प्रेरितो कै काम 9:14 - सिरमौरी नौवाँ नियम

¹⁴ औरौ इथै बै ऐसीकै मुख्य यहूदी पुरोहितो कै ढौबौशा औधिकार भैटी रौआ कै जू लोग तांव पांदी बिशवाश कौरौ, तिनु सौबी खै बांनैयौ यरूशलेम शहर दै लोए जांव।”

Sirmouri

¹⁴ ऐसी आदमी खे मुँख्या-याजकों कैई शा भे ऐजा हंक-अधिकार भेटी रूवा; के ऐ ईथै तिनू सोभी बाँनी सको, जुण्जे तुवाँरे नाँव के दुवाई देऐया करह्।”

प्रेरितो कै काम 9:14 ပူးပေါင်းရင်းမြစ်များ

यूहन्ना 15:21

पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

प्रेरितो कै काम 22:16

ऐबै देर काए कौरे? बिज़, औरौ आपणै पापौ कै माफी पाणौ कारिए तैसका नांव लोयो खै बपतिस्मा लो।”

प्रेरितो कै काम 7:59

सै स्तिफनुस पांदी पाथर मारदै रौवै औरौ सै ऐजौ बौलेयौ प्रार्थना कौरदा रौआ, “ओए रै प्रभु यीशु, मैरै आत्मा कै कबूल कौरेया।”

प्रेरितो कै काम 9:21

औरौ सौबै शुणणौवाल़ै लोग हैरान हौयौ बौलदै लागै, “का ऐजा सैजाई आदमी ना आथी, जू यरूशलेम शहर दै तिनु जू यीशु मसीह कै बिशवाशी थिए तिनुखै नाश कौरौ थिया औरौ इथै बै इथकारिए आए रौआ थिया, कै तिनु बांनैयौ मुख्य यहूदी पुरोहितो कै धोरे लोय जांव?”

1 कुरिन्थियों 1:2

मोऐं ऐजै चिट्ठी कुरिन्‍थुस शहर दै प्रभु कै कलीसिया कै लैखै लौए, जिनुखै पौरमेशवर आपणै लोगौ कै रुपो दै यीशु मसीह कै साथै एकजुट कौरे राए, तैणै तुऔं आपणै पवित्र लोग हौणौ कारिए बौएदै राए; जैशै तैणै तिनु सौबी लोगौ कै चोणे राए जू अमारै प्रभु यीशु मसीह कै सेवा कौरौ जिथुकै सै आमु सौबिका प्रभु औसौ।

2 तीमुथियुस 2:22

इथकारिए, तिनु पापी लालसाओं शै बौचेयौंदे रौया जू जवान लोगौ कै आकर्षित कौरौ। औरौ जू शुध्द मन शै प्रभु का नांव ध्यान कौरौ, तिनकै साथै धार्मिकता, औरौ बिशवाश औरौ मैल मिलाप राखणौ कै कौचिश कौर।