प्रेरितो कै काम 8:9 - सिरमौरी नौवाँ नियम

⁹ तैसी शहर दा शमौन नांव का ऐक आदमी थिया, जू जादू टोना कौरेयौ सामरिया प्रदेश कै लोगौ कै हैरान कौरो थिया औरौ आपी कै ऐक बौड़ा आदमी बौतांव थिया।

Sirmouri

⁹ शमौन नाँव का ऐक आदमी तेसी नंगर दा थिया, से कोद्दी शुभे जादू-टूणें के खैल देखाँऐयों; सामरी लोग हराँन करह् थिया, अरह् आपु खे से बड़ा बंण्णों का दावा करह् थिया।

प्रेरितो कै काम 8:9 ပူးပေါင်းရင်းမြစ်များ

यूहन्ना 7:18

जू आपणै ढौबौ शो किछै बौल़ौ, सै आपणै तारीफ चांव, पौरौ जू आपणै भैजणौवाल़ै खै तारीफ चांव सैजाई भोरोशे कै लायक औसौ। औरौ तैसदी कुणजी बैईमानी ना आथी।

प्रेरितो कै काम 13:6

इथकै बाद तिनुऐ पूरै टापू दै ऐकी नगर शै ओकी नगर कै यात्रा कौरे औरौ आखरी दै सै पाफुस शहर पौऊंचै। तिथै तिनु बार-यीशु नांव का ऐक जादूगर भैटा, जू यहूदी औरौ झूठा पौरमेशवर कै बातौ बौताणौवाल़ा थिया।

प्रेरितो कै काम 13:8

(बार-यीशु कै नांव का मतलब एलीमास औसौ) पौरौ एलीमास जादूगरे, तिनका सामणा कौरेयौ राज्यपाल खै यीशु पांदी बिशवाश कौरणौ शै रोकणा चोऊवा।

प्रेरितो कै काम 5:36

जिथुखै इनु दूसौ दै औगौड़ियौ थियूदास ऐजा दावा कौरौ थिया कै हांव बै किछै औसौ औरौ कुणिए चार शौ लोग तैसकै चैलै बौणै गौवै। पौरौ सै मौरे गौआ, औरौ जैतरै लोग तैसी मानौ थिए, सौबै लोग बैखरै गौवै औरौ तिनका नामोनिशान बै ना रोई।

प्रेरितो कै काम 8:11

तैणै बौहितै दूसौ शै तिनु आपणै जादू कै कामौ लैई हैरान कौरे राए थिए, इथकारिए सै तैसीखै बैजाए मानौ थिए।

2 थिस्सलुनीकियों 2:4

सै पौरमेशवर औरौ ओकी सौबै चीज़ौ कै जिनकै लोग पूजा कौरौ औरौ पौरमेशवर कै रुप दै सुंचौए, विरोध कौरदा औरौ सै दावा कौरदा कै सै तिनु सौबी शै जादा बौड़ा औसौ इथै तौड़ी कै सै पौरमेशवर कै मन्दिर दा बोठेयो आपी खै सौबिका पौरमेशवर बौतांदा।

2 तीमुथियुस 3:2

जिथुकै लोग सिरफ आपी आरी प्यार कौरदै ओकी लोगौआरी नी, धन कै लोभी, डींगमार, घमण्डी, ओकी लोगौ की बैज्जती कौरणौवाल़ै, माँ बापू कै आज्ञा ना मानणोवाल़ै, ओकी लोगौ का सान ना मानणोवाल़ै, अपवित्र,

2 तीमुथियुस 3:5

सै पौरमेशवर का आदर कौरणौ कै दिखावा कौरदै, पौरौ सै पौरमेशवर कै अनौखी शौकतै कै बुरै जीवनो शै बौदल़णौ शै इन्कार कौरदै; ऐशणै लोगौआरी सौमबंध नी राख।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

प्रकाशितवाक्य 22:15

पौरौ जिनकै काम शर्मनाक औसौ, औरौ आपणै साथियो कै प्रति जादू-टोना कौरौ, औरौ गौलत सौमबंध राखौ, हथयारै औरौ मूर्ती कै पूजा कौरौ, औरौ सैजै जू झूठु बौल़ौ, सै कौलोंई बै शहर दै ना जाए सौकदै।