प्रेरितो कै काम 7:60 - सिरमौरी नौवाँ नियम

⁶⁰ हौजौ घुंडू नियुड़ायो जोर सै बौल़ौ, “ओए रै प्रभु, ऐसी पाप कारिए इनु माफ कौर।” ऐजौ बौलेयौ सै मौरे गौआ।

Sirmouri

⁶⁰ तबे: से घुडकुँणिऐं बंईठा, अरह् तेने जुराल़ी लेरंह् मारियों बुलो, “हे प्रभू! ऐजा पाप ईन्दा ने लाऐ!” अरह् ऐजो बुलियों तेने प्राण छुड़ी दित्ते; अरह् सेजा शाऊल भे तेस्के माँर्णो दा संह्ऐम्त्त थिया।

प्रेरितो कै काम 7:60 ပူးပေါင်းရင်းမြစ်များ

मत्ती 27:52

औरौ कब्रो खोले गोई, औरौ मौरेयौंदे पवित्र लोगौ की बौहिती लाशो जियुंदी होई।

मत्ती 5:44

पौरौ हांव तुऔं खै ऐजौ बुलू कै आपणै बौयरीआरी प्यार कौरौ औरौ आपणै सतानेवाल़ै कारिए प्रार्थना कौरौ।

लूका 22:41

औरौ सै आपी तिनुदा जौई हौयौ शौ फूट दूर हौटै गौआ, औरौ घुंडू नियुड़ाऐबा प्रार्थना कौरदा लागा।

लूका 23:34

तोबै यीशुए बौल़ौ, “ओए रै बापू इनु माफ कौर ऐजै ना जाणौ कै ऐजौ का कौरे लो?” औरौ तिनुऐ चिट्ठी पायौ, तैसकै खोटणो आपी मुंजी बान्डै दिए।

लूका 6:28

जू तुऔं शराप दैलै; तिनु आशीष दैया, जू तोंवारै बैज्जती कौरौ, तिनु कारिए प्रार्थना कौरौ।

यूहन्ना 11:11

तैणै ऐजी बातौ बुली, औरौ तिथकै बाद तिनुखै बौलदा लागा, “अमारा दोस्त लाजर सोतै गौआ, पौरौ हांव तैसी बिजाल़दा जांदा लागै रौआ।”

प्रेरितो कै काम 13:36

जिथुकै राजा दाऊद तौ पौरमेशवर कै इछा कै हिसाब शै आपणै सौमय दै सेवा कौरेयौ मौरे गौआ, औरौ आपणै पुराणिया आरी मिलै गौआ, औरौ शोड़े बै गौआ। इथलैई आमै जाणै पोऊँ कै दाऊद राजाए आपणै बारै मुंजी ना बौल़ै रैई थी।

प्रेरितो कै काम 20:36

ऐजौ बौलेयौ तैणै घुंडू नियुड़ायो औरौ तिनु सौबी कै साथी प्रार्थना कौरे।

प्रेरितो कै काम 21:5

साती दूसौ कै बाद जोबै तिथैदै अमारै जाणौ का सौमय ओऊवा, तौ आमुए तिथैदै चालै पौड़ै, औरौ सौबी बैटमाणिशौ औरौ नानड़िया समैंत तिनिए आमु नगर कै बायरै तौड़ी पोऊंचाए औरौ आमुए किनारे पांदी घुंडू नियुड़ाएयो प्रार्थना कौरे।

प्रेरितो कै काम 9:40

तोबै पतरसे सौबी खै बायरै कौरे दियै, औरौ घुंडू नियुड़ायो प्रार्थना कौरे; औरौ लाश कै ढौबौ दैखैयो बौल़ौ, “ओए रै तबीता, ऊबै बिज़।” तोबै तियैं आपणी आखी खोले दी; औरौ पतरस खै दैखैयो ऊबै बिजै।

1 कुरिन्थियों 11:30

ऐजै बौजैह औसौ कै तुऔं मुंजीदै कैतरै बीमार औसौ; तुऔं मुंजी कैई लोगौ कै शोरीर कमजोर बै औसौ, औरौ कैई लोग मौरे बै गौवै, जिथुकै ऐजै पौरमेशवर कै सौजा औसौ।

1 कुरिन्थियों 15:18

जै मसीह मौरेयौंदे मुंजीदा ऊबा ना बिज़ रैई, तौ जू बिशवाशी मौरे गौवै, तिनु बौचाए ना रैई, बल्कि सै नाश हौए गौवै, औरौ सै सौदा कारिए पौरमेशवर शै जौई हौए गौवै।

1 कुरिन्थियों 15:20

पौरौ सौचाई ऐजी औसौ कै पौरमेशवरे सौथीखै मसीह खै मौरेयौंदे मुंजीदा जियुंदी कौरा, इयौं आशा लैई सै तिनु लोगौ कै बै जियुंदी कौरदा जू मौरे गौवै।

1 कुरिन्थियों 15:51

शुणौ! हांव तुऔं पांदी ऐक भैद प्रकट कौरु: आमै सौबै सोतै ना जांदै पौरौ आमु सौबी का रुप बौदलै जांदा।

1 कुरिन्थियों 15:6

तोबै पाँच सौ शै जादा चैलै खै ऐक साथै दैखिया, जिनु मुंजीदै बौहितै सारै इबी तौड़ी जियुंदी औसौ, पौरौ किछै मौरे गौवै।

1 थिस्सलुनीकियों 5:10

यीशु मसीह आमु कारिए मौरा, कै आमु चाहै जियुं या मौरे जोऊं, जोबै प्रभु यीशु पाछु आला तोबै आमै सौदा तैसकै साथै रौए सौकु।

2 तीमुथियुस 4:16

आगली बैई जोबै हांव रोम शहर कै अदालत दा आपणी बेगुनाई साबित कौरणौ कै हौटा, तोबै मैरै तरफ शै बौलणौ वाल़ा कुणिए बै ना थी, औरौ सौबीए मैरा साथ छोड़े दिया। हांव प्रार्थना कौरु कै पौरमेशवर इयौं बातौ कारिए तिनु माफ कौरौ।

2 पतरस 3:4

औरौ सै बौलदै, “तैसका आणौ का वादा साचा ना आथी! सै कौलोंई ना आन्‍दा, जिथुकै जू शुरुआत दै अमारै अगुवे थिए, सै सौबै जोणे मौरे गौवै, पौरौ तोबै बै किछै ना बौदल़ी। चीज़ौ तैशैखैई हौन्दी लागी रौई जैशै सै तौलौ हौंव थी जौल़ौ पौरमेशवरे दुनिया कै बाणै थै।”