प्रेरितो कै काम 6:14 - सिरमौरी नौवाँ नियम

¹⁴ जिथुखै आमुए ऐसी ऐजौ बौलदै बैई शौणै राए कै ऐजा नासरत गांव का यीशु ऐसी मंदिर कै ढाल़ै दैंदा, औरौ तिनु भौवारो खै बौदलै दैंदा जू मूसाए आमु कै दैय राए।

Sirmouri

¹⁴ आँमें ऐसी आदमी ऐजो बुल्दे शुँणीं थुवा, के सेजा ही यीशू नासरी ईयों जागा ढाल़ी देंदा; अरह् सेजी अज्ञाँ-निय्म जुण्जी के ऋषी-मूसा खे भेटी रंऐ थी, से तियों भे बद्ल़ी देंदा; जुण्जी तिन्ऐं आँमों खे देऐ थंऐ थी।”

प्रेरितो कै काम 6:14 ပူးပေါင်းရင်းမြစ်များ

मत्ती 26:61

औरौ बौल़ौ, “तैणै बौल़ौ की हांव पौरमेशवर कै मन्दिर कै ढाल़ै सौकु औरौ ती दूसौ दा बौणाए बै सौकु।”

मरकुस 14:58

“आमै ऐसीखै ऐजौ बौलदै शौणै राए ‘हांव ऐसी हाथौ कै बाणैयोंदै मन्दिरो खै ढाल़ै दियुंबा, औरौ ती दूसौ दा ओका बाणुबा, जू हाथौ लैई ना बाणै रैली।’”

लूका 21:24

सै तलवारों लैई मारै जांदै औरौ तिनु कोयदी बाणैयौ दुनिया कै सौब देशो दै पोऊंचाए जांदै; औरौ जौल़ौ तौड़ी बैगानै जाति का सौमय पूरा ना हौंदा, तौलौ तौड़ी यरूशलेम शहर कै लोगौ खै बैगानै यहूदी कै लोग जेंगदै।”

लूका 21:6

“सैजै दूस आन्दै जिनुमुंजी ऐजौ सौबै जू तुऐं दैखौए तिनु मुंजीदा इथै पाथरो पांदी पाथर बै चकनाचूर हौए जांदै औरौ ऐक बै पाथर आपणी जौगैह पांदी ना रौंदा।”

यूहन्ना 2:19

यीशुए तिनुकै जोवाब दिया, “ऐसी मन्दिरो खै ढाल़ै दैंव, औरौ हांव ऐसीखै ती दूसौ दा दुजाल़ियो बाणै दोऊंबा।”

यूहन्ना 4:21

यीशुए तियौंखै बौल़ौ, “ओए रै बैटमाणिश, मैरी बातौ पांदी बिशवाश कौर, कै सैजा सौमय आन्दा लागै रौआ कै तुऐं ना तौ इथु धारो पांदी पिता पौरमेशवर कै आराधना कौरदै, ना यरूशलेम शहर दै।

प्रेरितो कै काम 15:1

तोबै किछै य‌हूदी बिशवाशी यहूदिया प्रदेश शै अन्‍ताकिया शहर खै आए औरौ बिशवाशियौं खै शिखांदै लागै कै, “जै मूसा कै कानून कै हिसाब शै तोंवारा खतना ना हौं तौ तुऐं उध्दार ना पाए सौकौ।”

प्रेरितो कै काम 21:21

औरौ तिनु यहूदी बिशवाशियौं खै तैरै बारै मुंजी बौतौऊं कै तू बैगानै यहूदी लोगौ मुंजीदै रौणौवाल़ै यहूदी लोगौ खै मूसा कै कानून छोड़े दैणौ कै बात शिखांए औरौ बौल़ौ कै ना आपणै नानड़िया का खतना कौराया औरौ ना यहूदी भोवारो पांदी चालैया।

प्रेरितो कै काम 25:8

पौरौ पौलुसे जोवाब दिया, “मोऐं ना तौ यहूदी लोगौ कै कानून कै औरौ ना मन्दिरो कै औरौ ना महाराजा (कैसर) कै खिलाफ किछै पाप कौरे रैई।”

प्रेरितो कै काम 26:3

हांव आपी कै धन्‍य सौमझु जिथुकै तू यहूदी लोगौ कै सौबी भोवारो औरौ विवादो खै जाणै। इथकारिए हांव बिन्ती कौरु, धीरज शै मैरी बातो शुण पा।”

प्रेरितो कै काम 28:17

ती दूसौ कै बाद तैणै यहूदियों कै सियाणै लोगौ खै बौईदै, औरौ जोबै सै कौठै हुवे तौ तिनुखै बौल़ौ, “ओए रै भाईयों, मोऐं आपणै लोगौ खै या पुराणियो कै भोवारो कै खिलाफ दो किछै बै नी कौरी, तोबै बै कोयदी बोणेयो यरूशलेम शहर शा रोमी सरकार कै हाथै सौंपा गौआ।

गलातियौं 3:19

तौ तोबै मूसा कै कानून किथु दैय राए? सै तौ अपराधौ कै बौजैह शै बाद दै दैय राए, पौरमेशवरे कानून कै रचना ऐशैखै कौरे राए थै कै ऐजौ तैसी सौमय तौड़ी लागू रौंदौ जांव तौड़ी कै अब्राहम कै वंश, मसीह नी आला; ऐजौ तैसी वंश कै बारै मुंजी थियु जिथका पौरमेशवरे वादा कौरे राए थिया। पौरमेशवरे आपणै कानून कै स्‍वर्गदूतौ कै दवारा मूसा कै दियै। मूसा ही पौरमेशवर औरौ लोगौ कै बीच मुंजी बीचोलिया थिया।

गलातियौं 3:23

पौरौ इदा आगै मसीह ओऊवा औरौ आमु तैसी पांदी बिशवाश कौरे सौकु, मसीह कै आणौ दै औगौड़ियौ, आमु यहूदियों कै कैद दै राखै राए थिए औरौ मूसा कै कानून अमारै रोखवाल़ी कौरौ थिए।