलातियौं 3:14

मसीहे ऐशै इथकारिए कौरौ ताकि बैगानै यहूदी लोगौ खै सैजी आशीषौ भैटौ जिथका वादा पौरमेशवरे अब्राहम कै साथै मसीह यीशु कै दवारा कौरे राए थिया औरौ मसीह दै बिशवाश कै दवारा, आमुए पौरमेशवर का पवित्र आत्मा पाए राए जिथका तैणै आमु दैणौ का वादा कौरे राए।

गलातियौं 3:22

पौरौ पवित्र शास्त्र आमु बौतांव कै, पूरी दुनिया पाप कै अधीन औसौ। इथकारिए जू कुणिए यीशु मसीह पांदी बिशवाश कौरौ, पौरमेशवर का वादा तिनु लोगौ कै ही भैटदा।

इफिसियों 1:19

हांव चोऊं कै तुऐं तैसी महान औरौ पराक्रमी शौकतै कै बारै मुंजी जाणै सौकौ, जू पौरमेशवर कै धोरे आमु कारिए औसौ, जू मसीह पांदी बिशवाश कौरौ। ऐजी सैजी अनौखी शौकतै औसौ।

इफिसियों 2:10

जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

इफिसियों 2:5

जोबै आमै पापौ की बौजैह शै मौरेयौंदे कै जैशणै थिए, तौ तैणै आमु सौदा कै जिन्दगी दैय राए औरौ तैणै मसीह कै मौरेयौंदे मुंजीदा जियुंदी कौरा; औरौ पौरमेशवर कै अनुग्रह लैई अमारा उध्दार हौए रौआ,

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

कुलुस्सियों 2:12

जोबै तुऔं बपतिस्मा दिया तोबै मसीह कै जैशणै तोंवारै पाप कौरणौ कै स्‍वभाव कै दबाए दिए औरौ तैशैखैई तुऔं नौवें स्‍वभाव कै साथै जियुंदी कौरे दिए जैशैकै मसीह कै जियुंदी कौरे राए थिया। ऐशै इथकारिए हौंव जिथुकै तुऐं बिशवाश कौरे राए, कै पौरमेशवरे आपणै शौकतै कै दवारा मसीह कै मौरणौ कै बाद औटेयौ जियुंदी कौरे दिया।

2 थिस्सलुनीकियों 1:9

सैजै लोग सौदा कारिए प्रभु शै जौई हौए जांदै औरौ तैसकै महिमामय शौकतै दै शामिल ना हौंदै। औरौ जू लोग तैसकै शौकतै कै तैज शै दूर हौए रौवै सै तिनु लोगौ खै सौदा कै विनाश कै दवारा सौजा दैंदा।

इब्रानियों 6:4

जिथुकै जू लोग आपणै बिशवाश कै छोड़ दैंव, तिनु औटेयौ पाप कौरणै छोड़ दैणौ कै ठाँव दै पाछु ना लाए सौकौ। तिनुऐ तियौं सौचाई कै पोछैयाणै जू पौरमेशवर कै ढौबौशै आंव, औरौ स्वर्ग शै वरदान पाए राए औरौ तिनु ओकीआरी मिलैयौ पवित्र आत्मा भैटी।

1 पतरस 1:5

पौरमेशवर आपणै अनौखी शौकतै लैई तुऔं बौचायौ राखदा जिथुकै तुऐं यीशु मसीह पांदी भोरोशा राखौ। सै आखरी दूसौ तौड़ी जौल़ौ मसीह पाछु आला, तुऔं बौचायौ राखणा जारी राखदा। तोबै तुऐं जाणै पांदै कै पौरमेशवरे तुऔं पाप औरौ मौत शै पूरी तरह शै बौचाए राए।