कुलुस्सियों 1:28 - सिरमौरी नौवाँ नियम

²⁸ आमै हरेक आदमी कै मसीह कै बारै मुंजी बौतौऊं औरौ पौरमेशवरे जू पूरा ज्ञान आमु दैय राए सौबी कै चैतावणी दियु औरौ सौबी कै शिक्षा दियु, ताकि आमु ऐजौ पाकौ कौरे सौकु कै सौबवे मसीह दा ऐक सिध्‍द बिशवाशी हौए सौकौ जोबै सै पौरमेशवर कै सामणै खौड़ै रौंदै।

Sirmouri

²⁸ जिनका प्रचार करियों आँमें हर ऐक आदमी च़ौक्क्ष करी दियों, अरह् बादे ज्ञाँन शे ऐक नाँम आदमी कैई शो शिखाँव ऐ, के आँमें ऐक नाँम आदमी खे मसीया दा पाक्का सीद्ध करियों हाजिर करह्।

कुलुस्सियों 1:28 ပူးပေါင်းရင်းမြစ်များ

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

मत्ती 3:7

जोबै तैणै बौहितै फरीसी औरौ सदूकी लोगौ खै बपतिस्मा लोणो कारिए आपणै धोरे आन्दै बैई दैखै औरौ तैणै तिनुकै बौल़ौ, “तुऐं लोग शोंगोऊं कै नानड़िया जैशणै जोहरिले औसौ, तुऔं कै कुणै बौल़ौ कै आणौवाल़ै गुस्से शै दोऊड़ो?

मत्ती 5:48

तुऔं तिनु लोगौ शै प्यार कौरणौ कै जौरुरत औसौ जू तुऔंआरी प्यार ना कौरौ औरौ ऐशैखैई पौरमेशवर तुऔं सिद्ध बाणौ, जैशणा कै तोंवारा पिता स्वर्ग दा सिद्ध औसौ।”

मरकुस 6:34

यीशुए उदे आयौ बौड़ै भीड़ दैखै, औरौ तिनु पांदी तरस खोऊवा, जिथुकै सै तिनु भेड़ो कै साए थिए, जिनका कुणिए रोखवाल़ा ना आथी, औरौ सै तिनुखै पौरमेशवर कै राज्य कै बारै दो बौहितै बातौ शिखांदा लागा।

लूका 21:15

जिथुकै हांव तुऔं ऐशणा बौल औरौ बुध्‍दि दैंदा कै तोंवारै सौबै दुशमन तोंवारा सामणा ना कौरे सौकौ।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 11:20

पौरौ तिनुमुंजी दै साइप्रस टापू कै रौणौवाल़ै किछै बिशवाशी औरौ कुरेन कै रौणौवाल़ै लोग थिए, जू अन्‍ताकिया शहर दै आयौ बैगानै यहूदी लोगौ खै बै प्रभु यीशु कै सुसमाचार की बातौ शुणादै लागै।

प्रेरितो कै काम 13:38

इथकारिए, ओए रै भाईयों; तुऐं जाणै पाव कै यीशु कै दवारा पापौ कै माफी का सुसमाचार तुऔं दैय राए।

प्रेरितो कै काम 17:18

तोबै सैजै गुरुजी जू इपिकूरी औरौ स्‍तोईकी कौरेयौ जाणै जांव थिए, औरौ तिनुमुंजी दै किछै तैसीआरी बैहस कौरदै लागै, “ऐजा बकवादी का बौताणौ चांव?” पौरौ ओकीए बौल़ौ, “सै ओकी देवताओं का प्रचारक जाणियौ,” जिथुकै सै यीशु का औरौ मौरेयौंदे मुंजीदा जियुंदी हौणौ का सुसमाचार शुणांव थिया।

प्रेरितो कै काम 17:3

औरौ तिथका मतलब खोले-खौलेयौ कै सौमझाए लौआ थिया कै मसीह का दुख उठाणा, औरौ मौरेयौंदे मुंजीदा जियुंदी हौणा, जौरुरी थिया, “ऐजाई यीशु जैसकै बारै मुंजी हांव तुऔं खै बौतौऊं, सै मसीह औसौ।”

प्रेरितो कै काम 20:31

इथकारिए बिजैयौंदे रौया, औरौ याद कौरेया कै मोऐं ती सालो तौड़ी रात दूस आशु बोवाय-बोवायो, सौबी खै सौमझाणौ नी छुड़ी।

प्रेरितो कै काम 3:20

औरौ सै यीशु कै छाड़दा, जू सैजा मसीह औसौ जैसी तैणै तुऔं कारिए औगौड़ियौ शै चोणे राए।

प्रेरितो कै काम 5:42

इथकै बाद चोणेयौंदे चैलै हर दूस मन्दिरो दै औरौ घोरो-घोरो दै जायौ लगातार उपदैश शिखांदै औरौ सुसमाचार का प्रचार कौरौ थिए कै यीशु ही मसीह औसौ।

प्रेरितो कै काम 8:35

तोबै फिलिप्पुसे बौलणौ शुरु कौरौ औरौ ऐसी पवित्र शास्त्र पौरैशौ शुरु कौरेयौ तैसीखै यीशु का सुसमाचार शुणौऊवा इथकारिए सैजा औधिकारी सौमझै गौआ औरौ यीशु पांदी बिशवाश कौरा।

प्रेरितो कै काम 8:5

औरौ फिलिप्‍पुस सामरिया प्रदेश कै ऐकी नगर दा जायौ लोगौ मुंजी मसीह का प्रचार कौरदा लागा।

प्रेरितो कै काम 9:20

औरौ सै तौलोंई दमिश्क शहर कै यहूदी सभा-घोरो दा यीशु का प्रचार कौरदा लागा कै यीशु ही पौरमेशवर का बैटा औसौ।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 12:8

पौरमेशवर का आत्मा ऐकी आदमी खै तौ बुध्दि का सौंदेश बौलणौ कै वरदान दैंव औरौ सैजाई आत्मा कोसी औकै आदमी खै ज्ञान का सौंदेश बौलणौ कै वरदान दैंव।

1 कुरिन्थियों 15:12

इथकारिए ऐबै हांव तुऔं कैईंदु ऐजौ पूछणु चोऊं: जिथुकै आमै सौबीए तुऔं मुंजी ऐजाई प्रचार कौरे राए कै जोबै मसीह मौरे गौआ तौ पौरमेशवरे तैसी औटेयौ मौरेयौंदे मुंजीदा जियुंदी कौरे दिया।

1 कुरिन्थियों 2:15

सैजै लोग जिनुवै पवित्र आत्मा पाए राए सैजै तिनु चीज़ौ खै सौमझै सौकौ जू पवित्र आत्मा शिखांव। पौरौ जिनु लोगौ कैंई पवित्र आत्मा ना आथी सैजै तिनु लोगौ कै विचारो खै ना सौमझै सौकौ जिनु कैई पवित्र आत्मा औसौ।

1 कुरिन्थियों 2:6

तोबै बै जोबै हांव आत्मिक रुप शै मोजबूत बिशवाशियौं कै बीच मुंजी रोऊं, तोबै हांव ज्ञान कै शब्दो कै साथै बुलू। पौरौ ऐजा ज्ञान संसारिक औरौ इयौं दुनिया कै हाकिमो का ना आथी; जिनका नाश हौणौवाल़ा औसौ।

1 कुरिन्थियों 4:14

हांव तुऔं बैज्जित कौरणौ कारिए ऐजी बातौ ना लिखु, पौरौ मैरा मकसद तुऔं आज्ञा कै मानणा शिखाणौ औसौ जिथुकै तुऐं मैरै नानड़िया कै जैशणै औसौ जिनु हांव सौथीखै प्यार कौरु। औरौ तुऔं कै चौकश कौरु।

2 कुरिन्थियों 10:14

जिथुकै आमै आपणै हद शै बायरै आपी खै बौढ़ाणा ना चोऊं, जैशैकै तुऔं तौड़ी ना पोऊंचणौ कै दशा दो हौंव, यानी तुऔं मसीह कै सुसमाचार शुणाणौ कारिए कुरिन्थुस शहर तौड़ी यात्रा कौरणौवाल़ै आमु आगलै आदमी थिए।

2 कुरिन्थियों 11:2

जिथुकै हांव तुऔंआरी तैशैखैई प्यार कौरु औरौ तोंवारै परवाह कौरु जैशै पौरमेशवर कौरौ, इथकारिए मोऐं तुऔं पवित्र कुंवारी कै जैशणा मसीह खै दैणौ औरौ सिरफ तैसीखै ही सौंपै दैणौ का वादा कौरे राए। जैशै ऐक बापू आपणै बैटी खै बैयाव कै सौमय आपणै घोरवाल़ै खै ऐक पवित्र कुंवारी कै रुप दा सौंपौ।

2 कुरिन्थियों 4:5

जिथुकै आमै आपी खै नी, पौरौ मसीह यीशु का प्रचार कौरु, कै यीशु मसीह प्रभु औसौ औरौ तैसकै बारै मुंजी ऐजौई बौल़ौ, कै आमै यीशु की बौजैह शै तोंवारै सेवक औसौ।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

इफिसियों 5:27

सै आपणै लोगौ कारिए मौरे गौआ ताकि सै आपणै सौबै लोगौ कै सिध्द बाणै सौकौ औरौ तिनु सौबी कै आपणै हाजिर दै लाए सौकौ, जिनुमुंजी कुणजाई दोष औरौ बुरी बातौ ना हौंदी; पौरौ सै पवित्र औरौ सिध्द हौंदै।

कुलुस्सियों 1:22

पौरौ पौरमेशवरे आपणै बैटै मसीह कै आदमी बाणैयौ औरौ तैसीकै क्रूस पांदी मौरणौ कै दवारा तोंवारा बै मैल-मिलाप कौरौऊवा, ताकि तुऔं आपणै सामणै पवित्र औरौ बिना कलंक औरौ निर्दोष बाणैयौ शामिल कौरौ।

कुलुस्सियों 2:10

मसीह हरेक शौकतै औरौ औधिकार पांदी प्रधान औसौ इथकारिए जै तुऐं मसीह दै जोड़ेयौंदे औसौ तौ तुऔं कोसी बै चीज़ कै कमी ना आथी।

कुलुस्सियों 2:3

जिथुकै सै सैजाई औसौ जू पौरमेशवर कै बुध्‍दि औरौ ज्ञान कै पौछेयाण कौरांव जू कै तैसी खजाने कै जैशणा औसौ जू छिपैयौंदा औसौ।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 4:6

ऐशैखै कौरेयौ कुणिए आपणै बिशवाशी भाई कै खिलाफ पाप नी कौरेया, औरौ ना तैसी पांदी दाव चौलाया, जिथुकै प्रभु यीशु तिनुकै सौजा दैंदा जू ऐशणै सौबै काम कौरौ। जैशैखै आमुए आगै तुऔं खै बौलेयौ चिताए बै राए थिए।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

1 तीमुथियुस 3:2

इथकारिए, ऐजै बात खास औसौ कै अगुवे दै ऐजै गुण हौणै चैंई: तैसीदा कुणजैई दोष ना हौंव, औरौ तैसीकै ऐकैई घोरवाल़ी हौणै चैंई, औरौ शान्त बर्ताव कौरणौवाल़ौ हौणौ चैंई, सै जू किछै बै कौरौ तिनु आपी पांदी काबू राखणौवाल़ै हौणौ चैंई, औरौ लोगौ कै दवारा आदर कौरणौवाल़ा हौणौ चैंई, औरौ तैसी आपणै घोरे पोऊंणै कै इज्जत कौरणौवाल़ा हौणौ चैंई औरौ तैसी पौरमेशवर कै वचन कै आछै शै शिखाणौ कै लायक हौणौ चैंई।

2 पतरस 3:15

औरौ अमारै प्रभु कै सब्र खै ऐक मौकै कै रुप दा दैखौ जू तैणै तुऔं कै आणौवाल़ै न्याय शै बौचणौ कारिए दैय लौआ। ऐजौ पौलुसे बै, जू अमारा प्यारा साथी बिशवाशी औसौ, तुऔं ऐकी चिट्ठी दा तैसी ज्ञान का इस्तैमाल कौरदै बैई लिख राव थियु, जू पौरमेशवर तैसी दैंव।