कुलुस्सियों 2:20 - सिरमौरी नौवाँ नियम

²⁰ जिथुकै तोंवारा पाप वाल़ा स्‍वभाव मसीह कै साथै मौरे गौआ इथकारिए ऐबै तुऔं दुनिया की शिक्षा कै मानणौ कै जौरुरत ना आथी। तौ हौजौ बै तुऐं किथु दुनिया कै जैशणै जिन्दगी बितांव जैशैकै दुनियाए ऐबै बै तुऔं आपणै वश दै कौरे राए?

Sirmouri

²⁰ किन्देंखे के जबे तुँऐं संईसारिक ज्ञाँन की तरफ़ शे मसीया आरी मँरी गुऐ, तअ ऐबे तुवाँरी जीऊँणों के रीत्त ऐष्णीं कैई असो? जेष्णीं के संईसारी के ईनू निय्मों के बष दी हों।

कुलुस्सियों 2:20 ပူးပေါင်းရင်းမြစ်များ

यूहन्ना 15:19

जै तुऐं इयौं दुनिया कै लोगौ कै जैशणै हौंदै, तौ दुनिया कै लोग आपणै आरी प्यार राखदै, पौरौ इयौं दुनिया कै लोगौ कै साथै तोंवारै संगति ना आथी, जिथुकै मोऐं तुऔं दुनिया पौरैशै चोणे राए; इथकारिए दुनिया कै लोग तुऔं आरी बोयर राखौ।

2 कुरिन्थियों 10:3

जिथुकै जै आमै इयौं दुनिया दै रोऊं, तौ बै आमु आपणै दुशमनोआरी तैशै ना लौडु़ जैशै इयौं दुनिया कै लोग लौड़ौ।

गलातियौं 4:3

तैशैखैई पौरमेशवर कै जाणणौ दै आगै, तौ आमुए गुलाम कै जैशणा ऐसी दुनिया कै किछै धार्मिक नियमौ का पालन कौरे लौआ थिया।

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

इफिसियों 2:15

आपणै मौत कै दवारा, तैणै मूसा कै कानून कै ऐजै सौबै नियम औरौ विधियों कै खत्म कौरे राए, ताकि सै यहूदी लोगौ औरौ बैगानै यहूदी लोगौ कै जौड़ेयौ तिनुमुंजी शान्तै बाणै सौकौ औरौ ऐशैखै ऐक नौवाँ झुंड बौण सौकौ।

कुलुस्सियों 2:14

औरौ ऐजौ ऐशै थियु जैशै पौरमेशवरे अमारै पापौ कै लैख किताब पौरैशै मिटाए दिए जिथमुंजी अमारै खिलाफ आरोप लैखै राए थिए; औरौ मसीह कै क्रूस पांदी चौढ़ाए जाणौ शै तैणै तिनु लेखो कै मिटाए दिए।

कुलुस्सियों 2:16

इथकारिए कोसी खै बै तुऔं धौखा ना दैणौ दैंव, औरौ खाणौ पिणौ की चीज़ौ या तैयार या नौवाँ चांद कै या विशांव कै दूस कै बारै मुंजी कोसी कै बै तोंवारा न्याय नै कौरणौ दैंव।

कुलुस्सियों 2:21

जैशै सै ऐशणै नियम कै बाणौ इयौं चीज़ौ कै नै छोंयाँ, या ऐशणी चीज़ौ कै ना खाया, औरौ ऐशणी चीज़ौ कै हाथ नी लाया।

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।

कुलुस्सियों 3:3

जिथुकै तुऐं तौ आपणै पाप कै स्‍वभाव दै मौरे गौवै औरौ तोंवारा नौवाँ जीवन मसीह कै साथै पौरमेशवर दा छिपैयौंदा औसौ।

इब्रानियों 13:9

औरौ इथकारिए आमु इनु सौबै नुई औरौ जौई-जौई शिक्षाओं कै तरह नी कौरणौ चैंई जू तुऔं गौलत बाटौ ढौबौ लोय जांव, जिथुकै तोंवारै मन खै पौरमेशवर कै अनुग्रह लैई मोजबूत हौणौ चैंई, ना कि खाणौ की चीज़ौ कै नियमौ कै मानणौ कै दवारा, जिथलैई काम राखणौवाल़ै खै किछै फायदा ना हौंव।

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

1 यूहन्ना 5:19

आमै जाणुए, कै आमै पौरमेशवर शै औसौ, औरौ सारै दुनिया तैसी दुष्ट शैतान कै वश दै पौड़ेयौंदे औसौ।