प्रेरितो कै काम 8:40 - सिरमौरी नौवाँ नियम

⁴⁰ पौरौ फिलिप्पुसे आपी खै अश्दोद शहर दा पोऊवा औरौ जांव तौड़ी कैसरिया शहर दा ना पोऊंची, तांव तौड़ी तैणै हर गांव दै सुसमाचार का प्रचार कौरदै बैई ऐक जौगैह शै ओकी जौगैह आपणी यात्रा जारी राखै।

Sirmouri

⁴⁰ फ़िलिप्पुस के भे सुईणों जियों लागो, अरह् जबे तेने आप्णीं आखी खुली; तअ तेने का देखो के हाँव अश्दोद नंगर दा असो, अरह् से कैसरिया पंह्ऊँच़्णों तोड़ी बादे नंगर दे खुषख्बरी का प्रचार करदा लागा।

प्रेरितो कै काम 8:40 ပူးပေါင်းရင်းမြစ်များ

प्रेरितो कै काम 10:1

कैसरिया नगर दा कुरनेलियुस नांव का ऐक आदमी थिया, जू इतालियानी नांव सैनिक गुट का सूबेदार थिया।

प्रेरितो कै काम 10:24

तिजै दूसै सै कैसरिया नगर पौऊंचै, औरौ कुरनेलियुसे आपणै कुड़बे औरौ प्यारे दोस्तो कै कौठै कौरेयौ तिनका इंतजार कौरे लौआ थिया।

प्रेरितो कै काम 11:11

तोबै तौलोंई तीन आदमी जिनु कुरनेलियुसे कैसरिया नगर शै भैजै राए थिए, तैसी घोरे दै आयौ खौड़ै हुवे जिथै आमै थिए।

प्रेरितो कै काम 12:19

जोबै राजा हेरोदेसे तैसी जोणो का आदैश दिया औरौ ना भैटी, तौ रोखवाल़ै कैईंदा सवाल जवाब कौरा औरौ जोबै सै तैसी जवाब ना दैय सौकी तौ आज्ञा दै कै सै मार दियै जांव, औरौ सै यहूदिया प्रदेश कै छोड़ेयौ कैसरिया नगर दा जायौ दैणिक दूसौ कारिए रौंदा लागा।

प्रेरितो कै काम 18:22

औरौ कैसरिया शहर दा ओतरेयो यरूशलेम शहर खै हौटा औरौ तिथै कलीसिया कै लोगौआरी भैटियो अन्‍ताकिया शहर दा ओऊवा।

प्रेरितो कै काम 21:16

कैसरिया नोगर पौरैशै बै किछैक चैलै अमारै साथी चालै, औरौ आमु मनासोन नांव कै ऐकी आदमीए आपणै घोरे नियै, जू साइप्रस टापू का रौणौवाल़ा थिया, सै सौब दै आगलै चैलो मुंजीदा ऐक थिया, औरौ आमै तैसी कागे टिके।

प्रेरितो कै काम 21:8

दूजै दूसै आमु तिथैदै हांडेयो कैसरिया शहर दै आए, औरौ फिलिप्पुसे सुसमाचार प्रचारक कै घोरे जायौ तैसकै धोरे रौआ, सै तिनु साती मर्दो मुंजीदा ऐक थिया, जैसीखै यरूशलेम शहर दै चोणेयौंदे चैलै विधवाओं कै दैखभाल कारिए चोणे राए थिया।

प्रेरितो कै काम 23:23

सैनिक गुट कै ठोगड़े तोबै दु सूबेदारो खै बौएदैयौ खै बौल़ौ, दो सौ सैनिक, सतर शवार, औरौ दो सौ भाले खै कैसरिया शहर जाणौ कारिए तैयार कोरयो राखौ, तू राती कै नौ बोजे निकल़ेया।”

प्रेरितो कै काम 23:33

तिनुऐ कैसरिया नोगर पोंचैयो राज्यपाल खै चिट्टी दै; औरौ पौलुसो खै बै तैसकै सामणै खौड़ा कौरा।

प्रेरितो कै काम 25:1

ती दूसौ कै बाद फेस्तुस राज्यपाल बोणेयो यहूदिया प्रदेश दा ओऊवा, तोबै सै कैसरिया शहर शै यरूशलेम शहर खै हौटा।

प्रेरितो कै काम 25:13

किछै दूस बीतणौ कै बाद अग्रिप्पा राजा औरौ तैसकै नानड़ै बोइण बिरनीके कैसरिया शहर दै आयौ खै राज्यपाल फेस्तुस आरी भैटी।

प्रेरितो कै काम 25:4

फेस्तुस राज्यपाले जोवाब दिया, “पौलुस कैसरिया शहर दा कोयदी औसौ, औरौ हांव आपी तावल़ा तिथै जांदा।”

प्रेरितो कै काम 25:6

फेस्तुस यरूशलेम शहर दा रोए गौआ। सै आठ-दस दूस रौयौ कैसरिया शहर खै हौटा: औरौ दूजै दूसै न्याय आसन पांदी बौठेयो पौलुस खै लाणौ कै आज्ञा दै।

प्रेरितो कै काम 8:25

इथकै बाद पतरस औरौ यूहन्नाए गवाहै दै औरौ प्रभु यीशु का वचन शुणौऊवा, औरौ यरूशलेम शहर कै पाछु जांदै बैई तिनुऐ सामरी प्रदेश कै कैई गांवो दा सुसमाचार का प्रचार कौरा।

प्रेरितो कै काम 9:30

तोबै बाकी चैलै खै इयौं बातौ कै बारै मुंजी पोता चाला तौ तिनिए शाऊल खै कैसरिया शहर दा निया, औरौ तिथै तैसी कारिए जहाज शै तरसुस शहर खै जाणौ का जूगाड़ कौरा, जू तैसका आपणा शहर थिया।

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।