प्रेरितो कै काम 9:30 - सिरमौरी नौवाँ नियम

³⁰ तोबै बाकी चैलै खै इयौं बातौ कै बारै मुंजी पोता चाला तौ तिनिए शाऊल खै कैसरिया शहर दा निया, औरौ तिथै तैसी कारिए जहाज शै तरसुस शहर खै जाणौ का जूगाड़ कौरा, जू तैसका आपणा शहर थिया।

Sirmouri

³⁰ जबे बिश्वाषी भाऐ-बंईणों कैई ईयों बातो का पता चाला, तअ तिन्ऐं शाऊल कैसरिया नंगर दा नींया; अरह् जेथै शा तिन्ऐं तेसी तरसुस खे डेयाल़ी दिता।

प्रेरितो कै काम 9:30 ပူးပေါင်းရင်းမြစ်များ

मत्ती 10:23

जौल़ौ सै तुऔं खै ऐकी नगर दै सतालै, तौ ओकी नोगरो दै दौड़ै जाया। हांव तुऔं कै साचौ बुलू, की तुऐं इस्राएल देश कै सौबी नोगरो दै इबी तौड़ी हौटै बै ना रोली तोबै हांव आदमी का बैटा तुऔं दा आगै आए जांदा।”

मत्ती 16:13

यीशुए कैसरिया फिलिप्‍पी नोगरो दै आयौ आपणै चैलै कैईंदु पूछु, “कै लोग मुं आदमी कै बैटै खै का बौल़ौ?”

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 11:25

तोबै बरनबास अन्‍ताकिया शहर खै छोड़ेयौ शाऊल खै जूणौ कारिए तरसुस शहर खै हौटै गौआ।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

प्रेरितो कै काम 17:15

सैजै लोग जिनुवै पौलुस खै नै लौआ थिया तैसकै साथै एथेंस शहर तौड़ी हौटै, पौरौ पौलुस कै इयौं आज्ञा कै बौजैह शै सै बिरीया नोगरो कै पाछु हौटै गौवै कै सीलास औरौ तीमुथियुस खै तावल़ै ही तैसकै धोरे भैजै दैंव।

प्रेरितो कै काम 28:14

तिथै आमुखै किछै बिशवाशी भाई भैटी, औरौ तिनकै बौलणौ शै आमै तिनकै इथै सात दूसौ तौड़ी रौवै; औरौ ऐशैखैई तिनकै साथै रौणौ कै बाद, पौयदल हांडेयो रोम शहर खै ढौबौ चाल पौड़ै।

प्रेरितो कै काम 8:40

पौरौ फिलिप्पुसे आपी खै अश्दोद शहर दा पोऊवा औरौ जांव तौड़ी कैसरिया शहर दा ना पोऊंची, तांव तौड़ी तैणै हर गांव दै सुसमाचार का प्रचार कौरदै बैई ऐक जौगैह शै ओकी जौगैह आपणी यात्रा जारी राखै।

प्रेरितो कै काम 9:11

तोबै प्रभुए तैसी बौल़ौ, “बिज़यो, ‘सीधी’ नांव कै गल़ी दा जा, औरौ यहूदा कै घोरो दा शाऊल नांव कै ऐक आदमी कै बारै मुंजी पूछै पा; जू तरसुस शहर का रौणौवाल़ा औसौ जिथुकै तैणै प्रार्थना कौरे लोए,

गलातियौं 1:21

इथकै बाद हांव सीरिया प्रदेश औरौ किलिकिया प्रदेशो दा ओऊवा।