प्रेरितो कै काम 6:8 - सिरमौरी नौवाँ नियम

⁸ स्तिफनुस अनुग्रह औरौ अनौखी शौकतै दा भोरेयौ लोगौ मुंजी बौड़ै-बौड़ै काम औरौ निशान दिखाया कौरौ थिया।

Sirmouri

⁸ स्तिफनुस कृपा अरह् शक्त्ति शा भरियों लोगो मुँझी बड़े-बड़े काँम-काज़ अरह् चींह्न-चंम्त्तकार देखाँव थिया।

प्रेरितो कै काम 6:8 ပူးပေါင်းရင်းမြစ်များ

यूहन्ना 4:48

यीशुए तैसीखै बौल़ौ, “जांव तौड़ी तुऐं निशान औरौ अनौखै काम नै दैखी, तांव तौड़ी कौलोंई मुं पांदी मसीह कै भैष दा बिशवाश ना कौरदै।”

प्रेरितो कै काम 6:10

पौरौ स्‍तिफनुसे जू किछै बै बौल़ौ सै तिथका जोवाब ना दैय सौकी जिथुकै पवित्र आत्माए तैसी बौड़ै बुध्‍दिमानी कै साथै बौलणौ दै मौदद कौरे।

प्रेरितो कै काम 6:15

तोबै सौबी लोगै जू महासभा दै बौठै रौवै थिए, तैसकै ढौबौ टकटकी लायौ दैखौ औरौ तैसका मुँह स्‍वर्गदूत कै मुँह जैशणा चौमकेयौंदा दैखा।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

प्रेरितो कै काम 6:5

ऐजै बात सौबी मण्‍डली कै आछी लागै औरौ तिनुऐ स्तिफनुस नांव का ऐक मर्द कै जू पवित्र आत्मा लैई भौरेयौंदा थिया, औरौ फिलिप्‍पुस औरौ प्रुखुरुस औरौ नीकानोर औरौ तीमोन औरौ परमिनास औरौ अन्‍ताकिया शहर कै रौणौवाल़ै नीकुलाउस खै जू यहूदी कै गुट शै आए गौआ थिया, चोणे पाए।

प्रेरितो कै काम 7:55

पौरौ तैणै पवित्र आत्मा शै भोरेयौ स्वर्ग कै ढौबौ दैखौ औरौ पौरमेशवर कै महिमा कोरी औरौ यीशु कै पौरमेशवर कै सोऐं ढौबौ खौड़ा हौयौ दैखैयो

प्रेरितो कै काम 8:6

जूंजी बातौ फिलिप्पुसे बुली तिनु लोगै शोणेयो औरौ जूंजे निशान शै दिखांव थिया तिनु दैख दैखैयो ऐक मन हौयौ तैसकै बातौ पांदी ध्यान लौआ।

इफिसियों 4:11

ऐजा मसीह थिया जैणै ऐजी जुमैवारी कलीसिया कै दी: तैणै कोसी कै चोणेयौंदे चैलै बाणणौ कारिए चुणै औरौ कोसी कै पौरमेशवर का सौंदेश बौताणौ कारिए औरौ कोसी कै सुसमाचार शुणाणौ कारिए, औरौ कोसी कै बिशवाशियौं कै रौखवाल़ै कौरणौ औरौ शिखाणौ कारिए चुणै।

1 तीमुथियुस 3:13

जिथु जू सेवको का काम आछै ढंग शै कौरे सौकौ, सै आपी कारिए लोगौ कै दवारा आछा नांव पालै औरौ सै यीशु मसीह दै आपणै बिशवाश कै बारै मुंजी बौड़ै हिम्मत कै साथै बौल़ै सौकौ।