प्रेरितो कै काम 8:4 - सिरमौरी नौवाँ नियम

⁴ पौरौ जू बिशवाशी बैखरै रौवै थिए सै सुसमाचार शुणादै रौवै।

Sirmouri

⁴ जुण्जे बिश्वाषी लोग यरूशलेम शे खिदर-बिदर हऐ रूऐ थिऐ, से रिटी-फीरियों जागे-जागे दी पंण्मिश्वर की खुषख्बरी का प्रचार करह् थिऐ;

प्रेरितो कै काम 8:4 ပူးပေါင်းရင်းမြစ်များ

मत्ती 10:23

जौल़ौ सै तुऔं खै ऐकी नगर दै सतालै, तौ ओकी नोगरो दै दौड़ै जाया। हांव तुऔं कै साचौ बुलू, की तुऐं इस्राएल देश कै सौबी नोगरो दै इबी तौड़ी हौटै बै ना रोली तोबै हांव आदमी का बैटा तुऔं दा आगै आए जांदा।”

लूका 1:2

तिनुऐ सैजौ लिखु जू आमुखै तिनु लोगै बौताए राए थियु, जिनुवै यीशु कै सेवा कै शुरुआत शै दैख राए थिया औरौ जू बाद मै पौरमेशवर कै वचन कै सेवक बौणै गौवै।

प्रेरितो कै काम 11:19

स्तिफनुस कै मारै जाणौ कै बाद, कैई बिशवाशी लोगै यरूशलेम शहर कै छोड़ दिया औरौ बैखरै गौवै, सै घुमदै-घुमदै फीनीके प्रदेश औरौ साइप्रस टापू औरौ सीरिया प्रदेश कै अन्‍ताकिया शहर दै पौऊंचै, पौरौ यहूदी लोगौ कै सिवाए कोसी ओकी खै यीशु कै बारै मुंजी सौंदेश ना शुणाए राए थी।

प्रेरितो कै काम 15:35

औरौ पौलुस औरौ बरनबास अन्‍ताकिया शहर दै रौए गौवै औरौ औकै भौरिशै लोगौ कै साथै प्रभु यीशु कै वचन का उपदैश कौरदै औरौ सुसमाचार शुणादै रौवै।

प्रेरितो कै काम 8:1

शाऊल तैसकी मौत कै साथै पूरी तरह शै शामिल थिया। तैसी दूसै यरूशलेम शहर कै कलीसिया पांदी बौड़ा अत्याचार हौंदा लागा औरौ चोणेयौंदे चैलै कै छोड़ेयौ सौबै कै सौबै यहूदिया प्रदेश औरौ सामरिया प्रदेशो दै बैखरै गौवै।

प्रेरितो कै काम 8:12

पौरौ जोबै लोगै फिलिप्‍पुस शै पौरमेशवर कै राज्‍य औरौ यीशु मसीह कै नांव का सुसमाचार शुणा तौ यीशु पांदी बिशवाश कौरा, औरौ बौहिती बैटमाणिशौ औरौ मर्दे बपतिस्मा लौआ।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।