प्रेरितो कै काम 5:41 - सिरमौरी नौवाँ नियम

⁴¹ सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

Sirmouri

⁴¹ खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!

प्रेरितो कै काम 5:41 ပူးပေါင်းရင်းမြစ်များ

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

यूहन्ना 15:21

पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

प्रेरितो कै काम 21:13

पौरौ पौलुसे जोवाब दिया, “तुऐं ऐजौ का कौरौ, कै रुए-रुयो मैरा मन तौड़ौ? हांव तौ प्रभु यीशु कै नांव कारिए यरूशलेम शहर दा सिरफ बानणो कारिए ही नी पौरौ मोरणो कारिए बै तैयार औसौ।”

प्रेरितो कै काम 5:21

चोणेयौंदे चैलै ऐजौ शोणेयो झीशींदै मन्दिर दै हौटै औरौ जैशै तिनुकै स्‍वर्गदूतै बौताए राए थियु तैशैकैई उपदैश दैणा शुरु कौरा। पौरौ महायहूदी पुरोहित औरौ तैसकै साथीए आयौ महासभा कौ औरौ इस्राएल देश कै लोगौ कै सौबै बुड़ेईक कै कौठै कौरे औरौ कोयदखाने दा सौंदेश भैजा, कै तिनु लाव।

रोमियों 5:3

सिरफ ऐजौ ही नी, पौरौ आमै कौल़ेशौ औरौ पौरैशानी दै हौंव, तोबै बै खुशी हौए सौकौ, जिथुकै आमै जाणुए कै जोबै आमै दुख दै हौयौ जोऊं तोबै आमै हौजौ बै जादा सब्र राखणा शिखु,

2 कुरिन्थियों 12:10

ऐसी बौजैह शै हांव मसीह कारिए कमजोरी दा, औरौ नेंदैया दा, औरौ कोष्टो दा, औरौ कौल़ेशौ दा, खुशी औसौ; जिथुकै जोबै हांव कमजोर होऊं, तौबी हांव मसीह कै शौकतै दा बलवान होऊं।

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

याकूब 1:2

ओए रै मैरै बिशवाशी भाईटु, जोबै तुऔं सांत भान्त की पौरैशानी आंव, तौ इथुकै खुशी कै बात सौमझौ।

3 यूहन्ना 1:7

जिथुकै ऐजै लोग मसीह कै नांव कै लोगौ मुंजी फोयलाणो कारिए घुमदै लागै रौवै थिए, औरौ अबिशवाशी लोगौ कैईंदै किछै मौदद ना लोंव।