कुलुस्सियों 2:11 - सिरमौरी नौवाँ नियम

¹¹ जोबै तुऐं मसीह पांदी बिशवाश कौरा तौ तोंवारा खतना आदमी कै दवारा ना होई जैशै यहूदी लोग कौरौ पौरौ मसीह कै दवारा सैजा खतना हौए रौआ जू तोंवारै पाप कौरणौवाल़ै स्‍वभाव कै हटायो दूर कौरौ।

Sirmouri

¹¹ मसीया दे करे गुऐ खतना के जाँणें, जबे तुवाँरे बादे पाप का सभाव ऊडा गाड़ा गुवा; तअ तुवाँरा ऐशा खतना करा गुवा, जुण्जा हाथों लंई ने करा ज़ाँदा।

कुलुस्सियों 2:11 ပူးပေါင်းရင်းမြစ်များ

मरकुस 14:58

“आमै ऐसीखै ऐजौ बौलदै शौणै राए ‘हांव ऐसी हाथौ कै बाणैयोंदै मन्दिरो खै ढाल़ै दियुंबा, औरौ ती दूसौ दा ओका बाणुबा, जू हाथौ लैई ना बाणै रैली।’”

लूका 2:21

जोबै भेइया कै आठ दूस पूरै हुवे, औरौ तैसकै खतने का सौमय ओऊवा, तौ तैसकौ नांव यीशु राखौ, ऐजौ नांव स्‍वर्गदूतै तियौंकै पेटो दै आणौ शै आगै दैय राए थियु।

प्रेरितो कै काम 17:24

जैसी पौरमेशवरे दुनिया औरौ तिथमुंजी सौबै चीज़ौ बाणी, सै स्वर्ग औरौ धोरती का स्‍वामी हौयौ हाथौ कै बौणैयौंदे मन्दिरो दा ना रौंव।

प्रेरितो कै काम 7:48

पौरौ सौबीदा बौड़ा पौरमेशवर हाथौ कै बाणैयोंदै मंदिरो दा ना रौंव, जैशैखै यशायाह पौरमेशवर कै बातौ बौताणौवाल़ै कै पवित्र शास्त्र दो लैखै राए, कै

रोमियों 2:29

ऐक साचा यहूदी आदमी सैजा औसौ जैसका मन पौरमेशवर कै साथै सोही औसौ। औरौ साचा खतना सिरफ मूसा कै कानून का पालन कौरणा ना आथी; पौरौ, ऐजा मन का बदलाव औसौ, जू पौरमेशवर कै आत्मा कै दवारा हौंव। ऐशणा आदमी लोगौ शै नी, पौरौ पौरमेशवर शै तारीफ पांव।

रोमियों 6:6

जिथुकै आमै जाणुए कै अमारा पुराणा पापवाल़ा स्‍वभाव मसीह कै साथै क्रूसो पांदी चौढ़ाए गौआ, ताकि अमारै शोरीर दै पाप वाल़ा स्‍वभाव खत्म हौए जांव, औरौ आमै आगै कै पाप कै गुलामी दै ना रोऊं।

रोमियों 7:24

हांव कैशणा निर्भागै आदमी औसौ! जिथुकै मैरै शोरीर की इछाएं मुखै पौरमेशवर शै दूर कौरौ। मुखै इनु शोरीर कै इछाओं शै कुण छुड़ाला?

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

2 कुरिन्थियों 5:17

इथकारिए जै कुणिए मसीह दा बिशवाश कौरौ तौ तैणै मसीह दा नौवाँ स्‍वभाव पाए राए: पुराणा स्‍वभाव बीती गौआ; औरौ दैखौ, सैजौ सौबै नौंओ हौए गौ।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

गलातियौं 5:24

औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।

इफिसियों 4:22

तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

फिलिप्पियों 3:3

जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

इब्रानियों 9:11

पौरौ ऐबै मसीह महायहूदी पुरोहित बौणै गौआ, जू नौवें कौरार कै सौबै आछै अनुभव दैंव, जू आमुकैंई आगै शै औसौ। यीशु मसीह स्वर्ग दा हौजौ बै महान, औरौ बैजाए सिद्ध मिलाप कै तोम्बू दा हौटा, जू आदमियों कै हाथौ लैई ना बाणै रैई थी औरौ ऐसी दुनिया की बाणैयौंदी चीज़ौ का हिस्सा नै आथी।

इब्रानियों 9:24

इयौं बौजैह शै, मसीह तैसी पवित्र ठाँव दा ना हुटी जू लोगै बाणै राए, जू कै साची पवित्र ठाँव का सिरफ ऐक नमूना औसौ। पौरौ सै अमारै खातिर पौरमेशवर कै सामणै हाजिर रौणौ कारिए सीधा स्वर्ग दा हौटा।