प्रेरितो कै काम 9:1 - सिरमौरी नौवाँ नियम

¹ एसी बीच मुंजी शाऊल प्रभु यीशु कै चैलै खै धमकाणौ औरौ मारणौ कै धमकी दैंव थिया औरौ सै महायहूदी पुरोहित कै धोरे हौटा।

Sirmouri

¹ शाऊल तबे भे प्रभू के चैले धंम्काँणें, अरह् माँरी देंणों की धुनं-लंगन दा हों थिया; तबे तेने महाँ-याजक कैई ज़ाऐयों,

प्रेरितो कै काम 9:1 ပူးပေါင်းရင်းမြစ်များ

प्रेरितो कै काम 7:58

औरौ स्तिफनुस खै पाकड़ा औरौ लौशेयो यरूशलेम शहर शै बायरै निकाल़ैयो पथराव कौरेयौ मारै दिया, तैसी पांदी आरोप लाणोवाल़ै लोगै आपणै बायरौ कै लुस्कै खौलेयौ शाऊल नांव कै ऐकी जवानो कै लातो कै धोरे राखै दिए।

प्रेरितो कै काम 8:3

पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

1 कुरिन्थियों 15:9

जिथुकै हांव चोणेयौंदे चैलो मुंजीदा सौबिदा कम खास औसौ, सौथी कै चोणेयौंदा चैला बोल़णो कै लायक बै ना आथी, जिथुकै मोऐं पौरमेशवर कै कलीसिया दै बिशवाशियौं खै सोताए राए थिए।

गलातियौं 1:13

भाईयों, तुऐं जाणौए कै जोबै मोऐं यहूदी धरम का पालन कौरे लौआ थिया, तौ कैशै जियुं थिया। मैरै बौहितै सारै साथी जू मैरै ही उमर कै थिए, सैजै बै यहूदी धरम का पालन कौरौ थिए, पौरौ हांव तिनु सौबिदा बैजाए औगौड़ियौ थिया, जिथुकै हांव आपणै पुराणिया कै भोवार का पूरै दिल शै पालन कौरु थिया। तैसी सौमय हांव यीशु कै लोगौ कै जू पौरमेशवर कै आराधना कौरौ थिए, सोतोऊं थिया, मोऐं तिनु सौबी खै नाश कौरणौ कै कौचिश कौरे।

फिलिप्पियों 3:6

जोश कै बारै मुंजी जै बुलू तौ हांव कलीसिया कै सोताणो वाल़ा थिया; औरौ यहूदी कानून का पालन कौरणौ मुंजी हांव ऐक धरमी आदमी थिया जिथुकै मोऐं तिनु सौबी बातौ का पालन कौरा।

1 तीमुथियुस 1:13

हांव तौ बिशवाशी बाणणौ दा आगै मसीह कै बारै मुं‍जी बुरी बातौ कौरणौवाल़ा, औरौ बिशवाशी कै सौताणौवाल़ा, औरौ तिनुकै नुकसान पोऊंचाणौ वाल़ा थिया, जिथुकै हांव इबी तौड़ी मसीह पांदी बिशवाश ना कौरु थिया औरौ इयौं बौजैह शै हांव सौमझै ना सौकी कै जू मोऐं कौरे लो थियु सै गौलत थियु। इथकारिए पौरमेशवरे मुं पांदी दया कौरे, जिथुकै हांव ना सौमझी कै मोऐं का कौरे लो थियु औरौ मुखै इबी तौड़ी मसीह पांदी बिश‍वाश ना थी।