कुलुस्सियों 3:11 - सिरमौरी नौवाँ नियम

¹¹ ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

Sirmouri

¹¹ तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

कुलुस्सियों 3:11 ပူးပေါင်းရင်းမြစ်များ

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 15:5

हांव बैल औसौ, तुऐं शाई औसौ। जू मुं दै बौणैयौंदे रौंव, औरौ हांव तिनुदा बोणेयोंदा रौंऊ; औरौ सै बैजाए फोल़ लांव, जिथुकै मुं दै जौई हौयौ तुऐं किछै ना कौरे सौकौ।

यूहन्ना 17:23

हांव तिनुदा औरौ तू मुं दा कै सै सिध्‍द हौयौ खै ऐक हौए जांव, औरौ दुनिया जाणौ कै तुऐं ही मुखै भैजै राए, औरौ जैशणा तुऐं मुं आरी प्यार राखा, ऐशणाई तिनुआरी प्यार राखा।

प्रेरितो कै काम 15:17

इथकारिए कै औकै सौबै लोग यानी सौबै बैगानै यहूदी लोगौ समैंत जिनु मोऐं आपणै लोग हौणौ कारिए बोईदै,

प्रेरितो कै काम 28:2

औरौ तिथै कै रौणौवाल़ै लोगै अमारै आछै शै खातिरदारी कौरी; जिथुखै पाणी औरौ जाड़ो लागणौ की बौजैह शै तिनुऐ आग बाल़ेयो अमारा स्वागत कौरा।

प्रेरितो कै काम 28:4

जोबै तिथै कै रौणौवाल़ै लोगै शोंगोऊं खै तैसकै हाथौ पांदी लोटकेयोंदो दैखौ, तौ आपी मुंजी बौल़ौ, “सौथीखै ऐजा आदमी हथियारा औसौ, बैशक ऐजा आदमी समुन्द्रो पौरैशा बौचै गौआ, तौ बै ऐबै अमारै न्यांव कै देवीए ऐसी जियुंदी ना रौणौ दी।”

रोमियों 1:14

मैरी जुमैवारी सौबी लोगौ कै सुसमाचार शुणाणौ कारिए औसौ, चाहै सै यूनानी भाषा जाणणौ वाल़ै हौंव या ना जाणणौ वाल़ै हौंव, औरौ चाहै सौमझदार हौंव या नासमझ हौंव।

रोमियों 10:12

यहूदी औरौ बैगानै यहूदी लोगौ मुंजी किछै भैद ना आथी, इथकारिए कै पौरमेशवर सौबी का प्रभु औसौ औरौ सै आपणै सौबी लोगौ खै बौचांव, जू तैसीकै मौदद कारिए पुकारौ।

रोमियों 3:22

यानी आमै पौरमेशवर कै सामणै धरमी तोबै बौणु जोबै आमै यीशु मसीह पांदी बिशवाश कौरु। जिथुकै पौरमेशवर सौबी कै साथै ऐक जैशणा बर्ताव कौरौ;

रोमियों 3:29

पौरमेशवर सिरफ यहूदी लोगौ का पौरमेशवर ना आथी, पौरौ बैगानै यहूदी लोगौ का बै पौरमेशवर औसौ।

1 कुरिन्थियों 12:13

जिथुकै आमै सौबीए का यहूदी, का बैगानै यहूदी लोग, का गुलाम, का आज़ाद ऐकैई आत्मा कै दवारा ऐकैई शोरीर हौणौ कारिए बपतिस्मा लौआ, औरौ आमु सौबी कै ऐकैई आत्मा भैटी रौए।

1 कुरिन्थियों 14:11

पौरौ जै आमै तियौं भाषा कै ना सौमझु, जू ओकीए बौल़ै लोए, तौ ऐजौ ऐशै हौन्दौ मानौ सै आमु कारिए विदेशी जैशणै औसौ, औरौ आमै तिनु कारिए विदेशी जैशणै हौन्दै।

1 कुरिन्थियों 7:19

कोसी का खतना हौए रौआ या ना हौए रैई इथलैई कुणजाई फर्क ना पौड़ौ पौरौ पौरमेशवर कै आज्ञाओं खै मानणा बैजाए जौरुरी औसौ।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इफिसियों 1:23

कलीसिया मसीह का शोरीर औसौ, मसीह अमारै बीच आपणै पूरै शौकतै का इस्तैमाल तैशैखै कौरौ जैशै सै आपणै शौकतै का इस्तैमाल सारै ब्रह्मांड दा कौरौ।

इफिसियों 2:14

जिथुकै मसीहे अमारै बीच शान्तै बाणै राए कै बीतै सौमय दो, ऐजौ ऐशै थियु जैशै ऐक दीवारे यहूदी लोगौ औरौ बैगानै यहूदी लोगौ कै जौई कौरे राए थिए, सै ऐकी दूजै शै नफरत कौरौ थिए। पौरौ ऐबै मसीहे तियौं दीवार कै ढाल़ै राए औरौ दो झुंडो कै ऐक कौरे राए।

इफिसियों 2:15

आपणै मौत कै दवारा, तैणै मूसा कै कानून कै ऐजै सौबै नियम औरौ विधियों कै खत्म कौरे राए, ताकि सै यहूदी लोगौ औरौ बैगानै यहूदी लोगौ कै जौड़ेयौ तिनुमुंजी शान्तै बाणै सौकौ औरौ ऐशैखै ऐक नौवाँ झुंड बौण सौकौ।

इफिसियों 3:17

ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

इफिसियों 6:8

जिथकै तुऐं जाणौए, कै जू कुणिए जैशणा आछा काम कौरला, चाहै सेवक हौंव, चाहै आज़ाद आदमी, तौ प्रभु शै तिथका प्रतिफल पांदा।

कुलुस्सियों 2:10

मसीह हरेक शौकतै औरौ औधिकार पांदी प्रधान औसौ इथकारिए जै तुऐं मसीह दै जोड़ेयौंदे औसौ तौ तुऔं कोसी बै चीज़ कै कमी ना आथी।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

2 यूहन्ना 1:9

जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव।