प्रेरितो कै काम 6:11 - सिरमौरी नौवाँ नियम

¹¹ इथपांदी गुलामी शै आज़ाद हौणौवाल़ै लोगै कैई लोगौ खै स्तिफनुस कै बारै मुंजी झूठ बौलणौ कारिए उकसोऊवे औरौ सै बौलदै लागै आमुए ऐसी मूसा कै कानून औरौ पौरमेशवर कै खिलाफ नेंदैया की बातौ बौलदै बैई शौणै राए।

Sirmouri

¹¹ तबे तिन्ऐं कऐ लोग दुरताऐ जुण्जे ऐजो बुल्दे लागे; के “आँमें ऐसी आदमी ऋषी-मूसा अरह् पंण्मिश्वर के बिरूध दा नींन्दया कर्दे शुँणी थुवा।”

प्रेरितो कै काम 6:11 ပူးပေါင်းရင်းမြစ်များ

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 16:3

ऐजौ सैजै इथकारिए कौरदै कै तिनुऐ पिता पौरमेशवर कै ना जाणी औरौ ना मुखै जाणौ।

यूहन्ना 9:29

आमु जाणुए कै पौरमेशवरे मूसा शै बातौ कोरी; पौरौ ऐसी आदमी कै ना जाणु कै ऐजा कुकै दा आए रौआ।”

प्रेरितो कै काम 15:21

जिथुकै मूसा कै ऐसी कानून का प्रचार पुराणै सौमय शै नोगर-नोगर दा हौंदा आए रौआ, औरौ सै हर विशांव कै दूसै यहूदी सभा-घोरो दै पौढ़ै जांव।”

प्रेरितो कै काम 18:6

पौरौ जोबै यहूदी लोग पौलुस कै खिलाफ हौयौ निन्‍दा कौरदै लागै, तौ तैणै आपणै खोटणो कै धूल झाड़ेयौ तिनु बौल़ौ, पौरमेशवर कै सौंदेश कै ना मानणौ कै बौजैह शै तुऐं आपी ही तियौं सौजा कै दोषी औसौ, जू तुऔं पौरमेशवर कै ढौबौशै भैटदै, हांव बैकसूर औसौ। ऐलो दा ऊबा हांव बैगानै यहूदी लोगौ कै धोरे जांदा औरौ पौरमेशवर कै सौंदेश का प्रचार कौरदा।

प्रेरितो कै काम 21:28

“ओए रै इस्राएल देश कै लोगौ, मौदद कौरौ; ऐजा सैजाई आदमी औसौ, जू लोगौ खै, औरौ मूसा कै कानून खै, औरौ ऐसी ठाँव कै खिलाफ दो हर जौगैह सौबी लोगौ खै शिखांव, इथै तौड़ी कै बैगानै यहूदी लोगौ खै बै मन्दिर दै लायौ तैणै ऐसी पवित्र ठाँव कै अपवित्र कौरे राए।”

प्रेरितो कै काम 25:3

औरौ तिनुऐ फेस्तुस राज्यपाल शै बिन्ती कौरे कै सै तिनका साथ दैंव कै सै पौलुस कै यरूशलेम शहर दा बौईदो, जिथुखै सै तैसी बाटौ पुंडा ही मारणौ कै ताको दै लागै रौवै थिए।

प्रेरितो कै काम 25:7

जोबै सै ओऊवा, तौ जू यहूदी नेता यरूशलेम शहर शै आए रौवै थिए, तिनुऐ आंडे-पांडे खौड़ै हौयौ तैसी पांदी भौरिशै गम्भीर दोष लोऊवे, जिथका सबूत सै दैय नी सौकौ थिए।

प्रेरितो कै काम 26:11

औरौ हरेक यहूदी सभा-घोर दै हांव तिनु ताड़-ताड़ैयौ खै यीशु कि नेंदैया कौरौऊं थिया, इथै तौड़ी कै गुस्से कै मारै ऐशणा पागल हौए गौआ, कै ओकी शहरो दा बै जायौ खै तिनु सोतोऊं थिया।

प्रेरितो कै काम 6:10

पौरौ स्‍तिफनुसे जू किछै बै बौल़ौ सै तिथका जोवाब ना दैय सौकी जिथुकै पवित्र आत्माए तैसी बौड़ै बुध्‍दिमानी कै साथै बौलणौ दै मौदद कौरे।

प्रेरितो कै काम 6:12

औरौ तिनुऐ स्तिफनुस कै खिलाफ लोगौ औरौ बुड़ेईको औरौ यहूदी शास्त्री कै उकसाए औरौ तिनुऐ आयौ स्तिफनुस कै थाम्बैयौ महासभा कै धोरे निया।

प्रेरितो कै काम 6:13

औरौ तिनुऐ तिथै झूठै गवाह खौड़ै कौरे, जिनुवै स्तिफनुस पांदी इलजाम लोऊवा कै ऐजा आदमी ऐसी पवित्र ठाँव औरौ मूसा कै कानून कै खिलाफ बौलणौ ना छोड़ो।

रोमियों 3:8

किछै लोगै ऐजौ बौलेयौ आमु पांदी आरोप लौआ कै आमुए बौल़ौ, “आव आमै बुरु कौरौ ताकि इथलैई अच्छाई निकल़ौ।” जैशैखै आमु पांदी ऐजा दोष लाया बै जांव, औरौ किछै बौल़ौए कै इनका ऐजाई बौलणा औसौ। पौरौ जू लोग मैरै बारै मुंजी ऐशणी बातौ बौल़ौ, सैजै सौजा पाणौ कै लायक औसौ।

1 तीमुथियुस 1:13

हांव तौ बिशवाशी बाणणौ दा आगै मसीह कै बारै मुं‍जी बुरी बातौ कौरणौवाल़ा, औरौ बिशवाशी कै सौताणौवाल़ा, औरौ तिनुकै नुकसान पोऊंचाणौ वाल़ा थिया, जिथुकै हांव इबी तौड़ी मसीह पांदी बिशवाश ना कौरु थिया औरौ इयौं बौजैह शै हांव सौमझै ना सौकी कै जू मोऐं कौरे लो थियु सै गौलत थियु। इथकारिए पौरमेशवरे मुं पांदी दया कौरे, जिथुकै हांव ना सौमझी कै मोऐं का कौरे लो थियु औरौ मुखै इबी तौड़ी मसीह पांदी बिश‍वाश ना थी।