प्रेरितो कै काम 6:6 - सिरमौरी नौवाँ नियम

⁶ औरौ तिनु चोणेयौंदे चैलै कै सामणै लोऊवे औरौ तिनुऐ प्रार्थना कौरेयौ तैसी कामौ खै कौरणौ कारिए तिनुखै चुणै।

Sirmouri

⁶ अरह् तबे तिन्ऐं च़ूणें-छ़ाँटे अँदे लोग खास-चैले कैई हाजीर करे, अरह् खास-चैले ऐं तिनखे प्रार्थना करी; अरह् आप्णें हाथ तिनके मुँढों गाशी थंऐयों तिनखे आशिर्बाद दिता।

प्रेरितो कै काम 6:6 ပူးပေါင်းရင်းမြစ်များ

मरकुस 5:23

औरौ ऐजौ बौलेबा तैसी कैईंदै बैजाए बिन्ती कोरयो बौल़ौ, “मैरै नानड़ै बैटी मौरणौ पांदी औसौ: तू मैरै घोरे आयौ तियौं पांदी हाथ धौर दै, तोबै सै ठीक हौए जांदी औरौ जियुंदी रौंदी।”

प्रेरितो कै काम 1:24

औरौ ऐजौ बौलेयौ प्रार्थना कौरे, “ओए रै प्रभु, तू जू सौबी कै मोनो कै जाणै, ऐजौ प्रगट कौर कै इनु दु मुंजीदा तुऐं कोसी कै चोणे राए।

प्रेरितो कै काम 13:3

तोबै तिनुऐ उपवास औरौ प्रार्थना कौरेयौ औरौ तिनु पांदी हाथ राखैयौ तिनु पौरमेशवर का काम कौरणौ कारिए भैजै।

प्रेरितो कै काम 19:6

औरौ जोबै पौलुसे तिनु पांदी हाथ राखै, तौ तिनु पांदी पवित्र आत्मा ओऊवा, औरौ सै सांत-भांत कै भाषा बौलदै औरौ पौरमेशवर की बातौ बौतांदै लागै।

प्रेरितो कै काम 8:17

तोबै पतरस औरौ यूहन्नाए तिनु पांदी हाथ राखै, औरौ तिनुऐ पवित्र आत्मा पाए।

प्रेरितो कै काम 9:12

औरौ तैणै दर्शन दो दैखौ कै हनन्‍याह नांव कै ऐक आदमीए आयौ, तैसी पांदी हाथ राखा कै सै दुजाल़ियो दैखदा लागौ।”

प्रेरितो कै काम 9:17

तोबै हनन्‍याह बिज़यो तैसी घोरे ओऊवा, जिथै शाऊल रौकै रौआ थिया औरौ तैसी पांदी आपणा हाथ राखैयौ बौल़ौ, “ओए रै भाई शाऊल, तैसी प्रभु यीशुए मुखै भैजै राए जू ताखै तैसी बाटो पुंडा जिथैदा तू ओऊवा तैरै दैखिया, ताकि तू दुजाल़ियो दैखै सौकै औरौ पवित्र आत्मा लैई भोरै जाए।”

1 तीमुथियुस 4:14

तैसी वरदान शै जू हौणौवाल़ी बातौ कै दवारा तांव पांदी कलीसिया कै अगुवे कै हाथ राखदै सौमय ताखै भैटी रौआ थिया, तैसी लगातार ताखै इस्तैमाल कौरणा चैंई।

1 तीमुथियुस 5:22

जांव तौड़ी सै आपी कै मसीह कै प्रति बिशवाश लायक साबित ना कौरे दैंव तांव तौड़ी तैसीकै अगुवा नी बाण औरौ जै तू ऐशै कौरे, तौ तू तैसकै पापौ कारिए बै जुमैवार औसौ, ठाणै पा कै तू आपी पाप ना कौरे।

2 तीमुथियुस 1:6

इयौं बौजैह शै हांव ताखै याद दियोऊं कै तिनु वरदानो कै औटेयौ इस्तैमाल कौर जू पौरमेशवरे ताखै दैय राए थिए जौल़ौ मोऐं तैरै मुंडो पांदी आपणा हाथ राखा।

इब्रानियों 6:2

औरौ आमु बपतिस्मा कै बारै मुंजी, औरौ कोसी पांदी हाथ राखैयौ आशीष दैणौ कै बारै मुंजी, औरौ मौरेयौंदे मुंजीदै जियुंदी हौणौ कै बारै मुंजी, औरौ आखरी न्यांव की शिक्षा कै नीयुं औटेयौ पाणौ कै जौरुरत ना आथी।