कुलुस्सियों 3:12 - सिरमौरी नौवाँ नियम

¹² पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

Sirmouri

¹² ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

कुलुस्सियों 3:12 ပူးပေါင်းရင်းမြစ်များ

मत्ती 24:22

औरौ जै पौरमेशवर तिनु दुखो कै सौमय कै ना घोटांदा, तौ कुणिए आदमी बै ना बौचदा; पौरौ चोणेयौंदे की बौजैह शै सैजै दूस घोटाए जांदै।

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मत्ती 24:31

हांव आदमी का बैटा आपणै स्‍वर्गदूतौ कै तुरही कै बौड़ै आवाज़ो कै साथै भैजदा जू चोऊ दिशाओं शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

मरकुस 13:20

औरौ जै पौरमेशवर तिनु दुखो कै सौमय कै नी घोटांदा, तौ कुणिए आदमी बै ना बौचदा; पौरौ तैणै चोणेयौंदे लोगौ कै बौजैह शै जिनुखै तैणै चोणे राखै, तिनु कारिए सौमय खै घोटाए दैला।

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

मरकुस 13:27

हांव आदमी का बैटा आपणै स्‍वर्गदूतौ खै भैजदा, जू चोऊ दिशाओं शै धोरतियौं कै ऐकी कुणै शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

लूका 1:78

ऐजौ अमारै पौरमेशवर की तियौं बौड़ी दया शै हौंदौ; औरौ जैशैकै सुरज आमु पेयाशो दैणौ कारिए चौमकौ तैशैकैई मसीह बै अमारै धोरे स्वर्ग शै आन्दा।

लूका 18:7

तौ इथकारिए पौरमेशवर आपणै चोणेयौंदे लोगौ कारिए जू राती दूसै तैसकै धोरे रुओं तिनका न्याय कौरदा, औरौ सै तिनकै मौदद कौरणौ दै देर ना कौरदा?

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

रोमियों 9:11

तिनकै पौयदा हौणौ शै आगैई तिनुऐ ना तौ आछौ औरौ ना बुरु कौरे रैई थी पौरौ पौरमेशवरे रिबका कै आगैई बौल़ै राए थियु कै तैरा बौड़ा बैटा नानड़ै कै सेवा कौरदा। प्रभुए ऐजौ दिखाणौ कारिए बौल़ौ कै सै आपणी पसंद खुद बाणौ औरौ ऐजौ कोसी बै काम की बौजैह शै ना थी जू तिनुऐ कौरौ।

1 कुरिन्थियों 13:4

जू लोग ओकीआरी प्यार कौरौ, सैजै सब्र औरौ दया कै साथै काम कौरौ, तिनु ज़लन ना हौंव, सैजै आपणै बारै मुंजी घमण्‍ड ना कौरौ औरौ ना तिनु गर्व हौंव।

2 कुरिन्थियों 6:6

पौरौ आमुए आपी खै पवित्र राखै औरौ ज्ञानी, सौब्री औरौ दयालु रौवै। पवित्र आत्मा कै मौजूदगी अमारै साथै रौए।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इफिसियों 1:4

पौरमेशवरे दुनिया कै बाणणौ दै औगौड़ियौ ही आमु आपणै पवित्र लोग हौणौ कारिए चोणे राए जिथुकै आमै मसीह कै साथै ऐक औसौ; ताकि आमै तैसकै सामणै पवित्र औरौ निर्दोष बौणै सौकु।

इफिसियों 4:2

औरौ पूरै दीनता, औरौ नम्रता कै साथै, औरौ धीरज धोरेयौ ओकी कै बर्ताव कै सैहन कौरौ,

इफिसियों 4:24

औरौ पौरमेशवरे तुऔं ऐक नौवाँ चरित्र दैय राए जू तैसकै आपणै चरित्र कै जैशणा औसौ। इथकारिए ऐसी नौवें चरित्र कै हिसाब शै बर्ताव कौरौ। सौथी कै धरमी औरौ पवित्र बौणौ।

इफिसियों 4:32

ऐकी दूजै पांदी दयालु औरौ करूणामय बौणौ, औरौ जैशै पौरमेशवर मसीह दै तोंवारै पाप माफ कौरे, ऐशैखैई तुऐं बै ऐकी दूजै कै पाप माफ कौरौ।

फिलिप्पियों 1:8

इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

कुलुस्सियों 3:10

औरौ ऐबै तुऐं नौवें स्‍वभाव कै बाम्बै पाए पौरमेशवर इथका बाणणौवाल़ा औसौ औरौ ऐसी स्‍वभाव कै जादा शै जादा आपणै रुप दा बाणै लौआ ताकि आपणै बारै मुंजी पूरा ज्ञान दैय सौकौ।

1 थिस्सलुनीकियों 5:15

ऐजौ ध्यान राखौ कै कोसी कै बुराई कै बौदलै बुराई नी कौरेया; बल्कि तुऔं ऐकी दूजै कारिए औरौ सौबी कारिए भले काम कौरणौ कै कौचिश कौरणै चैंई।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

तीतुस 1:1

मोऐं, पौलुसे ताखै ऐजी चिट्ठी लैखै लोए, जू पौरमेशवर का सेवक औरौ यीशु मसीह का चोणेयौंदा चैला औसौ, मुखै पौरमेशवर कै चोणेयौंदे लोगौ कै बीच मुंजी बिशवाश कै मोजबूत औरौ साची शिक्षाओं कै जाणणौ कै मौदद कौरणौ कारिए भैजै राए ताकि सै ऐशणा जीवन जियौं जू पौरमेशवर कै खुश कौरौ।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

1 यूहन्ना 4:19

आमु पौरमेशवर औरौ ऐकी दुजैआरी इथकारिए प्यार कौरु, जिथुकै आगै पौरमेशवरे आमुआरी प्यार कौरा।

2 यूहन्ना 1:13

पौरमेशवर कै चोणेयौंदे बोईणी कै नानड़िया इथै औसौ जू ताखै नमशकार कौरौ।

प्रकाशितवाक्य 17:14

सैजै मेम्ने कै खिलाफ लौड़ाए कौरदै, पौरौ मेम्‍ना तिनु हराए दैंदा, जिथुकै सै प्रभुओं का प्रभु औरौ राजाओं का राजा औसौ। मेम्ना आपणै बुएदैहौंदै, चोणेयौंदे औरौ बिशवाश लायक चैलै कै साथै तिनु पांदी जीतै जांदा।