प्रेरितो कै काम 5:33 - सिरमौरी नौवाँ नियम

³³ ऐजौ शोणेयो सभा कै सदस्य गुस्से हुवे औरौ चोणेयौंदे चैलै कै मारणा चांव थिए।

Sirmouri

³³ खास-चैले की ऐजी बात शुँणियों, तियों खुम्ल़ी दे बंईठै अंदे लोग प्रचंण्ड हुऐ; अरह् से बादे के बादे लोग तिनू खास-चैले माँरी देंणें चहाँव थिऐ।

प्रेरितो कै काम 5:33 ပူးပေါင်းရင်းမြစ်များ

मत्ती 1:19

तोबै तियांरा हौणौवाल़ा घोरवाल़ा यूसुफ जू आछा आदमी थिया औरौ तियौंखै बदनाम कौरणै ना चांव थिया, औरौ तैणै तियौंखै चुपी छौड़णौ का विचार कौरा। (तियौंखै बियाव हौणौ दौ औगौड़ियौ होल़किणु हौए गौ थियु, जू मूसा कै कानून कै खिलाफ थियु)

मत्ती 10:21

लोग आपणै बिशवाशी भाईयों खै मार दैणौ कारिए थोमाले। औरौ बापू बै आपणै नानड़िया आरी ऐशैखैई कौरलै, औरौ नानड़िया आपणै माँ-बापू कै खिलाफ हौए जांदै, औरौ तिनु ओकी लैई मोरवाए दैंदै।

मत्ती 10:25

चैलै का गुरु कै जैशणा हौणा, औरौ नोकरो का आपणै मालिक कै जैशणा हौणा काफी औसौ; औरौ जोबै तिनुऐ मुखै घोरो कै मालिक कै शैतान बौल़ै राए तौ ऐजै मैरै घोरो कै लोगौ कै हौजौ बै बुरै नांव शै बौईददै।

मत्ती 24:9

तोबै सैजै लोग जू तोंवारै खिलाफ औसौ कौल़ेश दैणौ खै तुऔं खै थोमाले औरौ तुऔं खै मारै दैंदै जिथुकै तुऐं मैरै चैलै औसौ इथकारिए सौबै देशो कै लोग तुऔंआरी बैर कौरलै।

लूका 20:19

तैसी सौमय यहूदी शास्त्री औरौ मुख्य यहूदी पुरोहित यीशु खै थामणा चांव थिए, जिथुकै सैजै सौमझै गौवै थिए, कै यीशुए तिनकै खिलाफ उदारण बौल़ै राए पौरौ सै लोगौ दै डौरे।

लूका 6:11

पौरौ सै आपी दै बायरै जाएयो आपी मुंजी बौलदै लागै कै आमुए यीशु कै साथी का कौरु?

यूहन्ना 15:20

याद राखौ कै मोऐं तुऔं का राव थियु बौल़ै, ‘नोकर आपणै मालिक दा बौड़ा ना आथी,’ जै तिनुऐ मुखै सोताए राए, तौ सै तुऔं खै बै सतांदै, जै सै मैरी शिक्षा कै मानदै, तौ तोंवारै बै मानलै।

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

प्रेरितो कै काम 2:37

जोबै लोगै ऐजौ शुणु तौ सै आपी खै दोषी महसूस कौरदै लागै, औरौ सै पतरस औरौ ओकी चोणेयौंदे चैलै कैईंदु पूछदै लागै, “ओए रै भाईयों, आमै का कौरु?”

प्रेरितो कै काम 22:22

इथै तौड़ी तौ लोग पौलुस कै बात शुणदै रौवै, पौरौ तोबै जोर शै आवाज़ मारेयों लेलियोवे, “ऐसी आदमी खै मारै दैव; ऐसको जियुंदी रौणौ ठीक ना आथी!”

प्रेरितो कै काम 7:54

ऐजी बातौ शोणेयो यहूदी नेता गुस्से हुवे औरौ स्तिफनुस पांदी डाठी किटदै लागै।

प्रेरितो कै काम 9:23

जोबै शाऊल खै दमिश्क शहर दै रौंदै बैई बौहितै दूस बीतै गौवै, तौ यहूदी लोगै मिलैयौ तैसीखै मारणौ कै साजिश बाणै।