कुलुस्सियों 1:27 - सिरमौरी नौवाँ नियम

²⁷ जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

Sirmouri

²⁷ जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

कुलुस्सियों 1:27 ပူးပေါင်းရင်းမြစ်များ

मत्ती 13:11

तैणै जोवाब दिया, “तुऔं खै तौ पौरमेशवरे आपणै राज्य कै भैद बौताए राए, पौरौ तिनुखै ना दैय रैई।

लूका 17:21

औरौ लोग ऐजौ ना बौलदै, कै दैखौ, इथै औसौ, या तिथै औसौ। जिथुकै पौरमेशवर का राज्य तोंवारै बीचो दा औसौ।”

यूहन्ना 14:17

सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”

यूहन्ना 14:20

जोबै हांव जियुंदा पाछु आन्दा, तोबै तुऐं जाणै पांदै, कै पिता पौरमेशवर मुं दा रौंव, औरौ तुऐं मुं दै रौलै औरौ हांव तुऔं दा रोऊं।

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 17:26

मोऐं तिनुकै बौताए राए कै तू कुण औसौ, औरौ बौतांदा रौंदा कै जू प्यार तू मुं आरी कौरे, सैजा प्यार तिनुदा रौंव, औरौ हांव तिनुदा रौंऊ।”

यूहन्ना 6:56

जू मैरा शोरीर खांव औरौ मैरा लोऊ पियौं सै मुंआरी जियुंदा बौणेयौंदा रौंव। औरौ हांव तैसीआरी जियुंदा बौणेयौंदा रोऊं।

रोमियों 11:33

आहा, पौरमेशवर कै अनुग्रह का धन औरौ बुध्‍दि औरौ ज्ञान कैतरै गंभीर औसौ! कुणिए बै तैसकै फोयसलै कै बखान ना कौरे सौकौ; औरौ ना ही कुणिए तैसकै बाटो कै जाणै सौकौ!

रोमियों 2:4

का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

रोमियों 5:2

अमारै बिशवाश की बौजैह शै, मसीहे आमु ऐसी अनुग्रह दै लाए राए जिथै आमै इबी खौड़ै औसौ, औरौ आमै निशोंक औरौ खुशी कै साथै पौरमेशवर कै महिमा कै साझा कौरणौ कै आशा दैखु।

रोमियों 8:10

जै मसीह तुऔं दा औसौ, तौ आत्मा तुऔं जीवन दैंव जिथुकै तुऐं पौरमेशवर कै साथै सोही ठोहराए गौवै।

1 कुरिन्थियों 3:16

हकीकत दो तुऐं जाणौए कै तुऐं खुद ही पौरमेशवर का मन्दिर औसौ, औरौ पौरमेशवर का आत्मा तुऔं दा वास कौरौ।

2 कुरिन्थियों 2:14

पौरमेशवर का धन्यवाद हौं, जू मसीह कै साथै अमारै सौमबंध कै बौजैह बौणौ, सै हमैशा अमारै साथै जांव औरौ आमु जीत दियांव। इथका मतलब औसौ कै आमु जिथै बै जोऊं, आमै सुसमाचार का ऐलान कौरु ताकि सौबै लोग पौरमेशवर कै जाणौ औरौ शुणौ।

2 कुरिन्थियों 4:17

जिथुकै अमारै ऐसी सौमय कै पौरैशानी नानड़ी औसौ औरौ बैजाए लाम्बै सौमय तौड़ी ना रौंदी। जिथुकै इथका नतीजा सौदा कै महिमा हौंदी जू तिनु सौबी दी बैजाए जादा हौंदै जिथकै बारै मुंजी आमै सोंचै बै ना सौकु।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

2 कुरिन्थियों 6:16

औरौ मूर्तो का पौरमेशवर कै मन्दिरो दा कुणजाई ठाँव ना आथी। जिथुकै आमु तौ जियुंदै पौरमेशवर कै मन्दिर औसौ; जैशैखै पौरमेशवरे पवित्र शास्त्र दो बौल़ै राए, “हांव इनु लोगौ कै साथै रौंदा औरौ तिनुमुंजी हांडेया कौरदा; औरौ हांव तिनका पौरमेशवर हौंदा, औरौ ऐजै मैरै लोग हौंदै।”

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

गलातियौं 4:19

मैरै प्यारे नानड़िया, जैशैखै ऐक बैटमाणिश होल़किणु कै सौमय पीड़ो महसूस कौरौ, तैशैखैई मोऐं एकबेई औटेयौ तोंवारै खातिर पीड़ो झैलू। हांव ऐसी पीड़ा दा तांव तौड़ी रौंदा जांव तौड़ी तुऐं मसीह दै मोजबूत ना हौए जांव।

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 2:22

ओए रै बैगानै बिशवाशी जिथुकै तुऐं मसीह कै साथै एकजुट औसौ, इथकारिए तुऔं बै पौरमेशवर कै ओकी लोगौ कै साथै जोड़े लौवै। ताकि तुऐं ऐशणा घोर बौणै जांव जिथै पौरमेशवर का आत्मा रौंव।

फिलिप्पियों 4:19

औरौ मैरा पौरमेशवर बै आपणै तैसी धन कै हिसाब शै जू महिमा सहित मसीह यीशु दै औसौ, तोंवारै हरेक जौरुरत कै पूरै कौरदा।

कुलुस्सियों 1:5

जिथुकै तुऐं ऐजौ तियौं आशा की बौजैह शै कौरौ जू तुऔं कारिए स्वर्ग दै राखै राए, जिथकै बारै मुंजी तुऐं शौणै राए जोबै आगली बैई लोगै तुऔं यीशु मसीह कै बारै मुंजी सुसमाचार शुणौऊवा जू पौरमेशवर का साचा सौंदेश औसौ।

कुलुस्सियों 2:3

जिथुकै सै सैजाई औसौ जू पौरमेशवर कै बुध्‍दि औरौ ज्ञान कै पौछेयाण कौरांव जू कै तैसी खजाने कै जैशणा औसौ जू छिपैयौंदा औसौ।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

1 तीमुथियुस 1:1

मोऐं पौलुसे ऐजी चिट्ठी लैखै लोए। हांव अमारै उध्दारकर्ता पौरमेशवर औरौ अमारै प्रभु यीशु मसीह, जैसीदै आमै आशा राखु, तैसकै औधिकार शै यीशु मसीह का ऐक चोणेयौंदा चैला औसौ।

इब्रानियों 6:19

ऐजी आशा जू अमारै जिन्दगी दै औसौ ऐजी मोजबूत औसौ औरौ इयौं हिंजाल़ियौ ना। ऐजी आमु पौरमेशवर शै दूर जाणौ ना दैंव, पौरौ ऐजी आमु मंदिरो कै भीतरै महापवित्र ठाँव दै पौरमेशवर कै नेड़िक नियौ।

1 यूहन्ना 4:4

ओए रै प्यारे नानड़िया, तुऐं पौरमेशवर कै लोग औसौ, औरौ तुऐं तिनु झूठै पौरमेशवर कै बातौ बौताणौवाल़ै पांदी जय पाए राए; जिथुकै जू पवित्र आत्मा तुऔं दै औसौ सै शैतान शै बौड़ै औसौ जू इयौं दुनिया कै लोगौ पांदी राज कौरौ।

प्रकाशितवाक्य 3:20

शुणौ, तोंवारै मन दै रौणौ कारिए, हांव तैसी आदमी कै जैशणा औसौ जू घोर कै बायरै खौड़ा औसौ औरौ दरवाज़ा खटखटांव। जै तुऐं मैरी आवाज़ खै शुणौए औरौ मैरै खातिर आपणा मन खोलो तौ हांव भीतरै आन्दा औरौ आमु ऐकी-दूजै कै साथै संगति कौरदै।