प्रेरितो कै काम 9:20 - सिरमौरी नौवाँ नियम

²⁰ औरौ सै तौलोंई दमिश्क शहर कै यहूदी सभा-घोरो दा यीशु का प्रचार कौरदा लागा कै यीशु ही पौरमेशवर का बैटा औसौ।

Sirmouri

²⁰ तबे: शाऊँल तेख्णी यहूदी चौत्रे दा यीशू का प्रचार करदा लागा, के से ही पंण्मिश्वर का बैटा असो।

प्रेरितो कै काम 9:20 ပူးပေါင်းရင်းမြစ်များ

मत्ती 27:43

तैणै पौरमेशवर पांदी भोरोशा राखा, जै सै ऐसीखै चांव, तौ ऐबै ऐसीखै छुड़ाए दैंव, पौरौ तैणै बौल़ौ, ‘हांव पौरमेशवर का बैटा औसौ।’”

मत्ती 27:54

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

मत्ती 4:3

तोबै शैतानै तैसकै धोरे आयौ बौल़ौ, “जै तू सौथी कै पौरमेशवर का बैटा औसौ तौ इयौं बातौ कै साबित कौरणौ कारिए आदैश दै कै ऐजै पाथर रोटी बौणै जांव ताकि तू इनु खाए सौकै।”

यूहन्ना 1:49

नतनएले तैसीखै जोवाब दिया, “ओए रै गुरुजी, तू पौरमेशवर का बैटा औसौ इस्राएल देश का महाराजा औसौ।”

यूहन्ना 19:7

यहूदी नेताए तैसीकै जोवाब दिया, अमारा बै ऐक कानून औसौ औरौ तिनु कानून कै हिसाब शै मोहर दैणौ कै लायक औसौ जिथुकै ऐजा आपी कै पौरमेशवर का बैटा बौल़ौ।

यूहन्ना 20:28

ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

प्रेरितो कै काम 13:14

औरौ पिरगा शहर शै औगौड़ियौ बोढ़यो गलतिया प्रदेश कै पिसिदिया जिले कै नेड़िक अन्‍ताकिया शहर दै पौऊंचै। औरौ विशांव कै दूसै यहूदी सभा-घोरो दै जायौ बौठ गौवै।

प्रेरितो कै काम 13:33

कै पौरमेशवरे यीशु खै मौत शै जियुंदी कौरेयौ, सैजी कौरार अमारै सन्‍तान कारिए पोरे कौरे; जैशै भजन संहिता दो बै लैख राए, पौरमेशवरे मसीह कै बारै मुंजी बौतौऊ, ‘तू मैरा बैटा औसौ; ऐलो दा उबा हांव तैरा पिता बौणै गौआ।’

प्रेरितो कै काम 13:46

तोबै पौलुस औरौ बरनबासे निडर हौयौ बौल़ौ, “जौरुरी थियु, कै पौरमेशवर का वचन औगौड़ियौ तुऔं शुणाया जांदा; पौरौ जोबै तुऐं तैसी नकारै दिया, औरौ आपी खै सौदा कै जिन्दगी कै लायक ना ठोहरांव, तौ ऐबै, आमु बैगानै यहूदी कै धोरे जांदै।

प्रेरितो कै काम 13:5

औरौ सलमीस दै पौंचेयौ, पौरमेशवर का वचन यहूदी लोगौ कै यहूदी सभा-घोरो दा शुणौऊवा; यहून्ना जैसीखै मरकुस बै बौल़ौ तिनकी मौदद कौरणौ कारिए तिनकै साथै थिया।

प्रेरितो कै काम 14:1

इकुनियुम शहर दो ऐशै हौं कै पौलुस औरौ बरनबास यहूदी लोगौ कै सभा-घोरो दै साथ-साथ हौटै, औरौ ऐशणी बातौ कौरी कै यहूदियों औरौ बैगानै यहूदी लोगौ मुंजीदै बौहितै लोगै बिशवाश कौरा।

प्रेरितो कै काम 16:13

विशांव कै दूसै आमुए नोगरो कै फाटक कै बायरै नोंदी कै किनारे ऐजौ सौमझेयौ कै हौटै कै तिथै यहूदी लोगौ कै प्रार्थना कौरणौ का ठाँव हौला; औरौ बौठेयो तिनु बैटमाणिशौ शै जू कौठी हौए रोए थी, बातौ कौरदै लागै।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

प्रेरितो कै काम 17:17

इथकारिए सै यहूदी सभा-घोरो दा यहूदी लोगौ औरौ बैगानै यहूदी भोक्‍त मुंजीदै औरौ चौको पांदी जू लोग भैटौ थिए, तिनुआरी रौज बैहसबाजी कौरेया कौरौ थिया।

प्रेरितो कै काम 17:2

पौलुस आपणै भोवारो कै हिसाब शै तिनकै धोरे हौटा, औरौ ती विशांव कै दूसै पवित्र शास्त्रो पौरैशै तिनुआरी बैहस कौरे।

प्रेरितो कै काम 18:19

तैणै इफिसुस शहर दै पौंचेयौ प्रिस्किल्ला औरौ अक्विला खै तिथै छोड़े औरौ आपी यहूदी सभा-घोरो दा जायौ यहूदी लोगौआरी बैहस कौरदा लागा।

प्रेरितो कै काम 18:4

औरौ पौलुस हर विशांव कै दूसै यहूदी सभा-घोरो दा बैहस-बाजी कौरेयौ यहूदी औरौ यूनान देश कै लोगौ खै यीशु मसीह पांदी बिशवाश कौरणौ कारिए सौमझांव थिया।

प्रेरितो कै काम 19:8

तोबै पौलुस यहूदी सभा-घोरो दा जायौ ती मीनै तौड़ी निडर हौयौ बौलदा रौआ, औरौ पौरमेशवर कै राज्य कै बारै मुंजी बैहस कौरदा औरौ सौमझांदा रौआ।

प्रेरितो कै काम 8:36

बाटो दै चालदै-चालदै तिनुऐ बाटो कै किनारे ऐक तालाब दैखा, तोबै खोज़े बौल़ौ, “दैख इथै तालाब औसौ ऐबै मुखै बपतिस्मा लोणो दा का रौक औसौ?”

प्रेरितो कै काम 8:37

फिलिप्पुसे बौल़ौ, “जै तू सारै मन लैई बिशवाश कौरे तौ लोए सौकै।” तैणै जोवाब दिया, “हांव बिशवाश कौरु कै यीशु मसीह ही पौरमेशवर का बैटा औसौ।”

प्रेरितो कै काम 9:22

पौरौ शाऊल हौजौ बै जादा ताकतवर हौंदा लागा औरौ इयौं बातौ का सबूत दैय दैयौ यकीन दिलांदा लागा कै यीशु ही मसीह औसौ, औरौ दमिश्क शहर कै रौणौवाल़ै यहूदी लोगौ का मुँह बोन्‍द कौरदा रौआ।

रोमियों 1:4

औरौ पवित्र आत्मा कै अनौखी शौकतै लैई सै मौरेयौंदे मुंजीदा जियुंदी हौणौ की बौजैह शै तियौं शौकतै कै साथै पौरमेशवर का बैटा साबित हौआ औरौ सैजा यीशु मसीह अमारा प्रभु औसौ।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

प्रकाशितवाक्य 2:18

थुआतीरा शहर कै कलीसिया कै स्‍वर्गदूत कै ऐजौ लिख: “पौरमेशवर कै बैटै कै ढौबौशा ऐजा सौंदेश औसौ जैसकी आखी आगी कै लोपटो कै जैशणी चौमकै रोए थी औरौ जैसकै लात पीतलो कै जैशणै चौमकै रौए, जू तैज गरम आगी दै चौमकौ; हांव ताखै ऐजौ बुलू: