कुलुस्सियों 2:5 - सिरमौरी नौवाँ नियम

⁵ हांव तुऔं दा दूर औसौ तोबै बै तोंवारै बारै मुंजी सुंचदा रोऊं, औरौ हांव खुशी औसौ कै तुऐं एकता दै तैशै जी रौवै जैशै तुऔं जीणु चैंई, औरौ ऐजौ बै कै मसीह दै तोंवारै बिशवाश मजबूत औसौ।

Sirmouri

⁵ मंतल्व हाँव देह्-शरीर दा तेथै ने आथी, परह् तंबे भे तुवाँरे आच्छ़ै आत्त्मिक भाव शा मसीया दा तुवाँरे बिश्वाष की संच्चाई देखियों खुशी हंऐयों आत्त्मा दा तुवाँरी गंईलो असो।

कुलुस्सियों 2:5 ပူးပေါင်းရင်းမြစ်များ

प्रेरितो कै काम 2:42

औरौ सै चोणेयौंदे चैलै शै शिक्षा पाणौ औरौ संगति राखणौ औरौ प्रभु भोज दै शामिल हौणौ औरौ मिलैयौ खाणौ औरौ प्रार्थना दै मगन रौंव थिए।

प्रेरितो कै काम 20:21

औरौ यहूदी लोग औरौ यूनान देश कै लोगौ कै सामणै गवाही दैंदा रौआ कै पाप कौरणा छोड़ दैव औरौ पौरमेशवर कै ढौबौ मन लाव, औरौ अमारै प्रभु यीशु मसीह पांदी बिशवाश कौरौ।

1 कुरिन्थियों 11:34

जै कुणिए भूखा हौंव, तौ आपणै घोरे शा खायो आंव, ताकि जोबै तुऐं कौठै हौंव, तोबै तुऐं सोही तरीकै शै बर्ताव कौरदै औरौ पौरमेशवर तोंवारा न्याय ना कौरदा औरौ ओकी बातौ खै जोबै हांव आन्दा, तौलौ ही सुलझांदा।

1 कुरिन्थियों 14:40

जू किछै बै तुऐं कलीसिया दौ कौरौ, सै प्यार शै औरौ बारी-बारी शै कौरेया।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

1 कुरिन्थियों 16:13

चौकश रौया, लगातार बिशवाश दै बौणैयौंदे रौया, हिम्मत वाल़ै बौणौ, पौरमेशवर कै साथै आपणै रिशतै कै मोजबूत राखौ।

कुलुस्सियों 2:1

हांव चोऊं कै तुऐं जाणै पाव, कै जू लौदीकिया नोगर दै औसौ, औरौ तिनु सौबै लोगौ कारिए जिनुवारी हांव ना भैटी रैई, हांव कैतरै मैहनत कौरु।

1 थिस्सलुनीकियों 2:17

ओए रै बिशवाशी भाईयों, जोबै आमै दैणिक देर कारिए मन दै नी पौरौ शारीरिक रुप शै तुऔं दै जौई हौए गौवै थिए, तौ आमुए बौड़ी लालसा कै साथै तुऔं दैखणौ कारिए हौजौ बै जादा कौचिश कोरी।

1 थिस्सलुनीकियों 3:8

जिथुकै ऐबै ऐजौ जाणणौ कि तुऐं प्रभु दा मोजबूती शै बिशवाश कौरे लौआ, तौ ऐजौ आमु कारिए नौवें जीवन कै जैशणौ औसौ।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 6:19

ऐजी आशा जू अमारै जिन्दगी दै औसौ ऐजी मोजबूत औसौ औरौ इयौं हिंजाल़ियौ ना। ऐजी आमु पौरमेशवर शै दूर जाणौ ना दैंव, पौरौ ऐजी आमु मंदिरो कै भीतरै महापवित्र ठाँव दै पौरमेशवर कै नेड़िक नियौ।

1 पतरस 5:9

तुऔं आपणै मोजबूत बिशवाश कै साथै तैसका विरोध कौरणा चैंई। याद राखौ कै तोंवारै मसीह भाईटु जू पूरै दुनिया दै रौए रौवै, ऐशैखैई दुखो खै सौयन कौरे लौवै जैशै तुऐं सौय लौवै।