प्रेरितो कै काम 9:16 - सिरमौरी नौवाँ नियम

¹⁶ औरौ हांव तैसीखै बौतांदा, कै लोगौ खै मैरै बारै मुंजी प्रचार कौरणौ कै बौजैह शै तैसी कैशणा-कैशणा दुख झैल़णा पौड़दा।”

Sirmouri

¹⁶ हाँव आपु तेस्खे बुलूबा, के तेसी मेरे नाँव के कारण केत्रा कष्ट भोगणाँ हंदा।”

प्रेरितो कै काम 9:16 ပူးပေါင်းရင်းမြစ်များ

मत्ती 24:9

तोबै सैजै लोग जू तोंवारै खिलाफ औसौ कौल़ेश दैणौ खै तुऔं खै थोमाले औरौ तुऔं खै मारै दैंदै जिथुकै तुऐं मैरै चैलै औसौ इथकारिए सौबै देशो कै लोग तुऔंआरी बैर कौरलै।

मत्ती 5:11

“धन्‍य औसौ तुऐं, जोबै लोग तुऔं मैरै चैलै हौणौ की बौजैह शै तोंवारै नेंदैया कौरौ, औरौ सतालै औरौ झूठु बौल बौलेयौ तोंवारै खिलाफ सौबी भान्त की झूठी बातौ बौल़ौ।

यूहन्ना 15:20

याद राखौ कै मोऐं तुऔं का राव थियु बौल़ै, ‘नोकर आपणै मालिक दा बौड़ा ना आथी,’ जै तिनुऐ मुखै सोताए राए, तौ सै तुऔं खै बै सतांदै, जै सै मैरी शिक्षा कै मानदै, तौ तोंवारै बै मानलै।

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

प्रेरितो कै काम 21:11

तैणै अमारै धोरे आयौ पौलुस का सापा कौरा, औरौ आपणै हाथ लात बांनैयौ खै बौल़ौ, “पवित्र आत्मा ऐजौ बौल़ौ, कै जैसी आदमी का ऐजा सापा औसौ, तैसीखै यरूशलेम शहर दै यहूदी लोग ऐशैखैई बांनदै, औरौ बैगानै यहूदी कै हाथौ दा दैय दैंदै।”

प्रेरितो कै काम 21:13

पौरौ पौलुसे जोवाब दिया, “तुऐं ऐजौ का कौरौ, कै रुए-रुयो मैरा मन तौड़ौ? हांव तौ प्रभु यीशु कै नांव कारिए यरूशलेम शहर दा सिरफ बानणो कारिए ही नी पौरौ मोरणो कारिए बै तैयार औसौ।”

प्रेरितो कै काम 21:4

औरौ चैलै खै भैटियो आमै तिथै साती दूसौ तौड़ी रौवै, तिनुऐ पवित्र आत्मा कै शिखाए पौलुस शै यरूशलेम शहर कै ना जाणौ कै बिन्ती कौरी।

प्रेरितो कै काम 9:14

औरौ इथै बै ऐसीकै मुख्य यहूदी पुरोहितो कै ढौबौशा औधिकार भैटी रौआ कै जू लोग तांव पांदी बिशवाश कौरौ, तिनु सौबी खै बांनैयौ यरूशलेम शहर दै लोए जांव।”

प्रेरितो कै काम 9:6

पौरौ ऐबै बिज़यो नगर दा जा, औरौ जू ताखै कौरणौ औसौ, सै ताखै बौताए जालो।”

2 कुरिन्थियों 6:4

पौरौ हर बात मुंजी आमै ऐजौ साबित कौरु कै आमै पौरमेशवर कै साची सेवक औसौ। आमु आपणै आछै गुण खै दिखायौ, दुखो, कौल़ेशौ, गरीबी औरौ पौरैशानी खै बौड़ै हिम्मत कै साथै सैहन कौरु।

1 थिस्सलुनीकियों 3:3

कै कुणिए इनु कौल़ेशौ कै बौजैह शै डगमगाऐ ना जांव; जिथुकै तुऐं आपी ही जाणौ थिए कै आमु कोष्ट सैहन कौरणै पौड़दै।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।

1 पतरस 4:14

पौरौ जै मसीह कै नांव कारिए तोंवारै नेंदैया हौंव, तौ तुऐं धन्‍य औसौ; जिथुकै पौरमेशवर कै महिमा कै आत्मा तोंवारै भीतरै रौंव।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।