कुलुस्सियों 1:7 - सिरमौरी नौवाँ नियम

⁷ सुसमाचार की शिक्षा तुऐं अमारै प्रिय सहयोगी भाई इपफ्रास शै शैखै राए जू आमु कारिए मसीह का बिशवाश लायक सेवक औसौ।

Sirmouri

⁷ ठीक तेष्णीं ही शिक्क्षा जेष्णीं के तुँओं अमाँरे प्यारे साथी इपफ्रास कैई शी भेटी, जू आँमों खे मसीया का बिश्वाष ज़ूगा दास-सेवक असो।

कुलुस्सियों 1:7 ပူးပေါင်းရင်းမြစ်များ

मत्ती 18:29

इथपांदी तैसकै साथौ कै ओकी नोकरे तैसकै लातो पांदी पोड़ेयो, तैसीकैईं बिन्ती कौरे; कै सब्र राख हांव सौबै ठुँ दैय दैंदा।

मत्ती 24:45

“औरौ ऐक भोरोशे लायक औरौ ईमानदार नोकर सैजा औसौ, जैसीकै मालिक तैसी ओकी नोकरो कै दैखभाल कौरणौ औरौ तिनुकै खियाणौ पियाणौ कै जुमैवार दैय सौकौ।

मत्ती 25:21

तैसकै मालिकै तैसी बौल़ौ, ‘बौहुत बोड़िया, ओए रै आछै औरौ बिशवाश लायक नोकर तू थोड़ै पौयसै सभाल़णो दा बै बिशवाश लायक रौआ, हांव ताखै बौहितै चीज़ौ का औधिकारी बौणान्‍दा। आपणै मालिक कै खुशी दा शामिल हौव।’

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

1 कुरिन्थियों 4:2

जैसी भण्‍डारी का काम सौंपै राए, तैसीयादै ऐजै उमीद कौरे जांव कै सै बिशवाश लायक हौं।

1 कुरिन्थियों 7:25

कुवांरियों कै बारै मुंजी मुखै प्रभु कै कुणजै आज्ञा ना भैटी रैई, जिथुकै हांव पौरमेशवर कै दया की बौजैह शै भौरोशैमंद लोगौ मुंजीदा ऐक औसौ, हांव आपणी राय दियु।

2 कुरिन्थियों 11:23

का सैजै ही मसीह कै सेवक औसौ? (हांव पागलो कै जैशै बुलू) हांव तिनुदा बौड़ैयौ औसौ! मोऐं तिनुदै जादा मैहनत कौरे, तिनुदा कैई जादा कोयदै दा रौआ, बार-बार पीटा, बैजाए बैई मैरै जान पौरैशानी दै पौड़ै।

इफिसियों 5:21

औरौ मसीह कै प्रति खुशी शै औरौ भोक्‍ती राखणौ कै बौजैह शै, तुऐं ऐकी दूजै कै अधीन रौव।

फिलिप्पियों 2:25

मोऐं इपफ्रुदीतुस कै तोंवारै धोरे भैजणा जौरुरी सौमझा। सै मैरा भाई औरौ सहयोगी औसौ, सै सुसमाचार कै रक्षा कौरणौ कारिए मैरै साथै ऐक योध्दा कै जैशणा औसौ। जैसी तुऐं मैरी जौरुरतौ का ख्याल राखणौ कारिए मैरै धोरे छाड़ै राए थिया।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

कुलुस्सियों 4:7

प्यारे बिशवाशी भाई औरौ बिशवाश लायक सेवक तुखिकुस जू प्रभु दा मैरा साथी औसौ, मैरी सौबै बातौ तुऔं बौताए दैंदा।

कुलुस्सियों 4:9

तैसकै साथै उनेसिमुस खै बै छाड़ै राए जू बिशवाश लायक औरौ प्यारा बिशवाशी भाई औसौ औरौ सै तोंवारै नोगर पौरैशा औसौ, सै तुऔं कैंई इथै की सौबै बातौ बौताए दैंदा।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

2 तीमुथियुस 2:2

तुऐं मुखै बौहितै लोगौ कै सामणै मसीह कै बारै मुंजी सौंदेश कै शिखांदै बैई शौणै राए। इथकारिए, हांव चोऊं कै तू बै ओकी बिशवाशियौं कै ऐजा ही सौंदेश शिखा जू बिशवाश लायक लोग औसौ, औरौ जू ओकी खै बै ऐजौई शिखाणौ कै लायक हौंदै।

फिलेमोन 1:23

इपफ्रास, जू यीशु मसीह का प्रचार कौरौ सै मैरै साथै कोयदखाने दा औसौ सै तुऔं नमशकार कौरौ।

इब्रानियों 2:17

इयौं बौजैह शै यीशु कारिए ऐजौ जौरुरी थियु, कै सै हर बातौ दा आमु जैशणा बौणै जांव, ताकि पौरमेशवर कै धोरे अमारा दयालु औरौ बिशवाश लायक महायहूदी पुरोहित बौणै सौकौ। तोबै सै ऐशणा बलिदान चौढ़ाए सौकौ थिया, जिथलैई लोगौ कै पाप दूर हौए जांदै।

इब्रानियों 3:2

यीशु पौरमेशवर कै प्रति ईमानदार थिया, जैणै तैसी ऐजा काम कौरणौ कै खातिर चोणे राए थिया, ठीक तैशैखैई, मूसाए बै ईमानदारी कै साथै सैजौ सौबै ठुँ कौरौ जू पौरमेशवरे तैसी कौरणौ कारिए दैय राए थियु।