इफिसियों 1:13 - सिरमौरी नौवाँ नियम

¹³ तुऐं साचा सौंदेश शौणै राए, जू इथकै बारै मुंजी बौतांव, कै मसीह पौरमेशवरे कैशै तुऔं मोक्ति दैय राए जोबै तुऐं मसीह पांदी बिशवाश कौरे राए थिया, तौ पौरमेशवरे आपणै कौरेयौंदे वादै कै हिसाब शै पवित्र आत्मा तुऔं दैय राए, ऐजौ दिखाणौ कारिए कै तुऐं पौरमेशवर कै औसौ।

Sirmouri

¹³ तुँऐं सच्चाई का बचन मतल्व आप्णी मुँक्त्ति की खुषख्बरी शुँणियों मसीया दा बिश्वाष किया अरह् तुँओं गाशी तियों पबित्र-आत्त्मा के मूँहर-छाप लागी गऐ, जिन्दे का बाय्दा तिन्ऐं करी थुवा थिया।

इफिसियों 1:13 ပူးပေါင်းရင်းမြစ်များ

लूका 11:13

जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

लूका 24:49

औरौ हांव आपी तुऔं दै पवित्र आत्मा कै छाड़दा, जैसीकै छाड़णौ का वादा मैरै बापूए कौरे राए। पौरौ जांव तौड़ी तुऔं स्वर्ग पौरैशै अनौखी शौकतै ना भैटौ, तांव तौड़ी इयौंई नोगरो दै रौकैयौंदे रौव।”

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 14:26

पौरौ हौंसला दैणौवाल़ा, यानी पवित्र आत्मा जैसी पिता मैरै नांव शै भेजला, सै तुऔं सौबै बातौ शिखाला, औरौ जू किछै मोऐं तुऔं बौल़ै राए, सै सौबै तुऔं याद कौरांदा।”

यूहन्ना 15:26

पौरौ जोबै सैजा हौंसला दैणौवाल़ा आला, जैसी हांव तोंवारै धोरे पिता पौरमेशवर कै ढौबौशा भैजदा, या सच का आत्मा जू पिता पौरमेशवर कै ढौबौशा भेजेयोंदा औसौ, सै मैरै गवाही दैला।

यूहन्ना 3:33

पौरौ जैणै तैसकै गवाही ग्रहण कौरे पाए, तैणै इयौं बातौ पांदी छाप लाए दै कै पौरमेशवर साचा औसौ।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

प्रेरितो कै काम 1:4

ऐकी सौमय जोबै सैजै ऐक साथै थिए तौ यीशुए चोणेयौंदे चैलै कै आज्ञा दै, “यरूशलेम शहर कै नी छोड़ेया, पौरौ तैसी तौफे का इंतजार कौरदै रौव, जू मैरै पिता पौरमेशवरे तुऔं दैणौ का वादा कौरे राए, जिथकै बारै मुंजी तुऐं मुखै बौलदै बैई शौणै राए।

प्रेरितो कै काम 13:26

“ओए रै भाईयों, तुऐं जू अब्राहम कै सन्‍तान औसौ; औरौ तुऐं जू पौरमेशवर सै डोरणौवाल़ै बैगानै यहूदी औसौ, पौरमेशवरे तोंवारै धोरे उध्दार का सौंदेश भैज राए जू लोगौ खै बौचांव

प्रेरितो कै काम 2:33

ऐबै सै स्वर्ग दा पौरमेशवर कै सोऐं हाथौ कै सौबी दै बौड़ै इज्जत वाल़ै ठाँव पांदी बौठेयौंदा औसौ। औरौ पिताए जैशै तैणै वादा कौरे राए थिया, तैसीखै पवित्र आत्मा दै औरौ तैणै पवित्र आत्मा आमु दै, जैसी ऐलो तुऐं दैखौ औरौ शुणौए।

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

रोमियों 4:11

पौरमेशवरे तैसी खतना हौणौ दै आगैई धरमी साबित कौरे राए थिया, खतने का निशान ऐजौ दिखांव कै पौरमेशवर तैसी धरमी सौमझौ। पौरमेशवर बिशवाश कौरणौवाल़ौ का आत्मिक पिता औसौ पौरौ जिनका खतना ना हौए रैई। तोबै बै सैजै लोग आपणै बिशवाश कै जरिए ही धरमी गिणै जालै।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

2 कुरिन्थियों 6:7

साची प्यार शै, सौचाई कै वचन शै, पौरमेशवर कै अनौखी शौकतै लैई आमुए काम कौरे राए। आमु धार्मिकता कै हथियार खै सोऐं हाथौ दै हमलै कारिए इस्तैमाल कौरु औरौ डैरै हाथौ दै रक्षा कौरणौ कारिए इस्तैमाल कौरु।

गलातियौं 3:14

मसीहे ऐशै इथकारिए कौरौ ताकि बैगानै यहूदी लोगौ खै सैजी आशीषौ भैटौ जिथका वादा पौरमेशवरे अब्राहम कै साथै मसीह यीशु कै दवारा कौरे राए थिया औरौ मसीह दै बिशवाश कै दवारा, आमुए पौरमेशवर का पवित्र आत्मा पाए राए जिथका तैणै आमु दैणौ का वादा कौरे राए।

इफिसियों 4:21

पौरौ मुखै पाको औसौ कै जोबै तुऐं यीशु मसीह कै बारै मुंजी शुणु, तौ तुऐं तैसीयादी साची शिक्षाए शिखी।

इफिसियों 4:30

पौरमेशवर कै पवित्र आत्मा खै आपणै जीवन जिणौ कै तरीकै शै दुखी ना कौरौ। पवित्र आत्मा ऐक छाप कै जैशणी औसौ, जू ऐजौ दिखांव कै तुऐं पौरमेशवर कै औसौ।

1 थिस्सलुनीकियों 2:13

आमै बै पौरमेशवर का धन्यवाद सौदा कौरु; कै जोबै अमारै दवारा पौरमेशवर कै सुसमाचार का सैजा सौंदेश शुणा जू आमुए तोंवारै बीच दा प्रचार कौरा, तौ तुऐं तैसी आदमियों का नी, पौरौ पौरमेशवर का सौंदेश सौमझेयौ स्वीकार कौरा औरौ ऐबै पौरमेशवर का ऐजा सौंदेश तुऔं दा काम कौरौ जू मसीह पांदी बिशवाश कौरौ।

2 तीमुथियुस 2:15

तू जैतरै कड़ी मैहनत कौरे सौकै तेतरे कौर ताकि पौरमेशवर ताखै ऐक ऐशणै सेवक कै रुप दा पूरी तरह शै अपनाए सौकौ जू आपणै काम की बौजैह शै शर्मिंदा नी हौंव औरौ जू साची सौंदेश कै सोही रीति शै शिखांव।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

2 तीमुथियुस 3:15

बचपन शै ही तू पवित्र शास्त्र कै जाणै, जू पौरमेशवर ताखै मसीह यीशु पांदी बिशवाश कौरणौ औरौ बौचाणौ कै ज्ञान दैणौ लायक औसौ।

तीतुस 2:11

बिशवाशी कै ऐशैखै शिखा जिथुकै पौरमेशवरे सौबी लोगौ कै पापौ शै छुड़ाणो कै बाट दिखायौ आपणै दया दिखाए राए।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।

याकूब 1:18

पौरमेशवरे आपणै इछा शै आमु साची वचन कै दवारा आमु आपणै संतान बाणै राए, ताकि आमै बिशवाशी सौबी तियौं चीज़ौ का सौबिदा खास हिस्सा होऊं, जू तैसकै दवारा बाणै राए।

याकूब 1:21

इथकारिए सारै गंदगी औरौ बैरभाव कि बोढ़ोतरी खै दूर कौरेयौ पौरमेशवरे कै वचन कै नम्रता शै मानै पाव, जैसी तुऐं दिल दा राखै राए थिया, औरौ जू तोंवारै जिन्दगी कै बौचाए सौकौ।

1 पतरस 2:10

पौरमेशवर कै बातौ बौताणौवाल़ै होशे जू लैखै राए सैजौ तोंवारै बारै मुंजी साचौ औसौ। आगै तुऐं पौरमेशवर कै लोग ना थी, पौरौ ऐबै तुऐं पौरमेशवर कै लोग औसौ। आगै तुऐं पौरमेशवर कै दया खै ना जाणौ थिए पौरौ ऐबै तुऐं इयौं जाणौए जिथुकै तैणै शुरु शै ही तुऔं पांदी दया दिखाए राए।