प्रेरितो कै काम 7:38 - सिरमौरी नौवाँ नियम

³⁸ ऐजाई मूसा ऐक पौरमेशवर कै बातौ बौताणौवाल़ै कै रुप दा अमारै पुराणियो कै साथै थिया, जोबै सै रेगिस्थान दै कौठै थिए। पौरमेशवरे आपणै स्‍वर्गदूत कै भैजा जैणै सीनै पाहाड़ पांदी मूसा शै बातौ कौरी औरौ मूसा कै अमारै कानून दिए औरौ मूसाए तिनु कानून कै आमु तौड़ी पोऊंचाए।

Sirmouri

³⁸ से सेजा ही ऋषी मूसा थिया, जुण्जा शुंन-शाँन जागा की कलीसिया के बीच दी तेसी स्वर्गदूत्त की गंईलो सीनै धारोह् गाशी बात-चींत करह् थिया; से अमाँरे पुराँणियों आरी भी थिया, तेसी ही ऋषी मूसा खे जीऊँदें बचन भे भेंटे, के से सेजे पंण्मिश्वर के बचन आँमों तोड़ी पंह्ऊँचाल़ो।

प्रेरितो कै काम 7:38 ပူးပေါင်းရင်းမြစ်များ

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

प्रेरितो कै काम 7:30

“मिद्यान देश दै मूसा कै चाल़ीश साल रौणौ कै बाद, मूसाए सीनै पाहाड़ कै ऐकी रेगिस्थान दा ऐक स्‍वर्गदूत कै दैखा औरौ पौरमेशवरे तैसी स्‍वर्गदूत कै दवारा जोल़ेयौंदे झाड़ी शै तैसीआरी बातौ कौरी।

प्रेरितो कै काम 7:35

“ऐजा सैजाई मूसा औसौ जैसीकै इस्राएल देश कै लोगै ना अपनाए रैई थी औरौ बौल़ौ राए थियु, ‘ताखै कुणै आमु पांदी औधिकारी औरौ न्याय कौरणौवाल़ा ठोहराए राए?’ पौरमेशवर कै जैसी स्‍वर्गदूतै मूसा कै जोल़ेयौंदे झाड़ी मुंजी दर्शन दिया, तैणैई मूसा कै इस्राएली लोगौ का औधिकारी औरौ छुड़ाणौवाल़ा ठोहरायो भैजा।

प्रेरितो कै काम 7:53

तुऐं स्‍वर्गदूतौ कै दवारा ठैहरायौंदे मूसा कै कानून तौ पाए, पौरौ तिनुखै मानी ना।”

रोमियों 3:2

ऐक यहूदी हौणौ कै बैजाए फायदै औसौ। सौबदै खास बात ऐजी औसौ कै, पौरमेशवर कै वचन यहूदी लोगौ खै सौंपै राए।

रोमियों 9:4

सै पौरमेशवर कै लोग औसौ; पौरमेशवरे तिनु आपणै नानड़िया बाणै औरौ तिनु कारिए आपणै महिमा कै प्रकट कौरे; तिनकै साथै आपणै कौरार बानै औरौ तिनु मूसा कै कानून दियै; ताकि सै साची तरीकै शै पौरमेशवर कै आराधना कौरौ; तिनुकै पौरमेशवर कै प्रतिज्ञाएँ भैटी रौई।

गलातियौं 3:19

तौ तोबै मूसा कै कानून किथु दैय राए? सै तौ अपराधौ कै बौजैह शै बाद दै दैय राए, पौरमेशवरे कानून कै रचना ऐशैखै कौरे राए थै कै ऐजौ तैसी सौमय तौड़ी लागू रौंदौ जांव तौड़ी कै अब्राहम कै वंश, मसीह नी आला; ऐजौ तैसी वंश कै बारै मुंजी थियु जिथका पौरमेशवरे वादा कौरे राए थिया। पौरमेशवरे आपणै कानून कै स्‍वर्गदूतौ कै दवारा मूसा कै दियै। मूसा ही पौरमेशवर औरौ लोगौ कै बीच मुंजी बीचोलिया थिया।

इब्रानियों 2:2

जिथुकै पौरमेशवर का कानून जू स्‍वर्गदूतौ कै दवारा दैय राए थिया, सौदा साचा साबित हौए रौआ औरौ लोगौ खै मूसा कै कानून कै कुणजै बै आज्ञा टाल़नो पांदी सौजा भैटौ थै।

इब्रानियों 4:12

जिथुकै पौरमेशवर का वचन जियुंदी औरौ काम कौरणौवाल़ा औसौ, सै कियौंई दौ धार वाल़ी तलवार दा बै जादा पौईना औसौ। सै प्राण औरौ आत्मा खै, गांठ औरौ मैंजै कै जौई कौरौ औरौ अमारै मन की इछाओं औरौ विचारो खै पौरखै पांव।

इब्रानियों 5:12

तुऐं लाम्बै सौमय शै बिशवाश कौरदै आए रौवै। इबी तौड़ी तौ तुऔं खै शिखाणै वाल़ै हौए जाणौ चैंई थियु। इथकै बजाय, तुऔं इबी बै कोसी कै जौरुरत औसौ जू तुऔं पौरमेशवर कै वचनो की बुनियादी शिक्षा औटेयौ शिखांव। तुऐं तौ ऐशणै हौए गौवै, मानौ नानड़िया ही हौलै। काठौ खाणौं खाणौ कै बजाय, तुऔं खै इबी बै दूध ही चैंई।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।