प्रेरितो कै काम 9:4 - सिरमौरी नौवाँ नियम

⁴ औरौ सै जोमीनो पांदी उदा रिड़ा, औरौ पौरमेशवर कै ऐजी आवाज़ शौणै, “ओए रै शाऊल, ओए रै शाऊल, तू मुखै किथु सोताए?”

Sirmouri

⁴ तबे से धनियों धर्त्ती गाशी पड़ा, अरह् तेने ऐक धाव शुँणीं; के मुँखे कुँणिऐं किऐ बुली लो, “शाऊल! शाऊल! तुऐं मुँह कैई स्ताऐ लुवा?”

प्रेरितो कै काम 9:4 ပူးပေါင်းရင်းမြစ်များ

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

लूका 10:41

प्रभुए तियौंकै जोवाब दिया, “मार्था, ओए रै मार्था; तू बौहितै बातौ कै चिन्‍ता कौरे औरौ पौरैशान हौए जाए।

यूहन्ना 18:6

यीशु कै ऐजौ बौलेयौ ही, कै हांव औसौ, सै पौछौड़ियौ होटेयो जोमीनो पांदी रिड़ै गौवै।

यूहन्ना 20:16

यीशुए तियौं बौल़ौ, मगदेला गांव कै मरियम। तैणै पौछौड़ियौ फिरैयौ कै तियौंकै इब्रानी भाषा दो बौल़ौ रब्‍बूनी जिथका मतलब औसौ ओए रै गुरु।

यूहन्ना 21:15

खाणौं खाणौ कै बाद यीशुए शमौन पतरस कै बौल़ौ, “ओए रै शमौन यूहन्ना का बैटा का तू सौथी कै इनु ओकी चैलै दा जादा बौढ़ेयौ मुं आरी प्यार कौरे?” शमौन पतरसे यीशु कै बौल़ौ, “हां, प्रभु तू तौ जाणै कै हांव तांवआरी प्यार कौरु।” यीशुए तैसीकै बौल़ौ, “मैरै चैलै कै दैखभाल कौर जैशैकै ऐक चौराईया आपणै भेड़ो कै दैखभाल कौरौ।”

प्रेरितो कै काम 5:10

तोबै सै तौलोंई तैसकै लातो पांदी रिड़ै गौए औरौ तियौंकै मौत हौए गौए औरौ जवाने भीतरै आयौ तियौंखै मोरयोंदी दैखै, औरौ बायरै नियौ तियांरै घोरवाल़ै आरी दफनाए दी।

प्रेरितो कै काम 9:5

शाऊले पूछु, “ओए रै प्रभु तू कुण औसौ?” तैणै बौल़ौ, “हांव यीशु औसौ; जैसी तू सोताए।

रोमियों 11:22

इथकारिए पौरमेशवर कै दया औरौ सख्ताई पांदी ध्यान दैंव! जू बिशवाश शै भौटकै! तिनु पांदी सख्ताई, पौरौ तुऔं पांदी दया हौए रौए, तुऐं तैसकै दया दै बौणैयौंदे रौव, नही, तौ काटैयौ जौई कौरे दियै जालै।

1 कुरिन्थियों 12:12

जिथुकै जैशैखै आदमी का शोरीर ऐक औसौ औरौ तैसकै शोरीर कै अंग बौहितै औसौ, औरौ तैसी शोरीर कै सौबै अंग, बौहितै हौणौ पांदी बै सौबै मिलैयौ ऐकैई शोरीर कै औसौ तैशैखैई मसीह बै औरौ तैसी पांदी बिशवाश कौरणौवाल़ै बिशवाशी बै ऐक औसौ।

1 कुरिन्थियों 4:7

कोसीए बै तुऔं खै ओकी कै तुलना दा बौड़ा दर्जा ना दैय रैई। तुऔं कैई जू बै वरदान औसौ, सैजै तुऔं पौरमेशवरे दैय राए। तुऔं घमण्‍ड कौरणौ का कुणजाई औधिकार ना आथी।

इफिसियों 5:30

इथकारिए कै आमु सौबै मसीह कै शोरीर कै अंगो कै जैशणै औसौ।