कुलुस्सियों 2:13 - सिरमौरी नौवाँ नियम

¹³ औरौ पौरमेशवरे तुऔं बै, जू आपणै पापौ औरौ खतना कै जैशणै बुरै स्‍वभाव दै पौड़ेयौंदे थिए, तैणै तुऔं मसीह कै साथै जियुंदी कौरे औरौ तोंवारै सौबै पापौ कै माफ कौरे।

Sirmouri

¹³ पंण्मिश्वर तुँओं भे, जू आप्णे देह्-शरीर के खतना के बिना मँरे अँदे जिऐ थिऐं, तिन्ऐं अमाँरे बादे पाप माँफ़ करियों तुँओं भे मसीया आरी ऊबे जीयाल़ी दिते।

कुलुस्सियों 2:13 ပူးပေါင်းရင်းမြစ်များ

लूका 15:24

जिथुकै मोऐं ऐजौ सोंचै राए थियु, कै मैरा नानड़ा बैटा मौरे गौआ, पौरौ ऐबै जियुंदा औसौ ऐजा हाँईची रौआ थिया, औरौ ऐबै भैटी गौआ।’ औरौ सै सौबै जोणे जोश्न मोनादै लागै।

लूका 15:32

पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”

लूका 9:60

तैणै तैसीखै बौल़ौ, “जू लोग मौरेयौंदे कै जैशणै औसौ, तिनुखै ही आपणै लोगौ कै मौरणौ का इंतजार कौरणौ दैव, पौरौ तू जायौ खै पौरमेशवर कै राज्य का प्रचार कौर।”

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

रोमियों 4:17

पवित्र शास्त्र बौल़ौ, “मोऐं ताखै बौहुती जाति का पुराणिया ठोहराए राखा” पौरमेशवर कै नोज़रो दा अब्राहम अमारा पिता औसौ। तैणै तैसी पौरमेशवर पांदी बिशवाश कौरा, जू मौरेयौंदे कै जियुंदी कौरौ औरौ तिनु चीज़ौ कै बै वजूद दी लांव जिथका वजूद ना आथी।

रोमियों 6:13

औरौ ना शोरीर कै अंगो कै बुरै मकसदो कारिए सौंपौ पौरौ आपी कै मौरेयौंदे मुंजीदै जियुंदी हौयौ जाणैबा, आपणै जीवन पौरमेशवर कै सौंपौ, औरौ आपणै शोरीर कै अंगो कै सोही काम कौरणौ कारिए पौरमेशवर कै सौंपौ।

रोमियों 8:11

औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

1 कुरिन्थियों 15:36

ओए रै मंदबुध्‍दि, जू किछै तुऐं बौंए, तौ पौधा बौणणौ दै आगै बीज़ मौरे जांव।

1 कुरिन्थियों 15:45

पवित्र शास्त्र दो ऐजौ बै लैख राए कै, “इयौं धरती पांदी आगला आदमै,, जियुंदी प्राणी बौणा” औरौ आखिर का आदमी, जू कै मसीह औसौ, ऐजा सैजाई औसौ जू सौदा कै जिन्दगी दैंव।

2 कुरिन्थियों 3:6

जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

2 कुरिन्थियों 5:19

यानी पौरमेशवरे सौबी लोगौ कै खातिर बाट बाणै लौए थै कै जू किछै मसीहे कौरे राए तैसकै दवारा शान्तै कायम कौरे सौकौ, औरौ लोगौ कै पापौ कै दोष तिनु पांदी ना लैई, औरौ पौरमेशवरे शान्तै कै बारै मुंजी तैसकै सौंदेश खै बांटणौ का काम आमु दैय राए।

इफिसियों 2:1

आगै तुऔं कैई पौरमेशवर कै ढौबौशा नौवाँ जीवन नी थी; आपणै बुरै काम औरौ पापौ की बौजैह शै तुऐं मौरेयौंदे लोगौ कै जैशणै थिए।

इफिसियों 2:11

इयौं बौजैह शै, तुऐं जू बैगानै यहूदी पौयदा हौए रौवै थिए, याद कौरौ कै तुऐं आगै कैशणै थिए। यहूदी लोगै तुऔं ऐजौ बौलेयौ बैकार जाणौ कै तुऐं खतना ना कौरांव। पौरौ तिनका ऐजा भौवार सिरफ तिनकै शोरीर पांदी हौंव ना कै तिनकै मन दा।

इफिसियों 5:14

इयौं बौजैह शै लोग बौल़ौए, “ओए रै सुतणोवाल़ै बिज़ो औरौ मौरेयौंदे मुंजीदै जियुंदी हौव; तौ मसीह आपणौ पेयाशो तुऔं पांदी चोमकांदा।”

कुलुस्सियों 2:12

जोबै तुऔं बपतिस्मा दिया तोबै मसीह कै जैशणै तोंवारै पाप कौरणौ कै स्‍वभाव कै दबाए दिए औरौ तैशैखैई तुऔं नौवें स्‍वभाव कै साथै जियुंदी कौरे दिए जैशैकै मसीह कै जियुंदी कौरे राए थिया। ऐशै इथकारिए हौंव जिथुकै तुऐं बिशवाश कौरे राए, कै पौरमेशवरे आपणै शौकतै कै दवारा मसीह कै मौरणौ कै बाद औटेयौ जियुंदी कौरे दिया।

1 तीमुथियुस 5:6

सैजी विधवाएं जू आपणा सारा सौमय सुख-विलास दै बितांव, सै शोरीर शै तौ जियुंदी औसौ पौरौ आत्मिक रुप शै मौरेयौंदी औसौ।

1 तीमुथियुस 6:13

हांव ताखै पौरमेशवर कै जू सौबी कै जियुंदी राखौ, औरौ मसीह यीशु कै गवाह मानैयौ, जैणै जोर दैयौ साचौ बौल़ौ जोबै तैसी पुन्‍तियुस पिलातुस खै धोरे मुकदमे कारिए लियोऊवा, तिनु दुईनै कै धोरे दा, हांव तुऔं खै ऐजा आदैश दियु,

इब्रानियों 6:1

इथकारिए आओ जू आमै आगली बैई मसीह खै बारै मुंजी शैखै राए, तिनु बुनियादी शिक्षाओं खै बार-बार नै बौल़ौ, आओ आमै मजबूत शिक्षाओं कै बारै मुंजी सलाह मोशौरा कौरु, बुनियादी शिक्षाओं कै नीयुं कै जैशणै नै बौणौ, यानी पाप कौरणै छोड़ दैणौ कै बारै मुंजी शिक्षाए, जू मौरणौ कै ढौबौ औरौ पौरमेशवर पांदी बिशवाश कौरणौ कै ढौबौ लोए जांव।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।

याकूब 2:17

ऐशैखैई बिशवाश बै जै भले कामौ कै साथै ना हौंव तौ बैकार औसौ।

याकूब 2:20

पौरौ ओए रै निकम्मा आदमी का तू ऐजौ बै जाणै ना, कै भले कामौ कै बिना बिशवाश बैकार औसौ?

याकूब 2:26

जैशै शोरीर साँस बिना मौरेयौंदा औसौ, ऐशैखैई बिशवाश बै भले कामौ कै बिना बैकार औसौ।

1 यूहन्ना 2:12

ओए रै नानड़िया, हांव तुऔं इथकारिए लिखु कै यीशु मसीह कै नांव शै तोंवारै पाप माफ हौए रौवै।