प्रेरितो कै काम 6:9 - सिरमौरी नौवाँ नियम

⁹ पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

Sirmouri

⁹ तेख्णीं तेसी ही बख्त्ते लिबर्तीन खुम्ल़ी के चौत्रे के किऐ लोग, जुण्जे के आगे ही कुरेनीं अरह् सिकन्दरिया नंगरों अरह् किलिकिया अरह् आसिया ईलाके के किऐ लोग स्तिफनुस का बिरोध अरह् तेसी आरी बाद-बिबाद कर्दे लागे।

प्रेरितो कै काम 6:9 ပူးပေါင်းရင်းမြစ်များ

मत्ती 10:17

पौरौ लोगौ कैईंदै चौकश रौया, जिथु सै तुऔं खै महासभाओ दै निलै औरौ तुऔं यहूदी सभा-घोरो दै कौड़ै लान्दै।

मत्ती 23:34

इथकारिए दैखौ, हांव तोंवारै धोरे पौरमेशवर कै बातौ बौताणौवाल़ै औरौ बुध्दिमानों औरौ यहूदी शास्त्रीयों खै भैजदा; औरौ तुऐं तिनुमुंजी दै कोसी खै मारै दैंदै औरौ कोसी कै क्रूसो पांदी चौढ़ांदै, औरौ कोसी कै आपणै यहूदी सभा-घोरो दै कौड़ै लान्दै, औरौ ऐकी नगर शै दूजै नगर तौड़ी लोताड़दै फिरले।

मत्ती 27:32

बायरै जांदी बैई तिनु सिकन्‍दर औरौ रूफुस का पिता शमौन, ऐक कुरेनी शहर का आदमी भैटा, तिनुऐ तैसीखै खामखैई खै थाम्बा कै तैसकौ क्रूस टिपयौ आगु नीयों।

मरकुस 13:9

पौरौ तुऐं आपणै बारै दै चौकश रौया, जिथुकै लोग तुऔं कै महासभा दै निलै औरौ तुऔं यहूदी सभा-घोर दै पीटदै, औरौ तुऐं मैरै चैलै औसौ इथकारिए लोग तुऔं खै राज्यपालो औरौ राजाओं कै आगै खौड़ै कौरदै। तोबै तुऐं तिनुखै मैरा सुसमाचार शुणाए सौकौ।

लूका 21:12

पौरौ इनु सौबी बातौ दै औगौड़ियौ सै मैरै नांव की बौजैह शै तुऔं पाकोड़दे, औरौ सतांदै, औरौ यहूदी सभा-घोरो दै सोंपदै औरौ ज़ेलो दै पांदै, औरौ राजाओं औरौ राज्यपालो कै सामणै लोए जांदै।

प्रेरितो कै काम 11:20

पौरौ तिनुमुंजी दै साइप्रस टापू कै रौणौवाल़ै किछै बिशवाशी औरौ कुरेन कै रौणौवाल़ै लोग थिए, जू अन्‍ताकिया शहर दै आयौ बैगानै यहूदी लोगौ खै बै प्रभु यीशु कै सुसमाचार की बातौ शुणादै लागै।

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

प्रेरितो कै काम 13:45

पौरौ यहूदी नेता भीड़ खै दैखैयो ज़लन लैई भोरै गौवै, औरौ नेंदैया कौरेयौ पौलुस कै बातौ कै खिलाफ दै बौलदै लागै।

प्रेरितो कै काम 15:23

औरौ तिनुऐ इयौं चिट्ठी खै तिनुआरी भैजै, “अन्‍ताकिया शहर औरौ सीरिया प्रदेश औरौ किलिकिया प्रदेश कै रौणौवाल़ै जू बैगानै यहूदी बिशवाशियौं मुंजीदै औसौ तिनकै चोणेयौंदे चैलै औरौ अगुवो भाईयों का नमशकार।

प्रेरितो कै काम 15:41

तोबै सै पूरै सीरिया प्रदेश औरौ किलिकिया प्रदेश दै हौटै औरौ कलीसिया कै बिशवाशियौं खै मोजबूत कौरदै बैई हौटै।

प्रेरितो कै काम 16:6

औरौ सै फ्रूगिया प्रदेश औरौ गलातिया प्रदेशो दै हौयौ कै हौटै, जिथुकै तिनु पवित्र आत्माए एशिया प्रदेश दा वचन शुणाणौ शै मोना कौरा।

प्रेरितो कै काम 18:24

अपुल्लोस नांव का ऐक यहूदी आदमी जैसका जन्म सिकन्‍दरिया शहर दा हौए रौआ थिया, जू विद्वान आदमी थिया औरौ पवित्र शास्त्र कै आछी तरह शै जाणौ थिया इफिसुस शहर दा ओऊवा।

प्रेरितो कै काम 19:10

दो सालो तौड़ी ऐशैखैई हौंदौ रो, इथै तौड़ी कै एशिया प्रदेश कै रौणौवाल़ै यहूदी लोगै औरौ यूनान देश कै रौणौवाल़ै सौबी लोगै प्रभु का वचन शौणै पोऊवा।

प्रेरितो कै काम 19:26

औरौ तुऐं दैखौ औरौ शुणौए कै सिरफ इफिसुस शहर ही नी, पौरौ एशिया प्रदेश कै सौबै गांव दै बौल बौलेयौ ऐसी पौलुसे बौहितै लोगौ खै सौमझाए औरौ भरमाए बै राए, कै जू हाथौ की कारीगरी औसौ, सै ईशवर ना आथी।

प्रेरितो कै काम 21:27

जोबै सैजै सात दूस पूरै हौणौ पांदी थिए, तौ एशिया प्रदेश कै यहूदी लोगै पौलुस खै मन्दिर दा दैखैयो सौबी लोगौ खै उकसाए, औरौ पौलुसो कै उंढा थामा औरौ लैरौ मारदै लागै।

प्रेरितो कै काम 21:39

पौलुसे बौल़ौ, “ना हांव ऐक यहूदी आदमी औसौ! हांव किलिकिया प्रदेश कै मशहूर शहर तरसुस का रौणौवाल़ा औसौ। औरौ हांव तांव कैईंदै बिन्ती कौरु, कै मुखै लोगौआरी बात कौरणौ दै।”

प्रेरितो कै काम 22:19

मोऐं बौल़ौ, ‘ओए रै प्रभु सैजै तौ आपी जाणौए, कै हांव तांव पांदी बिशवाश कौरणौवाल़ै खै कोयदखाने दै पोऊँ औरौ जौगैह-जौगैह यहूदी सभा-घोर दै पिटोऊं थिया। इथकारिए, मैरै सौमझ ना आए रैई कै यरूशलेम शहर दै यहूदी लोग मुं पांदी बिशवाश काए ना कौरदै।

प्रेरितो कै काम 22:3

“हांव तौ यहूदी आदमी औसौ, मैरा जन्म किलिकिया प्रदेश कै तरसुस शहर दा हौआ, पौरौ ऐसी नोगर दा गमलीएल कै लातो कै धोरे बोठेयो शिक्षा पाए, औरौ पुराणिया मूसा कै कानून कै बै ठीक ढंग शै शिखाए राए; औरौ पौरमेशवर कारिए ऐशणै धुन लाए राए थी, जैशणी तुऐं सौबीए ऐलो लाए राए।”

प्रेरितो कै काम 23:34

राज्यपाले चिट्टी पोढ़ेयो खै पूछु, “ऐजा कोसी प्रदेश का औसौ?”

प्रेरितो कै काम 24:18

तैसी सौमय तिनुऐ मन्दिर दा मुखै शुद्ध हौणौ कै भोवारो खै पूरा कौरदै बैई दैखा। तिथै ना कुणजै भीड़ थी औरौ ना ही कियौंई भान्त का रोल़ा थिया। तिथै आसिया प्रदेश कै किछै यहूदी लोग थिए जिनुवै रोल़ा पाड़ा।

प्रेरितो कै काम 26:11

औरौ हरेक यहूदी सभा-घोर दै हांव तिनु ताड़-ताड़ैयौ खै यीशु कि नेंदैया कौरौऊं थिया, इथै तौड़ी कै गुस्से कै मारै ऐशणा पागल हौए गौआ, कै ओकी शहरो दा बै जायौ खै तिनु सोतोऊं थिया।

प्रेरितो कै काम 6:10

पौरौ स्‍तिफनुसे जू किछै बै बौल़ौ सै तिथका जोवाब ना दैय सौकी जिथुकै पवित्र आत्माए तैसी बौड़ै बुध्‍दिमानी कै साथै बौलणौ दै मौदद कौरे।

1 कुरिन्थियों 1:20

तौ तोबै बुध्दिमान आदमी औरौ यहूदी शास्त्री कै दशा का औसौ औरौ जू ऐक माहिर वाद-विवाद औसौ जू इयौं दुनिया पांदी हौंव? जिथुकै पौरमेशवरे आगैई दिखाए राए कै तिनकै संसारिक बुध्दि कै कुणजै कीमत ना आथी।

गलातियौं 1:21

इथकै बाद हांव सीरिया प्रदेश औरौ किलिकिया प्रदेशो दा ओऊवा।