प्रेरितो कै काम 9:29 - सिरमौरी नौवाँ नियम

²⁹ औरौ निडर हौयौ प्रभु कै नांव का प्रचार कौरौ थिया औरौ यूनानी भाषा बौलणोवाल़ै यहूदी लोगौ कै साथी बातौ औरौ बैहसबाजी कौरौ थिया; इथकारिए सै तैसी मारणौ की कौचिश कौरदै लागै।

Sirmouri

²⁹ से बैधड़क हऐयों यूनानी भाषा के यहूदियों शी बात-चींत्त अरह् भंऐस करह् थिया, परह् सेजे लोग तेसी माँरी देणाँ चहाँव थिऐ।

प्रेरितो कै काम 9:29 ပူးပေါင်းရင်းမြစ်များ

प्रेरितो कै काम 11:20

पौरौ तिनुमुंजी दै साइप्रस टापू कै रौणौवाल़ै किछै बिशवाशी औरौ कुरेन कै रौणौवाल़ै लोग थिए, जू अन्‍ताकिया शहर दै आयौ बैगानै यहूदी लोगौ खै बै प्रभु यीशु कै सुसमाचार की बातौ शुणादै लागै।

प्रेरितो कै काम 17:17

इथकारिए सै यहूदी सभा-घोरो दा यहूदी लोगौ औरौ बैगानै यहूदी भोक्‍त मुंजीदै औरौ चौको पांदी जू लोग भैटौ थिए, तिनुआरी रौज बैहसबाजी कौरेया कौरौ थिया।

प्रेरितो कै काम 18:19

तैणै इफिसुस शहर दै पौंचेयौ प्रिस्किल्ला औरौ अक्विला खै तिथै छोड़े औरौ आपी यहूदी सभा-घोरो दा जायौ यहूदी लोगौआरी बैहस कौरदा लागा।

प्रेरितो कै काम 19:8

तोबै पौलुस यहूदी सभा-घोरो दा जायौ ती मीनै तौड़ी निडर हौयौ बौलदा रौआ, औरौ पौरमेशवर कै राज्य कै बारै मुंजी बैहस कौरदा औरौ सौमझांदा रौआ।

प्रेरितो कै काम 22:18

औरौ तैसीखै दैखा की सै मुखै बौल़ौ, ‘तावल़ो कौरेयौ यरूशलेम शहर पौरैशा आगु जा; जिथुकै सैजै लोग जू इथैशै औसौ मैरै बारै मुंजी तैरी गवाही ना मानदै।’

प्रेरितो कै काम 6:1

तिनु दूसौ दै जोबै चैलै कै गिनती बौहितै बौढ़ गौए, तोबै इब्रानी भाषा बौलणोवाल़ै यूनानी भाषा बौलणोवाल़ै यहूदी बिशवाशी कै खिलाफ हौए गौवै, कै हर दूस कै पौयसै औरौ खाणौ कै सेवकाई दै अमारै विधवाओं कै दैख रैख ना कौरे जांव।

प्रेरितो कै काम 9:27

पौरौ बरनबासे तैसी आपणै साथै चोणेयौंदे चैलै कै धोरे नियौ तिनु बौल़ौ, कै ऐणै कैशैकै दमिश्क नगर दा बाटो पुंडा प्रभु यीशु कै दैखा औरौ प्रभुए ऐसीआरी बातौ कौरी; औरौ हौजौ दमिश्क शहर दै ऐणै कैशणै हिम्मत शै यीशु कै नांव का प्रचार कौरा।

प्रेरितो कै काम 9:28

चोणेयौंदे चैलै बरनबास कै बातौ पांदी यकीन कौरा इथकारिए शाऊल तिनकै साथी यरूशलेम शहर दा आन्दा-जांदा रौआ।

2 कुरिन्थियों 11:26

हांव बार-बार यात्राओं दा; नोंदी कै खतरै दा; डाकुओं कै खतरै दा; बैगानै यहूदी कै खतरै दा; नोगरो कै खतरै दा, जोंगलो कै खतरै दा; समुन्द्र कै खतरै दा, झूठै बिशवाशियौं कै बीच कै खतरै दा रौआ;

यहूदा 1:3

ओए रै मैरै साथी बिशवाशियौं, भलैई हांव तुऔं पौरमेशवर कै मोक्ति कै बारै मुंजी बैजाए लिखणु चोऊं थिया, जिथमुंजी आमै सौबै शामिल औसौ, हांव जरुरत महसूस कौरु कै हांव तुऔं कै हिम्मत दैणौ कारिए लिखु कै जैसी सौचाई पांदी आमै बिशवाश कौरु। पौरमेशवरे आपणै पवित्र लोगौ खै ऐजै सौचाई ऐक बैई हमैशा कारिए दैय राए जू कौलोंई ना बौदलौ।

यहूदा 1:9

इथै तौड़ी कै मीकाईलै बै जू पौरमेशवर कै खास स्‍वर्गदूतौ मुंजीदा ऐक औसौ, बैज्जती ना कौरी। जिथुकै जोबै तैणै शैतान कै साथै बैहस कौरे औरौ पौरमेशवर कै बातौ बौताणौवाल़ै मूसा कै शोरीरो खै लोणो कारिए आपणै औधिकार कै चैतावणी दै, तोबै बै तैणै शैतान शै बुरी बातौ ना कौरी औरौ तैसी पांदी दोष ना लैई। पौरौ तैणै सिरफ ऐतरो बौल़ौ, “प्रभु तांवआरी सख्ताई शै बात कौरौ।”