प्रेरितो कै काम 9:21 - सिरमौरी नौवाँ नियम

²¹ औरौ सौबै शुणणौवाल़ै लोग हैरान हौयौ बौलदै लागै, “का ऐजा सैजाई आदमी ना आथी, जू यरूशलेम शहर दै तिनु जू यीशु मसीह कै बिशवाशी थिए तिनुखै नाश कौरौ थिया औरौ इथै बै इथकारिए आए रौआ थिया, कै तिनु बांनैयौ मुख्य यहूदी पुरोहितो कै धोरे लोय जांव?”

Sirmouri

²¹ तबे बादे शुँण्णों वाल़े लोगो के तुरंबाँणच़ूटे, अरह् से ऐजो बुल्दे लागे; के “कियों ऐजा सेजा ही आदमी आथी ने, जुण्जा आदमी यरूशलेम दे ऐसी नाँव का जाप कर्णो वाल़े भगत्त लोगों का नाँष करह् थिया? कियों ऐ ईथै ईन्दें खे आऐ ने रंई थी; के तिनू लोग बाँनियों मुँख्या-याजकों कैई नीयों?”

प्रेरितो कै काम 9:21 ပူးပေါင်းရင်းမြစ်များ

प्रेरितो कै काम 2:12

औरौ सै सौबै हैरान हुवे औरौ घबराएयों ऐकी दूजै कै बौलदै लागै, “ऐजौ का हौए रौ?”

प्रेरितो कै काम 2:6

जोबै तिनुऐ हवा कै जैशणै आवाज़ शौणै तौ भीड़ लागै गौए, औरौ लोग घबराए गौवै, जिथुकै सौबी खै आपणी-आपणी भाषा दै चैलै बौलांदै बैई शौणै रौवै थिए।

प्रेरितो कै काम 3:10

औरौ तैसीकै पौछेयाणै पोऊवा कै ऐजा सैजाई लोंगड़ा भिखारी औसौ, जू मन्दिर कै सुन्दर फाटक पांदी बौठेयौ भीख मांगैया कौरौ थिया; औरौ तियौं घोटना शै जू तैसकै साथी हौए रोए थी; तिथु दैखैयो सैजै लोग बैजाए हैरान औरौ चकित हौए गौवै।

प्रेरितो कै काम 4:13

जोबै तिनुऐ पतरस औरौ यूहन्ना कै हिम्मत दैखै, औरौ ऐजौ जाणौ कै ऐजै अनपढ़ औरौ सीधै साधे आदमी औसौ तौ हैरान हुवे; तोबै तिनुऐ जाणै पोऊँ, कै ऐजै यीशु कै साथै रौवै थिए।

प्रेरितो कै काम 7:59

सै स्तिफनुस पांदी पाथर मारदै रौवै औरौ सै ऐजौ बौलेयौ प्रार्थना कौरदा रौआ, “ओए रै प्रभु यीशु, मैरै आत्मा कै कबूल कौरेया।”

प्रेरितो कै काम 8:3

पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

प्रेरितो कै काम 9:22

पौरौ शाऊल हौजौ बै जादा ताकतवर हौंदा लागा औरौ इयौं बातौ का सबूत दैय दैयौ यकीन दिलांदा लागा कै यीशु ही मसीह औसौ, औरौ दमिश्क शहर कै रौणौवाल़ै यहूदी लोगौ का मुँह बोन्‍द कौरदा रौआ।

2 थिस्सलुनीकियों 1:10

ऐजी बातौ तौलौ हौंदी जौल़ौ प्रभु यीशु मसीह तिनु पवित्र लोगौ कै दवारा महिमा पाणौ कारिए पाछु आन्दा जू तैसी पांदी बिशवाश कौरौ। औरौ हैरान हौयौ बिशवाशी लोग प्रभु कै दैखदै। औरौ तैसी दूसै तुऐं तिनु लोगौ मुंजी तैसकै महिमा कौरदै, जिथुकै तुऐं तैसी पांदी बिशवाश कौरे राए थिया।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।