प्रेरितो कै काम 9:19 - सिरमौरी नौवाँ नियम

¹⁹ तोबै तैणै खाणौ खायौ ताकत पाए औरौ सै कैई दूसौ तौड़ी तिनु चैलो कै साथी रौआ जू दमिश्क शहर दै थिए।

Sirmouri

¹⁹ तबे तेने भोजन करा, अरह् तबे तेस्दी तेख्णीं हिमम्त्त आऐ; तबे से कंई देसो तोड़ी तिनू चैले आरी रूवा, जुण्दे दमिश्क नंगर दे रंह् थिऐ।

प्रेरितो कै काम 9:19 ပူးပေါင်းရင်းမြစ်များ

प्रेरितो कै काम 11:26

औरौ जोबै तिनुआरी भैटिया तौ तैसी अन्‍ताकिया शहर दा लोऊवा, औरौ ऐशैखै हौं कै शाऊल औरौ बरनबास ऐकी सालो तौड़ी कलीसिया कै साथी भैटिंदा औरौ बौहितै लोगौ खै प्रभु यीशु कै बारै मुंजी बौतांदा रौआ, औरौ चैलै सौबी दै आगै अन्‍ताकिया शहर दै ही मसीह जाणै गौवै।

प्रेरितो कै काम 11:29

तोबै चैलै फोयसला कौरा कै हरेक आपणी-आपणी हैसीयत कै हिसाब शै यहूदिया प्रदेश दै रौणौवाल़ै बिशवाशी भाईयों कारिए मौदद भैजौ।

प्रेरितो कै काम 26:20

पौरौ आगै दमिश्क शहर कै, तोबै यरूशलेम शहर कै रौणौवाल़ै कै, औरौ पूरै यहूदिया प्रदेश दै औरौ बैगानै यहूदियों खै मोऐं प्रचार कौरा, कै पाप कौरणा छोड़े दैंव औरौ पौरमेशवर कै ढौबौ फिरैयौ आपी खै साबित कौरौ कै तुऐं आपणै पापौ कै छोड़ेयौ पौरमेशवर कै ढौबौ फैरै गौवै।

प्रेरितो कै काम 9:18

औरौ तौलोंई तैसकी आखी पौरैशै छिलके जैशणै छुटै औरौ सै दैखदा लागा औरौ बिज़यो बपतिस्मा लौआ;

प्रेरितो कै काम 9:26

शाऊल यरूशलेम शहर दा पोंचैयो चैलै कै साथी भैटिणौ कै कौचिश कौरे पौरौ सौबै तैसदै डौरौ थिए, जिथुकै तिनुखै बिशवाश नी हौंव थिया, कै सै बै चैला औसौ।

प्रेरितो कै काम 9:38

लुदा नगर याफा नगर कै नेड़िक थिया, चैलै ऐजौ शोणेयो कै पतरस तिथै औसौ, दो आदमी भैजैयो तैसी कैईंदै बिन्तै कौरे कै, “अमारै धोरे आणौ दै देर नी कौर।”

गलातियौं 1:17

औरौ जू मुं दै आगै चोणेयौंदे चैलै थिए, तिनुआरी भैटिणौ कारिए हांव यरूशलेम शहर खै तिनकै धोरे ना हुटी। पौरौ हांव तावल़ा अरब देश कै हौटा औरौ तिथैदा औटेयौ दमिश्क शहर खै पाछु औऊवा।