कुलुस्सियों 3:8 - सिरमौरी नौवाँ नियम

⁸ पौरौ ऐबै तुऔं बै इनु सौबै कामौ कै यानी गुस्सा, रुशणौ, बैरभाव, नेंदैया औरौ गाल़ी दैणी बन्द कौरे दैणी चैंई।

Sirmouri

⁸ परह् ऐबे तुँऐं भे ईनू बादी बातो मतल्व कुरूध, बईर भाव, नीदिया, अरह् ज़ात्ती लई गाल़ी देणी, ऐजी बादी बातो छुड़ी दियों।

कुलुस्सियों 3:8 ပူးပေါင်းရင်းမြစ်များ

मत्ती 5:22

पौरौ हांव तुऔं खै ऐजौ बुलू, कै जू कुणिए आपणै भाई पांदी गुस्सा कौरला, अदालत दा पौरमेशवर तैसीकै सौजा दैला, औरौ जू कुणिए आपणै भाई खै निकम्मा बौलला तैसीखै महासभा दै सौजा भेटली; औरौ जू कुणिए बौल़ौए, ‘ओए रै मूर्ख’ सै नरक कै आग मुंजी सौजा कै लायक हौंदा।

मरकुस 7:22

नाजायज सौमबंध राखणै, लालच कौरणा, दुष्टता, नेंदैया, धौखा दैणा, लुचपन, बुरा बर्ताव, घमण्‍ड, औरौ मूर्खता की बातौ निकल़ौ।

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

1 कुरिन्थियों 3:3

जिथुकै ऐबै बै तुऐं इयौं दुनिया कै लोगौ कै जैशणै रौंव। इथकारिए, कै जोबै तुऔं मुंजी ज़लन औरौ झोगड़े औसौ, का ऐजौ साबित ना हौंव कै तुऐं पाप वाल़ी इछा कै काबू दै औसौ? तुऐं दुनिया कै लोगौ कै जैशणै जियौं जू प्रभु कै ना आथी।

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

गलातियौं 5:15

पौरौ जै तुऐं लगातार ऐकी दुजैआरी लोड़दै रौंव औरौ ऐकी दूजै खै पौरैशान कौरदै रौंव तौ चौकश रौया, तुऐं आपी खै बोरबाद कौरे दैंदै।

गलातियौं 5:20

मूर्तिपूजा, जादू टोना, बैर झोगड़ा, तिनु चीज़ौ खै पाणौ कै लालसा जू ओकी लोगौ कैंई औसौ, गुस्सा, विरोध, फूट, गुटबाजी,

गलातियौं 5:26

आमु घमण्‍ड नै कौरणा चैंई, आमु ऐकी दूजै शै पौरैशान नी हौणौ चैंई, औरौ आमु ऐकी दूजै शै ज़लन नै राखणै चैंई।

इफिसियों 4:22

तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

इफिसियों 4:25

ऐसी बौजैह शै झूठ बौलणौ छोड़ेयौ, हरेक आपणै साथी बिशवाशी शै साचौ बौल़ौ, जिथुकै आमै सौबै ऐकी शोरीर कै अंग औसौ।

इफिसियों 4:26

जै तुऐं गुस्से हौए जांव, तौ ध्यान राखैया कै तुऐं पाप ना कौरौ। बैल़खै हौणौ दै आगै तुऐं गुस्सा कौरणा बंद कौरे दौ।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

इफिसियों 5:4

औरौ ना अश्लील बातौ, ना मूर्ख बातौ औरौ ना गौंदै ठाटै हौंव, जिथुकै ऐजी बातो तुऔं कारिए ठीक ना आथी पौरौ तुऔं पौरमेशवर कै धन्यवाद ही दैणा चैंई।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

कुलुस्सियों 3:9

ऐकी दुजैआरी झूठु नी बौलेया, जिथुकै तुऐं आपणै पुराणै पाप वाल़ै स्‍वभाव कै छोड़े दियै।

1 तीमुथियुस 1:13

हांव तौ बिशवाशी बाणणौ दा आगै मसीह कै बारै मुं‍जी बुरी बातौ कौरणौवाल़ा, औरौ बिशवाशी कै सौताणौवाल़ा, औरौ तिनुकै नुकसान पोऊंचाणौ वाल़ा थिया, जिथुकै हांव इबी तौड़ी मसीह पांदी बिशवाश ना कौरु थिया औरौ इयौं बौजैह शै हांव सौमझै ना सौकी कै जू मोऐं कौरे लो थियु सै गौलत थियु। इथकारिए पौरमेशवरे मुं पांदी दया कौरे, जिथुकै हांव ना सौमझी कै मोऐं का कौरे लो थियु औरौ मुखै इबी तौड़ी मसीह पांदी बिश‍वाश ना थी।

1 तीमुथियुस 1:20

तिनुमुंजी दै हुमिनयुस औरौ सिकन्‍दर औसौ, मोऐं तिनु कलीसिया शै निकाल़ै दिए औरौ तिनु शैतान कै शौकतै कै हवाले कौरे दिए ताकि सै शिखौ कै पौरमेशवर कै बैज्जती नी कौरणी चैंई।

इब्रानियों 12:1

इथकारिए, जैशैकै बौहितै सारै लोगौ कै जीवन शै बिशवाश कै बारै मुंजी गवाहियाँ भैटी, जू ऐक बौड़ी भीड़ कै जैशणी अमारै चोऊ ढौबै घैरेयौंदी औसौ, तौ आव, आमै हरेक रुकणौवाल़ै चीज़ौ औरौ उलझाणौवाल़ै पाप खै दूर कौरेयौ, तैसी बाटौ पुंडे चालौ जिथपांदी आमु चालणौ चैंई।

याकूब 2:7

सै सैजैई औसौ जू यीशु मसीह कै आदर दैणौ कै लायक नांव कै खिलाफ बुरी बातौ बौल़ौ, जिनुआरी तुऐं सौमबंध राखौ।

1 पतरस 2:1

इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

2 पतरस 2:7

पौरौ इदा आगै तैणै सदोम का नाश कौरा, तैणै लूत खै जू ऐक धरमी आदमी थिया, शहर शै निकाल़ै दिया औरौ ऐशैखैई तैसी बौचौऊंवा। लूत बैजाए दुखी थिया जिथुकै सदोम कै लोग कोसी बै नियम खै ना मानौ थिए औरौ शर्मनाक काम कौरौ थिए।

यहूदा 1:13

जैशै समुन्द्र की खतरनाक लैहरो जू गौंदै झाक बाणौ, तैशैखैई ऐजै लोग शर्मनाक काम कौरौ। ऐजै किछै तारै कै जैशणै औसौ जू ऐकी सीधै बाटौ पुंडे ना हांडो, सैजै सोही बाट ना दिखांव। प्रभुए तिनु कारिए ऐक ठाँव राखै राए जू पूरी तरह शै इनारौ औसौ जिथै तिनु हमैशा कारिए रौणौ पौड़दौ।

यहूदा 1:8

तैशैखैई, ऐजै अधरमी लोग दावा कौरौ कै पौरमेशवरे तिनु दर्शन दिखाए राए कै सै निकारै तरीकै शै जियौं आपणै खुद कै शोरीरो खै नाश कौरौ, तिनु कोसी खै आपी पांदी औधिकार राखणौ कै जौरुरत ना आथी औरौ सै महिमामय स्‍वर्गदूतौ कै बारै मुंजी बुरु बौल़ौ।

प्रकाशितवाक्य 16:9

लोग इयौं तैज गर्मी शै जौल़ै गौवै, औरौ तिनुऐ पौरमेशवर खै नेंदैया कौरे, जिथुकै सैजाई थिया जैसकैंई तिनु समस्या पांदी औधिकार थिया। तिनुऐ ऐबै बै आपणै पापौ शै पश्‍चाताप ना कौरी, तिनुऐ ऐबै बै पौरमेशवर कै महानता खै ना मानी।