कुलुस्सियों 1:25 - सिरमौरी नौवाँ नियम

²⁵ पौरमेशवरे मुखै इथकारिए चोणे राए ताकि हांव तैसकै सौंदेश कै तुऔं पूरी तरह सौमझाए सौकु औरौ इयौंई बौजैह शै हांव कलीसिया का सेवक बौणै गौआ।

Sirmouri

²⁵ ईयों ही कलीसिया की ताँईऐ हाँव तुओं खे पंण्मिश्वर के जाणें दिती गंऐ, सेवा खे सेवक च़ूणाँ-छ़ाँटा गुवा, के हाँव पंण्मिश्वर की अज्ञाँ का ठीक ढंग शा बचन का प्रचार करूँ।

कुलुस्सियों 1:25 ပူးပေါင်းရင်းမြစ်များ

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

1 कुरिन्थियों 9:17

जै हांव ऐजा काम आपणी मर्जी शै कौरु तौ मुखै इनाम भैटदा। पौरौ जै पौरमेशवरे मुखै ऐजै जिम्मेदारी दैय राए, तौ हांव इनाम कि का उम्मीद कौर सौकु? हांव कोसी बै इनाम कै उम्मीद ना कौर सौकु।

इफिसियों 3:2

निशोंक हौयौ तुऐं जाणौए कै, मुखै तुऔं कै सुसमाचार प्रचार कौरणौ कै जुमैवारै पौरमेशवर कै अनुग्रह शै भैटी रौए।

इफिसियों 3:7

औरौ पौरमेशवरे मुखै ऐई मुंजी आपणा अनुग्रह औरौ बौड़ी शौकतै शै, सुसमाचार बौताणौ का सौभाग्य दैय राए।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।