कुलुस्सियों 2:15 - सिरमौरी नौवाँ नियम

¹⁵ औरौ पौरमेशवरे मसीह कै क्रूस पांदी मौरणौ कै दवारा दुनिया कै औधिकारो औरौ प्रधानताओं कै हरायो तिनु सौबी कै सामणै बैज्जत कौरे औरौ तिनु पांदी जीतेयो तिनका खुलैआम तमाशा बाणा।

Sirmouri

¹⁵ अरह् पंण्मिश्वर ऐं हाकमों अरह् अधिकारियों लोग खाली करियों, तिनू आप्णीं जीत्त की खुशी दे खुल्म-खुलै हंस्णों खे करी दित्ते।

कुलुस्सियों 2:15 ပူးပေါင်းရင်းမြစ်များ

मत्ती 12:29

या कैशैकै कुणिए तागतवर आदमी कै घोरो खै तांव तौड़ी लूटी सौकौ, जांव तौड़ी सै आगै तैसी तागतवर आदमी खै बानै नै दैंव; औरौ तोबै सै तैसकै घोरो खै लोटै सौकौ।

लूका 10:18

तैणै तिनु बौल़ौ, “जोबै दुष्टआत्मा तोंवारै आज्ञा मानौ, तौ मोऐं शैतान कै एकदम स्वर्ग शै बिजली छुटणौ कै जैशणा छुटदै बैई दैखा।

लूका 11:22

पौरौ जै कुणिए तैसीदा जादा मोजबूत आदमी तैसी आरी झोगड़ियों औरौ तेसीयांदा जीतै जांव, तौ तैसकै सैजै हथियार जैसी पांदी तैसी भोरोशा थिया, छीणै दैंव औरौ तैसकी जायदात लूटयौ बांडै दैंव।

यूहन्ना 16:11

औरौ न्याय कै बारै मुंजी यकीन दिलांदा कै इयौं दुनिया का ठोगड़ा शैतान दोषी ठोहराए गौआ।”

यूहन्ना 19:30

जोबै यीशुए सैजा अंगूर का रस पिया, औरौ बौल़ौ, “पूरा हौं” औरौ मुंड झुकायो कै सै मौरे गौआ।

1 कुरिन्थियों 15:24

तोबै, जोबै मसीह पौरमेशवर का विरोध कौरणौवाल़ी सारी बुरी शौकतै का नाश कौरे दैंदा, तिथकै बाद दुनिया का अंत हौए जांदा। तोबै मसीह आपणै पिता पौरमेशवर खै आपणा राज्य सौंपै दैंदा कि सै सोबी पांदी पूरी तरह शै राज कौरौ।

2 कुरिन्थियों 2:14

पौरमेशवर का धन्यवाद हौं, जू मसीह कै साथै अमारै सौमबंध कै बौजैह बौणौ, सै हमैशा अमारै साथै जांव औरौ आमु जीत दियांव। इथका मतलब औसौ कै आमु जिथै बै जोऊं, आमै सुसमाचार का ऐलान कौरु ताकि सौबै लोग पौरमेशवर कै जाणौ औरौ शुणौ।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

इफिसियों 3:10

ताकि ऐबै कलीसिया कै दवारा, पौरमेशवर का सान्त-भान्त का ज्ञान तिनु प्रधानों औरौ औधिकारियो पांदी जू स्वर्ग कै ठाँव दै औसौ, प्रगट कोरी सौकौ।

इफिसियों 4:8

इथकारिए मसीह कै बारै मुंजी पवित्र शास्त्र बौल़ौ, “सै ऊंचे पांदी चौढ़ा, औरौ तैणै आपणै साथै कैई दुशमनो कै नियै, औरौ आदमी खै आशीषौ दी।”

कुलुस्सियों 1:16

जिथुकै ऐजा सैजाई मसीह थिया जैणै सौब ठुँ बाणणौ मुंजी पौरमेशवर कै साथै काम कौरा, चाहै स्वर्ग की चीज़ौ हौंव, या धोरती की चीज़ौ हौंव, दैखैयोंदी या अणदेखी हौंव, औरौ राजाओं, प्रभुताएं, प्रधानताएं, औरौ औधिकार, सौबै चीज़ौ तैसकै दवारा औरौ तैसीकै आदर दैणौ कारिए बाणै रैई।

कुलुस्सियों 2:10

मसीह हरेक शौकतै औरौ औधिकार पांदी प्रधान औसौ इथकारिए जै तुऐं मसीह दै जोड़ेयौंदे औसौ तौ तुऔं कोसी बै चीज़ कै कमी ना आथी।

इब्रानियों 2:14

जिथुकै जिनु पौरमेशवरे नानड़िया बौलेयौ बौएदै राए, तिनका ऐक आदमी कै जैशणा शोरीर थिया। औरौ यीशुए आपी अमारै जैशणा आदमी का शोरीर धारण कौरा ताकि सै आपणी मौत लैई मौत पांदी औधिकार राखणौवाल़ै शैतान खै नाश कौरौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 20:10

इथकै बाद शैतान पाकड़ै जांदा, जैणै देश-देश कै लोगौ खै भरमाए औरौ तैसी गन्धक कै आग दा फेरकाए दैंदै, यानी तियौं आग दा जू झील कै जैशणै बौड़ै औसौ। राकस औरौ झूठै पौरमेशवर कै बातौ बौताणौवाल़ै खै आगै ही तिथै बैगाए राए थिए। औरौ तिथै तियौं आग दै तिनु हमैशा कारिए रात औरौ दूस सताए जांदै।