प्रेरितो कै काम 9:2 - सिरमौरी नौवाँ नियम

² औरौ तैसीयादी दमिश्क शहर कै यहूदी सभा-घोरो कै नांव पांदी चिट्ठियां मांगी, कै कुणिए बै मर्द या बैटमाणिश जू मसीह कै गुट कै लोग औसौ तिनु बांनैयौ यरूशलेम शहर दै लियांव।

Sirmouri

² तेने दमिश्क के चौत्रें के नाँव दे पत्र माँगे, जिन्दा तेस्खे ऐजा हंक-अधिकार दिया गुवा थिया; के जे कोसी भे बिश्वाषी यरूशलेम दे बाँनियों आँणों, से तिरंई, हों भाँव मंरोद् हों।

प्रेरितो कै काम 9:2 ပူးပေါင်းရင်းမြစ်များ

मत्ती 10:17

पौरौ लोगौ कैईंदै चौकश रौया, जिथु सै तुऔं खै महासभाओ दै निलै औरौ तुऔं यहूदी सभा-घोरो दै कौड़ै लान्दै।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

प्रेरितो कै काम 18:25

तैणै प्रभु कै बाटो कै शिक्षा पाए राए थी, औरौ मन लायौ यीशु कै बारै मुंजी ठीक-ठीक शुणांव औरौ शिखांव थिया, पौरौ सै खाली यूहन्ना कै बपतिस्मा कै बात जाणौ थिया।

प्रेरितो कै काम 19:23

तोलो कै सौमय मसीह कै गुट कै बारै मुंजी बौड़ा रोल़ा हौआ।

प्रेरितो कै काम 19:9

पौरौ जोबै किछै लोगै कठोर हौयौ तैसकी बातौ का बिशवाश नी कौरी पौरौ लोगौ कै सामणै ऐसी मसीह गुट कै बुरु बौलदै लागै, तोबै तैणै तिनुखै छोड़े दियै औरौ चैलै कै जौई कौरे दियै, औरौ रौज तुरत्रुस इसकूलौ दै शिक्षा दैया कौरौ थिया।

प्रेरितो कै काम 24:14

पौरौ हांव तैरै सामणै मानै पोऊँ, कै हांव मसीह कै बाटो का चैला हौयौ आपणै पुराणिया कै पौरमेशवर कै सेवा कौरु, जैसी बाटो कै यहूदी अगुवे झूठी बौल़ौ, औरौ जू बातौ मूसा कै कानून औरौ पौरमेशवर कै बातौ बौताणौवाल़ै कै किताबो दी लैखै रैई, तिनु सौबी पांदी बिशवाश कौरु।

प्रेरितो कै काम 24:22

राज्यपाल फेलिक्स जू ऐसी दल कि बातौ कै ठीक-ठीक जाणौ थिया, तिनु ऐजौ बौलेयौ मुकदमे की सुनवाई टाल़ै दी, “कि जोबै पलटन का ठोगड़ा लुसियास आला, तौ सै तुंआरी मुकदमे का फोयसला कौरदा।”

प्रेरितो कै काम 26:10

औरौ मोऐं यरूशलेम शहर दो ऐशैखैई कौरौ; औरौ मुख्य यहूदी पुरोहितो शै औधिकार पायौ खै भौरिशै पवित्र लोगौ खै कोयदखाने दै पाए, औरौ जोबै तिनु मारो थिए, तौ हांव बै तिनकै खिलाफ दै आपणी रजामंदी दियु थिया।

प्रेरितो कै काम 26:12

“इयौंई धुन दा जोबै हांव मुख्य यहूदी पुरोहित शै औधिकार औरौ आज्ञा पत्र लोयो खै दमिश्क शहर खै चालै रौआ थिया;

प्रेरितो कै काम 6:9

पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

प्रेरितो कै काम 7:19

तैणै अमारै जाति शै चालाकी कौरेयौ अमारै बुड़ेईको कै साथै बुरा बर्ताव कौरा, इथै तौड़ी कै माँ-बापू कै आपणै ठिकड़ै नानड़िया कै फेरकाणै पौड़ै कै सै मौरे जांव।

प्रेरितो कै काम 9:14

औरौ इथै बै ऐसीकै मुख्य यहूदी पुरोहितो कै ढौबौशा औधिकार भैटी रौआ कै जू लोग तांव पांदी बिशवाश कौरौ, तिनु सौबी खै बांनैयौ यरूशलेम शहर दै लोए जांव।”

प्रेरितो कै काम 9:21

औरौ सौबै शुणणौवाल़ै लोग हैरान हौयौ बौलदै लागै, “का ऐजा सैजाई आदमी ना आथी, जू यरूशलेम शहर दै तिनु जू यीशु मसीह कै बिशवाशी थिए तिनुखै नाश कौरौ थिया औरौ इथै बै इथकारिए आए रौआ थिया, कै तिनु बांनैयौ मुख्य यहूदी पुरोहितो कै धोरे लोय जांव?”

2 कुरिन्थियों 11:32

दमिश्क शहर दा अरितास राजा का राज्यपाल थिया, तैणै मुखै पाकौड़णौ खै दमिशकियौ कै नोगरो दा पैहरा बौठाल़े राखा थिया।

गलातियौं 1:17

औरौ जू मुं दै आगै चोणेयौंदे चैलै थिए, तिनुआरी भैटिणौ कारिए हांव यरूशलेम शहर खै तिनकै धोरे ना हुटी। पौरौ हांव तावल़ा अरब देश कै हौटा औरौ तिथैदा औटेयौ दमिश्क शहर खै पाछु औऊवा।