कुलुस्सियों 1:2 - सिरमौरी नौवाँ नियम

² ऐजै चिट्टी मसीह दै तिनु पवित्र औरौ भोरोशे लायक भाईयों खै नांव औसौ जू कुलुस्‍से शहर दै रौंव। अमारा पिता पौरमेशवर तुऔं अनुग्रह औरौ शान्तै दैंदा रौंव।

Sirmouri

² सेजे पबित्र भाऐ, बईणों जू मसीया गाशी बिश्वाष करियों कुलुस्से नंगर दे रंह् थिऐ, तिनखे अमाँरे पिता पंण्मिश्वर की ढबे शी कृपा, अरह् शान्त्ति भेट्दी रंह्।

कुलुस्सियों 1:2 ပူးပေါင်းရင်းမြစ်များ

प्रेरितो कै काम 9:13

हनन्‍याहए जोवाब दिया, “ओए रै प्रभु मोऐं ऐसी आदमी कै बारै मुंजी बौहितै लोगौ शै शौणै राए कै ऐणै यरूशलेम शहर दै तैरै पवित्र लोगौ कै साथै बैजाए बुरु कौरे राए।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

1 कुरिन्थियों 1:2

मोऐं ऐजै चिट्ठी कुरिन्‍थुस शहर दै प्रभु कै कलीसिया कै लैखै लौए, जिनुखै पौरमेशवर आपणै लोगौ कै रुपो दै यीशु मसीह कै साथै एकजुट कौरे राए, तैणै तुऔं आपणै पवित्र लोग हौणौ कारिए बौएदै राए; जैशै तैणै तिनु सौबी लोगौ कै चोणे राए जू अमारै प्रभु यीशु मसीह कै सेवा कौरौ जिथुकै सै आमु सौबिका प्रभु औसौ।

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

गलातियौं 1:3

हांव प्रार्थना कौरु कै अमारै पिता पौरमेशवर औरौ अमारै प्रभु यीशु मसीह तुऔं अनुग्रह औरौ शान्तै दैंव।

गलातियौं 3:9

पौरमेशवर तिनु सौबी खै आशीष दैंदा जू तैसी पांदी बिशवाश कौरौ, तैशैखैई जैशै तैणै अब्राहम खै आशीष दै।

इफिसियों 1:1

मोऐं पौलुसे इयौं चिट्ठी कै लैखै लोए। हांव पौरमेशवर कै इछा कै हिसाब शै यीशु मसीह का चोणेयौंदा चैला औसौ। मोऐं ऐजै चिट्ठी इफिसुस शहर दै रौणौवाल़ै पौरमेशवर कै लोगौ कै लैखै लौए, जू मसीह यीशु कै प्रति वफादार औसौ।

इफिसियों 6:21

प्रभु कै संगति दा प्यारा साथी औरौ बिशवाश लायक सेवक तुखिकुस तुऔं लोगौ कै ऐजौ सौबै बौताए दैंदा, ताकि तुऐं बै जाणै पाव कै हांव कैशणा औसौ औरौ मोऐं का कौरे लो।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

2 पतरस 1:2

हांव प्रार्थना कौरु कै पौरमेशवर तुऔं कै जादा शै जादा अनुग्रह औरौ शान्तै दैंव जैशै-जैशै तुऐं पौरमेशवर औरौ अमारै प्रभु यीशु कै ज्ञान दै बौढ़दै जांव।

यहूदा 1:2

हांव प्रार्थना कौरु कै पौरमेशवर तुऔं दया, शान्तै औरौ प्यार जादा शै जादा दैया कौरौ।

प्रकाशितवाक्य 1:4

मोऐं यूहन्नाए, ऐजी चिट्ठी तुऔं सात कलीसियाओं कै बिशवाशी लोगौ कारिए लैख लौए जू एशिया प्रदेश दै रौं: हांव प्रार्थना कौरु कै पौरमेशवर जू औसौए, औरौ जू हमैशा थिया, औरौ जू आणौवाल़ा औसौ; औरौ तिनु सात स्‍वर्गदूत कै ढौबौशै, जू पौरमेशवर कै सिंहासन कै सामणै औसौ, तुऔं अनुग्रह औरौ शान्तै भैटौ।