कुलुस्सियों 4:8 - सिरमौरी नौवाँ नियम

⁸ तैसी मोऐं इथकारिए तोंवारै धोरे छाड़ै राए कै तुऔं पौता चालै जांव कै अमारै साथै का हौंदौ लागै रौ, औरौ सै तुऔं बिशवाश दै मजबूत कौरौ।

Sirmouri

⁸ तेसी मुँऐ ईन्देंखे तुँओं कैई डेयाल़ा के तुँओं कैई अमाँरा बादा हाल-चाल का पता लागो, अरह् से तुवाँरे सासो दी शैल़ाऐ पाड़ो।

कुलुस्सियों 4:8 ပူးပေါင်းရင်းမြစ်များ

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

2 कुरिन्थियों 1:4

जोबै बै पौरैशानी आमु पांदी आंव, सै हर बार आमु तसल्ली दैंव, इथकै अलावा आमु ओकी कै तैशैखैई तसल्ली दैणै चैंई जैशणै पौरमेशवर आमु तसल्ली दैंव।

2 कुरिन्थियों 12:18

मोऐं तीतुस खै सौमझायौ तैसकै साथै तैसी भाई खै भैजा, तौ का तीतुसै धौखा कौरेयौ तुऔं कैंईदौ किछै कौरौ? का आमु ऐकैई मकसद दै ना चालु? का ऐकै ही काम ना कौरी?

2 कुरिन्थियों 2:7

इथकारिए इदु ऐजौ आछौ औसौ कै तैसका अपराध माफ कौरौ औरौ हौंसला दैंव, ऐशै ना हौंव कै ऐशणा आदमी आपणै बिशवाश कै पूरी तरह शै छोड़े दैंव।

इफिसियों 6:22

तैसी मोऐं तोंवारै धोरे इथकारिए भैजै राए, कै तुऐं अमारी दशा जाणौ, औरौ सै तोंवारै मनो का हौंसला बोड़ाव।

फिलिप्पियों 2:28

इथकारिए मोऐं तैसी भैजणौ कै हौजौ बै जादा कौचिश कौरे कै तुऐं तैसीआरी औटेयौ भैटियो खुश हौए जांव औरौ मैरी बै फिकर कम हौए जांव।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

1 थिस्सलुनीकियों 2:11

जैशै तुऐं जाणौए, कै जैशैखै पिता आपणै नानड़िया आरी बर्ताव कौरौ, तैशैखैई आमै बै तुऔं मुंजीदै हरेक खै उपदैश दियु, औरौ तसल्ली दियु, औरौ सौमझौऊं थिए।

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

1 थिस्सलुनीकियों 3:5

ऐसी बौजैह शै जोबै मैरै शै हौजौ ना रोई, तौ तोंवारै बिशवाश का हाल जाणणौ कारिए मोऐं तीमुथियुस कै भैजा, कै मुखै डौर थिया कै कौथी परीक्षा कौरणौवाल़ै शैतानै तोंवारै परीक्षा कौरो, औरौ अमारै मैहनत बैकार हौए जांव।

1 थिस्सलुनीकियों 4:18

इथकारिए इनु बातौ शै ऐकी दूजै खै तसल्ली दैया कौरौ।

1 थिस्सलुनीकियों 5:11

इयौं बौजैह शै ऐकी दूजै खै हिम्मत दैव, औरौ पौरमेशवर पांदी हौजौ मोजबूती शै बिशवाश कौरणौ कारिए ऐकी दूजै कै मौदद कौरौ जैशैखै तुऐं कौरौ बै औसौए।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

2 थिस्सलुनीकियों 2:17

हांव ऐजै बै प्रार्थना कौरु कै सै तुऔं हौंसला दैंव औरौ मोजबूत कौरौ ताकि तुऐं सैजौ सौबै जू आछौ औसौ तिथु कौरणौ औरौ बौताणौ जारी राखौ औरौ तुऔं सौबै आछै काम, औरौ वचन दै मोजबूत कौरौ।