कुलुस्सियों 3:25 - सिरमौरी नौवाँ नियम

²⁵ जिथुकै जू कुणिए बुराई कौरदा रौंव, पौरमेशवर तैसी सौजा दैंदा। पौरमेशवर कोसी का भैदभाव ना कौरौ।

Sirmouri

²⁵ किन्देंखे के जू बुरो करह्, से बुराई का फल़ पादा, तेथै कोसी का पक्क्षपात्त ने हंदी।

कुलुस्सियों 3:25 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

लूका 20:21

तिनुऐ तैसीयांदो ऐजौ पूछु, “ओए रै गुरुजी आमु जाणुए कै तू ठीक बौल़ै, औरौ शिखाए बै औसौ औरौ कोसीआरी भैदभाव ना कौरे; औरौ पौरमेशवर कै बाट सौचाई सै बौताए।

प्रेरितो कै काम 10:34

तोबै पतरसे बौल़ौ, ऐबै मुखै बिशवाश हौए गौआ, कै पौरमेशवर कोसी का पक्ष ना लोंव,

रोमियों 2:11

जिथुकै पौरमेशवर सौबी लोगौ का न्याय ऐकैई तरीकै शै कौरौ।

2 कुरिन्थियों 5:10

जिथुकै जौरुरी औसौ, कै आमु सौबी का मसीह कै दवारा न्याय हौंदा, कै हरेक आदमी आपणै-आपणै भले बुरै कामौ का जू तैणै शोरीरो कै दवारा कौरे राए, तिथका बौदला पांव।

इफिसियों 6:8

जिथकै तुऐं जाणौए, कै जू कुणिए जैशणा आछा काम कौरला, चाहै सेवक हौंव, चाहै आज़ाद आदमी, तौ प्रभु शै तिथका प्रतिफल पांदा।

इफिसियों 6:9

ऐशैखैई ओए रै मालिक, तुऐं बै तिनु धमकियां नी दैंव पौरौ आपणै दास कै प्रति आछै बौणौ। जिथुकै तुऐं जाणौए, कै तिनका औरौ तोंवारा दुईनै का मालिक स्वर्ग दा औसौ, औरौ सै कोसी का पक्ष ना कौरौ।

कुलुस्सियों 4:1

ओए रै मालिको, आपणै-आपणै दासो कै साथै न्याय औरौ ऐक जैशणा बर्ताव कौरौ, ऐजौ सौमझेयौ कै स्वर्ग दा बै तोंवारा ऐक मालिक औसौ।

1 थिस्सलुनीकियों 4:6

ऐशैखै कौरेयौ कुणिए आपणै बिशवाशी भाई कै खिलाफ पाप नी कौरेया, औरौ ना तैसी पांदी दाव चौलाया, जिथुकै प्रभु यीशु तिनुकै सौजा दैंदा जू ऐशणै सौबै काम कौरौ। जैशैखै आमुए आगै तुऔं खै बौलेयौ चिताए बै राए थिए।

2 थिस्सलुनीकियों 1:6

जिथुकै पौरमेशवर सौदा धार्मिकता शै न्याय कौरदा, सै तिनु लोगौ पांदी दुख लांदा जिनुवै तुऔं कै दुख दैय राए।

फिलेमोन 1:18

औरौ जै तैणै तैरा किछै बै नुकसान कौरे राए, या सै तैरै कियौंई बै चीज़ौ का कर्जेदार औसौ, तौ हांव सौबै ठुँ चुकाए दैंदा।

इब्रानियों 2:2

जिथुकै पौरमेशवर का कानून जू स्‍वर्गदूतौ कै दवारा दैय राए थिया, सौदा साचा साबित हौए रौआ औरौ लोगौ खै मूसा कै कानून कै कुणजै बै आज्ञा टाल़नो पांदी सौजा भैटौ थै।

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।

यहूदा 1:16

ऐजै लोग हमैशा पौरमेशवर कै खिलाफ बौल़ौ औरौ ओकी लोगौ दी गौलती जूओं। सैजै लगातार तिनु बुरै कामौ खै कौरौ जू तिनका दिल कौरणा चांव। सै आपणै बारै मुंजी घमण्‍ड शै दावा कौरौ औरौ आपी कारिए फायदा कमाणौ कारिए ओकी लोगौ की हैरा-फेरी कौरौ।